ބުދަ ދުވަހު ބޭއްވި އެމެރިކާގެ ރިޔާސީ އިންތިޚާބުގައި ތަފާތު ބޮޑުކޮށް ކުރީގެ ރައިސް ޑޮނަލްޑް ޓްރަމްޕް އިންތިޚާބު ކާމިޔާބުކުރައްވައިފި އެވެ. އިންތިޚާބުގެ ނަތީޖާ އާއެކު އެމެރިކާގެ 47 ވަނަ ރައީސް ކަމުގެ ހުވާ ޓްރަމްޕް ކުރައްވާނީ އަންނަ އަހަރުގެ ޖެނުއަރީ 20 ވަނަ ދުވަހު އެވެ. solex

78 އަހަރުގެ ޓްރަމްޕް އިންތިޚާބު ކާމިޔާބު ކުރެއްވީ ޖުމްލަ 279 އިލެކްޓޯރަކް ކޮލާޖް ވޯޓުންނެވެ. އެމެރިކާގެ ރިޔާސީ އިންތިޚާބު އޮންނަ ގޮތުން އިންތިޚާބު ކާމިޔާބު ކުރާ ކެންޑިޑޭޓަކު މަދުވެގެން 270 އިލެކްޓޯރަކް ކޮލާޖް ވޯޓް ހޯދަން ޖެހޭނެއެވެ. އިދިކޮޅު ކެނޑިޑޭޓް ކަމަލާ ހަރިސް އަށް ކާމިޔާބު ކުރެއްވުނީ 223 އިލެކްޓޯރަލް ކޮލާޖް ވޯޓެވެ. ޕޮޕިއުލާ ވޯޓުންވެސް 5 މިލިއަން ވޯޓް ހަރިސްއަށްވުރެ އިތުރަށް ޓްރަމްޕް ހޯއްދަވާފައިވެއެވެ.

"އެމެރިކާގެ ރައްޔިތުން މީގެކުރިން ނުދޭވަރުގެ މެންޑޭޓެއް އަހަރެމެންނަށްދީފީ" ފްލޮރިޑާގެ ޕާމް ބީޗް ކައުންޓީ ކޮންވެންޝަން ސެންޓަރުގައި އޭނާގެ ސަޕޯޓަރުންނާ މުޚާތަބުކޮށް ބުދަދުވަހު ވިދާޅުވިއެވެ.

މިއީ ފަހުގެ ތާރީޚެއްގައި ޖެހިޖެހިގެން ނޫންގޮތަކަށް އެމެކާރިކާރެ ރިޔާސީ އިންތިޚާބެއްގައި ކުރީގެ ރައީސަކު ވާދަކޮށް ކާމިޔާބު ކުރެއްވި ފުރަތަމަ ފަހަރެވެ. ޓްރަމްޕް އިންތިޚާބު ކާމިޔާބު ކުރެއްވިއިރު, ޤާނޫނު ހަދާ މަޖިލީހުގެ މަތިގޭގެ (ސެންޓް) އަގުލަބިއްޔަތުވެސް ޑިމޮކްރެޓުން ބަލިކޮށް ރިޕަބްލިކަންސް ވަނީ ނަގާފައެވެ. ހައުސް އޮފް ކޮމަންސްގެ އަޣްލަބިއްޔަތު އަދި މިހާތަނަށް ސާފުވެފައެއް ނުވެއެވެ. ޓްރަމްޕްގެ ކާމިޔާބީ އާއެކު ދުނިޔޭގެ ލީޑަރުން ދަނީ އޭނާ އަށް މަރުހަބާ ކިޔަމުންނެވެ.