ރިސޯރޓްތަކަށް ރާއްޖެ އަންނަ ކޮންމެ ފަތުރުވެރިއެއްގެ ބޮލަކަށް 500 ޑޮލަރު މޯލްޑިވްސް މަނިޓަރި އޮތޯރިޓީ (އެމްއެމްއޭ) އަށް މާރުކުރަން ޖެހޭގޮތަށް ހެދި އުޞޫލު ބަދަލު ނުކުރައްވާނެ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ.solex

ސަރުކާރުގެ އެއް އަހަރުގެ ކާމިޔާބީ ފާހަގަކުރަން ޒުވާނުންގެ މަރުކަޒުގައި ބޭއްވި ޖަލްސާގައި ރައީސުލްުޖުމްހޫރިއްޔާ ވިދާޅުވީ އެއުޞޫލު ބަދަލުނުކުރައްވާނެ ކަމަށާއި, ޖެހޭނީ އުޞޫލަށް ތަބާވާން ކަމަށެވެ. އުޞޫލު ބަދަލު ނުކުރައްވާނެ ވާހަކަ ރައީސުލްޖުމްހޫރިއްޔާ ތަކުރާރު ކުރެއްވިއެވެ.

ވަރަށް ސާފްކޮށް މިދަންނަވަނީ ގަވާއިދު ބަދަލެއް ނުކުރާނަމޭ. ވަރަށް ސާފްކޮށް މިދަންނަވަނީ ގަވާއިދު ބަދަލެއް ނުކުރާނަމޭ. 500 ޑޮލަރު މާރުކުރައްވަން ޖެހިވަޑައިގަންނަވާނޭ. ގަވާއިދަށް ތަބާވުމަކީ އެންމެންގެ މައްޗަށް ލާޒިމްކަމެކޭ. އެކަން ކުރައްވަން ޖެހިވަޑައިގަންނަވާނޭ

އުޞޫލު ބަދަލު ނުކުރައްވާނެ ކަމަށް ރައީސުލްޖުމްހޫރިއްޔާ ވިދާޅުވީ ރާއްޖޭގައި ރިސޯރޓްތައް ހިންގާ ފަތުރުވެރިކަމުގެ ދާއިރާގެ އިސްފަރާތްތައް އެއުޞޫލާ އެއްގޮތަށް ޑޮލަރު މާރުކުރެވެން ނެތްކަން ބަޔާންކޮށް, އެމްއެމްއޭ އަށް ސިޓީތައް ފޮނުއްވާފައިވަނިކޮށެވެ.

ރައީސުލްޖުމްހޫރިއްޔާ ވިދާޅުވީ އެއުޞޫލަށް އަމަލުކުރުމުން އޭގެ ފައިދާ ވަނީ ރައްޔިތުންނަށް ކަމަށެވެ. ޓޫރިޒަމް އިންޑަސްޓްރީގެ އެހީތެރިކަމާއި އެއްބާރުލެއްވުމާ އެކީގައި ޑޮލަރު މާރުކުރުމުގެ ކަންތައް ކުރިއަށްދާ ނަމަ 2026 ގެ ފުރަތަމަ ކްއާޓާރއާ ހިސާބަށް ދާއިރު ބޭރަށް ފުރާ ދިވެހިންނަށް 1000 ޑޮލަރު ގަތުމުގެ ފުރުޞަތު ދެވޭނެ ކަމަށް ރައީސް ވިދާޅުވިއެވެ. މިހާރު ބެންކް ރޭޓްގައި ގަންނަން ލިބެނީ 500 ޑޮލަރެވެ.

މީގެއިތުރުން އެއުޞޫލުން ރަނގަޅަށް ގެންދެވިއްޖެ ނަމަ ކްރެޑިޓް ކާޑްގެ ލިމިޓްވެސް 2026 ވަނަ އަހަރުގެ ފުރަތަމަ ކްއާޓާގައި 1400 ޑޮލަރަށް އިތުރު ކުރެވޭނެ ކަމަށް ރައީސުލްޖުމްހޫރިއްޔާ ވިދާޅުވިއެވެ.