ކުރީގެ ރައީސް އަބްދުالله ޔާމީން އަބްދުލްޤައްޔޫމްގެ ޝަރީއަތްތައް މިއަދު އަލުން ފަށައިފި އެވެ. މިއަދު އަލުން ފެށީ ކުރިން ދަށުކޯޓުން 11 އަހަރުގެ ޖަލު ހުކުމެއް އިއްވި ވ.އާރަށުގެ މައްސަލައެވެ.solex

އެމައްސަލައިގެ އަޑުއެހުންތައް އަލުން ފެށީ ހައިކޯޓުން އެމައްސަލައިގެ ހުކުމް ބާތިލްކޮށް އަލުން ބަލަން އަމުރު ކުރުމުންނެވެ. އާރަށް ކުއްޔަށް ދޫކުރުމުގެ މުއާމަލާތުގެ ތެރޭގައި ރިޝްވަތާއި މަނީލޯންޑްރިންގެ ކުށް ހިމެނޭކަމުގެ ތުހުމަތުގައި ޝަރީއަތުގެ މަރުހަލާ ނިންމާ ކްރިމިނަލް ކޯޓުން އިއްވި 11 އަހަރުގެ ޖަލު ހުކުމުގެ ތެރެއިން ބައެއް ވަނީ ފުރިހަމަކޮށްފައެވެ. ހުކުމް އިއްވީ 2022 ވަނަ އަހަރުގެ ޑިސެމްބަރު މަހުގެ 25 ވަނަ ދުވަހުއެވެ. ހައިކޯޓުން ހުކުމް ބާތިލްކުރީ މިއަހަރުގެ އޭޕްރީލް މަހުއެވެ.

މިއަދު އަލުން އަޑުއެހުންތައް ފެށިއިރު އޮތީ ޝަރީއަތް ކުރިއަށް ގެންދާނެ ގޮތް ކަނޑައެޅުމެވެ. އެގޮތުން ޝަރީއަތުގެ މަޖިލިހުންނާއި ޔާމީނުގެ ފަރާތުން ފެންނަ ކަންކަން ހުށަހެޅިއެވެ. ކުރިންވެސް މިމައްސަލައިގެ ޝަރީއަތް ލައިވްކޮށްފައިވާތީ ރައީސް ޔާމީނުގެ ފަރާތުން ވަކީލު އެދުނީ މިފަހަރުވެސް ލައިވް ކުރުމަށެވެ. މައްސަލަ ބައްލަވާ ގާޒީ އަލީ ނަދީމް ވަނީ ދެން އޮންނަ ޝަރީއަތާ ހަމައިން ލައިވްކުރައްވާނެ ކަމަށް ވިދާޅުވެފައެވެ.

އާރަށުގެ މައްސަލައިގެ އިތުރުން ފުއްގިރި މައްސަލަވެސް މިހަފްތާއަށް ތާވަލްކުރިއެވެ. ނަމަވެސް ފަހުން އެމައްސަލަ މިހަފްތާގެ ތާވަލުން ވަނީ ނަގާފައެވެ.