ޑޮލަރު އެކައުންޓެއް ނެތި ނެޓްފްލިކްސްއާއި, އަލިއެކްސްޕްރެސްގެ ޚިދުމަތް ނުހޯދޭނެކަން އިނގުމުން ރައްޔިތުން ނުރުހުން ފާޅުކުރަން ފަށައިފިއެވެ.solex

ރައްޔިތުންގެ ނުރުހުން އަމާޒުވެ ސޯޝަލް މީޑިޔާގައި އެކަން ފާޅުކުރަމުން ދަނީ ބޭންކް އޮފް މޯލްޑިވްސް އިން ރުފިޔާ އެކައުންޓުން ޑޮލަރުގެ މުއާމަލާތް ނުކުރެވޭ ގޮތް ހެދުމުންނެވެ. މިބަދަލާއެކު ޑޮލަރު އެކައުންޓެއް ނެތި, އަދި ޑޮލަރު އެކައުންޓަކީ ޕްރައިމަރީ އެކައުންޓްގެ ގޮތުގައި ނަހަދާ ނެޓްފްލިކްސްއާއި އާއި އަލިއެކްސްޕްރެސް ފަދަ ޑޮލަރުން ފައިސާ ކަނޑާ ޚިދުމަތްތައް ނުހޯދޭނެއެވެ. އެޚިދުމަތްތައް މިހާރު ވަނީ ކަނޑާލާފައެވެ. ބޭންކް އޮފް މޯލްޑިވްސްއިން ގެނައި ބަދަލަކީ ކާޑްގެ ޕްރައިމަރީ އެކައުންޓަކީ ދިވެހި ރުފިޔާ އެކައުންޓެއް ނަމަ ބޭރު ފައިސާގެ މުއާމަލާތް ކުރުމަށް އެއްވެސް އަދަދެއް ނުލިބޭނެ ގޮތް ހެދުމެވެ. އަދި ބޭންކް އޮފް މޯލްޑިވްސް އިން މިއަދުން ފެށިގެން ދޫކުރާ ޑެބިޓް އަދި ކްރެޑިޓް ކާޑްގެ ޕްރައިމަރީ އެކައުންޓަކީ ދިވެހި ރުފިޔާ އެކައުންޓެއް ނަމަ ބޭރުފައިސާގެ މުއާމަލާތް ކުރުމަށް އެއްވެސް އަދަދެއް ނުލިބުމެވެ. މިހާލަތުގައި ރާއްޖެއިން ބޭރުގައި ރުފިޔާ އެކައުންޓުން ވިޔަފާރިއެއް ނުކުރެވޭނެއެވެ.

މީގެއިތުރުން ބޭންކް އޮފް މޯލްޑިވްސް އިން ވަނީ މިހާރު ދޫކޮށްފައިވާ ސްޓޭންޑަރޑް އަދި ގޯލްޑް ކްރެޑިޓް ކާޑްތަކުން ރާއްޖެއިން ބޭރުން މަހެއްގެ މައްޗަށް ކުރެވޭ މުއާމަލާތްވެސް 100 ޑޮލަރަށް ދަށްކޮށްފައެވެ. ކުރިން ކްރެޑިޓް ކާޑުން 750 ޑޮލަރުގެ ވިޔަފާރި ކުރެވެއެވެ. އަދި ޑެބިޓް ކާޑުން 250 ޑޮލަރުގެ ވިޔަފާރި ކުރެވެއެވެ. ގައުމީ ބޭންކުން ބުނީ ޔޫއެސް ޑޮލަރު އެކައުންޓަށް އަލަށް ދޫކުރާ ކާޑާއި, މިހާރުވެސް ބީއެމްއެލް ޑެބިޓް ކާޑް ގެންގުޅޭ ފަރާތްތަކަށް ބޭރުގެ މުއާމަލާތް ކުރުމަށް ކާޑް ބޭނުން ކުރެވޭނެ ކަމަށެވެ.

މިނިންމުން ސަރުކާރުން ބަދަލުކުރަން އުޅޭ ކަމަށް މިހާރު ދަނީ ޚަބަރު ފެތުރެމުންނެވެ. ނަމަވެސް އެފަދަ ނިންމުމެއް ސަރުކާރުން އަދި އިއުލާނެއް ނުކުރެއެވެ.