ޕާޓީ ބަދަލުކޮށްފިނަމަ ރައްޔިތުންގެ މަޖިލިހުގެ މެމްބަރުންގެ ގޮނޑި ގެއްލޭ ބިލް ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިރޭ ތަސްދީޤު ކުރައްވައިފި އެވެ.

ރައީސް މިރޭ ތަސްދީޤު ކުރެއްވީ ދިވެހިރާއްޖޭގެ ޖުމްހޫރިއްޔާގެ ޤާނުނުއަސާސީއަށް 6 ވަނަ އިޞްލާޙު ގެނައުމުގެ ބިލެވެ. މި ބިލުން ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް ވަނީ މައިގަނޑު ފަސް އިޞްލާޙެއް ގެނަސްފައެވެ. މި ބިލުގެ އެންމެ ފާހަގަކޮށްލެވޭ އެއް އިޞްލާޙަކީ، ޤާނޫނުއަސާސީގެ 73 ވަނަ މާއްދާގެ (ރ) އަށް އިތުރުކުރެވޭ ބަދަލުތަކެވެ. މި ބަދަލުތަކާއެކު، ރައްޔިތުންގެ މަޖިލިސް މެންބަރުންގެ ގޮނޑި ގެއްލޭނެ އާ ތިން ހާލަތެއް އިތުރުކުރެވިފައިވެއެވެ. 

ޤާނޫނު އަސާސީއަށް ގެނައި އިސްލާހުގެ ސަބަބުން ސިޔާސީ ޕާޓީއެއްގެ ޓިކެޓުގައި އިންތިޚާބުވެފައިވާ މެންބަރަކު އެހެން ޕާޓީއަކަށް ބަދަލުވުމުން ނުވަތަ އަމިއްލަގޮތުން ކުރިމަތިލައިގެން އިންތިޚާބުވި މެންބަރަކު ޕާޓީއަކަށް ބަދަލުވުމުން ނުވަތަ ރައްޔިތުން މަޖިލީހުގެ މެންބަރަކު، އެ މެންބަރަކު ރައްޔިތުންގެ މަޖިލީހުގެ ޢުމުރުގެ ތެރޭގައި، ތަމްސީލުކުރާ ޕާޓީއިން އަމިއްލައަށް ވަކިވުމުން ނުވަތަ ޕާޓީއިން ވަކިކުރުމުން އެ މެންބަރެއްގެ ގޮނޑި ގެއްލޭނެއެވެ.

ޤާނޫނު އަސާސީއަށް ގެނައި ބަދަލާއެކު، ދިވެހިރާއްޖޭގެ ސަރަޙައްދަށް އެއްވެސް ބަދަލެއް ގެނެވޭނީ ރައްޔިތުންގެ މަޖިލީހުގެ ޖުމްލަ މެންބަރުންގެ ހަތަރުބައިކުޅަ ތިންބައިގެ އަޣުލަބިއްޔަތުން ފާސްކުރާ ޤާނޫނަކުންނެވެ. މި އިޞްލާޙުގައި ރާއްޖޭގެ ސަރަޙައްދުގެ ގޮތުގައި ކަނޑައަޅާފައިވަނީ، ދިވެހިރާއްޖޭގެ އާކިޕެލަޖިކް ބޭސްލައިންތަކުގެ ތެރޭގައިވާ ބިމާއި، ޖައްވާއި ކަނޑާއި، ކަނޑުގެ އަޑީގައިވާ ބިމާއި މިބުނެވިދިޔަ ބޭސްލައިންތަކުން ފެށިގެން ބޭރުގައިވާ ދިވެހިރާއްޖޭގެ ސަރަހައްދީ ކަނޑާއި އެ ކަނޑުގެ އަޑީގައިވާ ބިމާއި، އެ ކަނޑާ ގުޅިފައިވާ ޖައްވެވެ.

ޤާނޫނުއަސާސީގެ 115 ވަނަ މާއްދާގެ (ބ) އަށް ގެނެވުނު އިޞްލާޙާއެކު، ރައީސުލްޖުމްހޫރިއްޔާގެ ބާރުތައްވެސް ވަނީ ފުޅާކުރެވިފައެވެ. މިގޮތުން، ދައުލަތުގެ މައިގަނޑު ސިޔާސަތުތައް ކަނޑައެޅުމާއި، ސަރުކާރުގެ އިދާރާތަކަށް އިރުޝާދު ދިނުމާއި، ޤައުމީ ތަރައްޤީގެ ޕްލޭންތަކާއި ތަޞައްވުރުތައް އެކަށައެޅުމުގެ ބާރު ރައީސުލްޖުމްހޫރިއްޔާއަށް މި އިޞްލާޙުގެ ދަށުން ލިބިދެއެވެ.

މީގެ އިތުރުން، ޤާނޫނުއަސާސީގެ 251 ވަނަ މާއްދާގެ (ނ) އަށް ގެނެވުނު އިޞްލާޙުގެ ދަށުން، އެއްބަސްވުމެއްގެ ދަށުން ނުވަތަ އެނޫންވެސް ގޮތަކުން، ރާއްޖެއިން ބޭރުގެ ފަރާތްތަކަށް ދިވެހިރާއްޖޭގެ ސަރަޙައްދުގެ އެއްވެސް ބައެއް އަސްކަރީ ބޭނުމަކަށް ބޭނުންކުރުމުގެ ހުއްދަ ދެވޭނީ ރައްޔިތުންގެ މަޖިލީހުގެ ޖުމްލަ މެންބަރުންގެ އަޣުލަބިއްޔަތުން ފާސްވެގެންނެވެ. ނަމަވެސް، އެއްބަސްވުމެއްގެ ދަށުން ހިންގޭ އަސްކަރީ ތަމްރީނުތަކުގައި ބައިވެރިވުން މީގެން އިސްތިސްނާވެއެވެ.

މީގެއިތުރުން މި ބިލުގައި ޤާނުނުއަސާސީގެ 262 ވަނަ މާއްދާގެ (3) ވަނަ ނަންބަރުގެ ފަހަތަށް ވަނީ 2 ނަންބަރު އިތުރުކުރެވިފައެވެ. މިގޮތުން، ރާއްޖޭގެ ސަރަޙައްދަށް ބަދަލު ގެނައުމާ ގުޅޫ ބިލެއް ނުވަތަ ޤާނޫނުއަސާސީއަށް ގެނެވޭ އިސްލާހަކާ ގުޅޭ ބިލެއް ރައްޔިތުންގެ މަޖިލީހުން ފާސްކުރުމުން ރައްޔިތުންގެ އަޣުލަބިއްޔަތު އޮތްތޯ ބެލުމަށް އާންމު ވޯޓެއް ނަގަން ވާނެ ކަމަށްވަނީ ބަޔާންކޮށްފައެވެ.

މި ބިލަކީ، މިއަދު ބޭއްވެވި 20 ވަނަ ރައްޔިތުންގެ މަޖިލީހުގެ 52 ވަނަ ޖަލްސާއިން ފާސްކުރި ބިލެކެވެ. މި ބިލު، ރައީސުލްޖުމްހޫރިއްޔާ ތަޞްދީޤުކުރެއްވުމާ ގުޅިގެން، މިހާރު ވަނީ ދިވެހިސަރުކާރުގެ ގެޒެޓުގައި ޝާއިޢުކުރައްވާފައެވެ. އެއާއެކު މިޤާނޫނަށް އަމަލުކުރަން ވަނީ ފެށިފައެވެ.

Party badhal kohfi nama gondi gehlley bill Raees thasdheeq kuravvaifi

ޕާޓީ ބަދަލުކޮށްފިނަމަ ގޮނޑި ގެއްލޭ ބިލް ރައީސް ތަސްދީޤު ކުރައްވައިފި

ޕާޓީ ބަދަލުކޮށްފިނަމަ ގޮނޑި ގެއްލޭނެ ކަމަށް ރައްޔިތުންގެ މަޖިލިހުގެ މެމްބަރުން އަމިއްލައަށް ފާސްކޮށްފި އެވެ. ޤާނޫނު އަސާސީއަށް ގެނައި އިސްލާހު ފާސްކުރީ 78 މެމްބަރުންގެ ވޯޓުންނެވެ. ދެކޮޅަށް ވޯޓް ދެއްވީ 13 މެމްބަރުންނެވެ. އެއީ އެމްޑީޕީގެ މެމްބަރުންނާއި, އަމިއްލަ މެމްބަރެކެވެ.

ޤާނޫނު އަސާސީގައި އެންޓި ޑިފެންޝަން މާއްދާތައް ހިމަނަން ހުށަހެޅި މިއަދު މަޖިލިހުގެ ތަޅުމަށް ހުށަހެޅި ބިލް މިއަދު ބަލައިގަނެ, މުޅި މަޖިލިހުގެ ކޮމިޓީއަށް ފޮނުވީވެސް މިއަދުއެވެ. ކޮމިޓީން ފާސްކޮށް, ތަޅުމަށް ފޮނުވުމުން މަޖިލިހުގެ ޖަލްސާއިން ޤާނޫނު އަސާސީ އިސްލާހުކޮށް, އެބަދަލު ގެންނަން ފާސްކުރީ މިއަދު ހަވީރު އެވެ. 

ޤާނޫނު އަސާސީ އިސްލާހުކުރެއްވުމަށް ހުށަހެޅުއްވީ ހުޅުދޫ ދާއިރާގެ މެމްބަރު މުޙައްމަދު ޝާހިދު އެވެ. އެބިލްގައި ބުނަނީ ޕާޓީ ބަދަލުކޮށްފި ނަމަ ނުވަތަ ޕާޓީން ވަކިކޮށްފިނަމަވެސް މަޖިލިހުގެ ގޮނޑި ގެއްލޭނެ ކަމަށެވެ. އަދި އަމިއްލަ މެމްބަރަކު ޕާޓީއަކަށް ސޮއިކުރެއްވި ނަމަވެސް ގޮނޑި ގެއްލެއެވެ. ބިލް ފާސްކުރީ ތަޅުމުގައި އެމްޑީޕީގެ މެމްބަރުން އިހުތިޖާޖު ކުރަމުން ދަނިކޮށެވެ. މެމްބަރުން އިހުތިޖާޖު ކުރީ 'ޤާނޫނު އަސާސީގެ ދިފާއުގައި' ކަމަށް ބުނެއެވެ.

ޤާނޫނު އަސާސިއަށް އެއިސްލާހު ގެންނަން ބަހުސްކޮށް, ފާސްކުރިއިރުވެސް މަޖިލިސް ސަރަހައްދުގައި އެމްޑީޕީގެ މެމްބަރުން ދިޔައީ އަޑު އުފުލަމުންނެވެ. 

Party badhal kohfi nama gondi gehlleyne kamah memberun amilla ah passs kohfi

ޕާޓީ ބަދަލުކޮށްފިނަމަ ގޮނޑި ގެއްލޭނެ ކަމަށް މެމްބަރުން އަމިއްލައަށް ފާސްކޮށްފި

ރިސޯރޓްތަކަށް ރާއްޖެ އަންނަ ކޮންމެ ފަތުރުވެރިއެއްގެ ބޮލަކަށް 500 ޑޮލަރު މޯލްޑިވްސް މަނިޓަރި އޮތޯރިޓީ (އެމްއެމްއޭ) އަށް މާރުކުރަން ޖެހޭގޮތަށް ހެދި އުޞޫލު ބަދަލު ނުކުރައްވާނެ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ.

ސަރުކާރުގެ އެއް އަހަރުގެ ކާމިޔާބީ ފާހަގަކުރަން ޒުވާނުންގެ މަރުކަޒުގައި ބޭއްވި ޖަލްސާގައި ރައީސުލްުޖުމްހޫރިއްޔާ ވިދާޅުވީ އެއުޞޫލު ބަދަލުނުކުރައްވާނެ ކަމަށާއި, ޖެހޭނީ އުޞޫލަށް ތަބާވާން ކަމަށެވެ. އުޞޫލު ބަދަލު ނުކުރައްވާނެ ވާހަކަ ރައީސުލްޖުމްހޫރިއްޔާ ތަކުރާރު ކުރެއްވިއެވެ. 

ވަރަށް ސާފްކޮށް މިދަންނަވަނީ ގަވާއިދު ބަދަލެއް ނުކުރާނަމޭ. ވަރަށް ސާފްކޮށް މިދަންނަވަނީ ގަވާއިދު ބަދަލެއް ނުކުރާނަމޭ. 500 ޑޮލަރު މާރުކުރައްވަން ޖެހިވަޑައިގަންނަވާނޭ. ގަވާއިދަށް ތަބާވުމަކީ އެންމެންގެ މައްޗަށް ލާޒިމްކަމެކޭ. އެކަން ކުރައްވަން ޖެހިވަޑައިގަންނަވާނޭ

އުޞޫލު ބަދަލު ނުކުރައްވާނެ ކަމަށް ރައީސުލްޖުމްހޫރިއްޔާ ވިދާޅުވީ ރާއްޖޭގައި ރިސޯރޓްތައް ހިންގާ ފަތުރުވެރިކަމުގެ ދާއިރާގެ އިސްފަރާތްތައް އެއުޞޫލާ އެއްގޮތަށް ޑޮލަރު މާރުކުރެވެން ނެތްކަން ބަޔާންކޮށް, އެމްއެމްއޭ އަށް ސިޓީތައް ފޮނުއްވާފައިވަނިކޮށެވެ. 

ރައީސުލްޖުމްހޫރިއްޔާ ވިދާޅުވީ އެއުޞޫލަށް އަމަލުކުރުމުން އޭގެ ފައިދާ ވަނީ ރައްޔިތުންނަށް ކަމަށެވެ. ޓޫރިޒަމް އިންޑަސްޓްރީގެ އެހީތެރިކަމާއި އެއްބާރުލެއްވުމާ އެކީގައި ޑޮލަރު މާރުކުރުމުގެ ކަންތައް ކުރިއަށްދާ ނަމަ 2026 ގެ ފުރަތަމަ ކްއާޓާރއާ ހިސާބަށް ދާއިރު ބޭރަށް ފުރާ ދިވެހިންނަށް 1000 ޑޮލަރު ގަތުމުގެ ފުރުޞަތު ދެވޭނެ ކަމަށް ރައީސް ވިދާޅުވިއެވެ. މިހާރު ބެންކް ރޭޓްގައި ގަންނަން ލިބެނީ 500 ޑޮލަރެވެ.

މީގެއިތުރުން އެއުޞޫލުން ރަނގަޅަށް ގެންދެވިއްޖެ ނަމަ ކްރެޑިޓް ކާޑްގެ ލިމިޓްވެސް 2026 ވަނަ އަހަރުގެ ފުރަތަމަ ކްއާޓާގައި 1400 ޑޮލަރަށް އިތުރު ކުރެވޭނެ ކަމަށް ރައީސުލްޖުމްހޫރިއްޔާ ވިދާޅުވިއެވެ. 

500 dollar maarukurumuge usool badhaleh nukuraanan- Raees

500 ޑޮލަރު މާރުކުރުމުގެ އުޞޫލު ބަދަލެއް ނުކުރާނަން- ރައީސް

ފުރަތަމަ އަހަރުގެ އެންމެ ބޮޑު ކާމިޔާބީއަކީ ގައުމު ބަނގުރޫޓް ނުވެ ސަލާމަތްވުން ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ. އެމަނިކުފާނުގެ ސަރުކާރަށް އެއް އަހަރު ފުރުން ފާހަގަކުރަން ރޭ ބޭއްވި ޖަލްސާގައި ވިދާޅުވީ މީގެ އަހަރު ދުވަސް ކުރިން ދިވެހިރާއްޖޭގެ ރައީސުލްޖުމްހޫރިއްޔާކަމުގެ މަޤާމާ ޙަވާލުވެވަޑައިގެންނެވިއިރު، ޤައުމުގެ އިޤްތިޞާދު ހަލާކުގެ އަނދަވަޅަކަށް ވައްޓާލަން ނިންމާފައިވާ ކަމަށެވެ.

އެހެންނަމަވެސް އެހާލަތު ބަދަލުކޮށް ޤައުމު ބަނގުރޫޓުނުވެ، އެކަމުން މިއަދު އަރައިގަނެވިފައި އޮތް ކަމީ މި ސަރުކާރުގެ އެންމެ ބޮޑު ކާމިޔާބީ ކަމަށް ރައީސް ވިދާޅުވިއެވެ. ރައީސުލްޖުމްހޫރިއްޔާ ވިދާޅުވީ އިޤްތިޞާދު މެނޭޖު ނުކުރެވި، ޤައުމު ބަނގުރޫޓުވާ ހިސާބަށް ކަންކަން ހިނގައްޖެކަމުގެ ތުހުމަތުތައް ބައެއް ފަރާތްތަކުން ސަރުކާރަށް އަމާޒު ކުރާ ކަމަށެވެ. ނަމަވެސް އެއީ ޙަޤީޤަތް ނޫން ކަމަށް ވިދާޅުވިއެވެ.

އަދުގެ ސަރުކާރުން ދިވެހިރާއްޖޭގެ ވެރިކަމާ ޙަވާލުވެވަޑައިގެންނެވުމުގެ 6 ދުވަސް ކުރިން، އިންޓަރނޭޝަނަލް މަނިޓަރީ ފަންޑް (އައި.އެމް.އެފް) އިން ޝާއިޢުކުރި ރިޕޯޓަށް އިޝާރާތްކުރައްވައި ރައީސުލްޖުމްހޫރިއްޔާ ވަނީ، އެ ރިޕޯޓުގައި ދިވެހިރާއްޖޭގެ ދަރަނީގެ ދެމެހެއްޓެނިވިކަން ގެއްލިގޮސްފައިވާކަން އިޢުލާނުކުރި ކަމާއި، އެހިސާބުން ބަނގުރޫޓުވުމާ ހަމަޔަށް ދިޔަކަން ރަސްމީކޮށް އިޢުލާނު ކުރެވުނީކަން ހަނދުމަފުޅުކޮށްދެއްވާފައެވެ.

ވެރިކަމާ ޙަވާލުވެވަޑައިގަތް އިރު، އޭރު ދިވެހިރާއްޖެ އޮތީ 120 ބިލިއަނަށްވުރެ ބޮޑު ދަރަންޏާ އެކުގައިކަންވެސް އެ މަނިކުފާނު ފާހަގަކުރެއްވިއެވެ. އިޤްތިޞާދު މެނޭޖު ކުރުމެއް ނެތި، އަދި މެނޭޖުކުރަން ނުވެސް އެނގި، 5 އަހަރު ދުވަހުގެ ތެރޭގައި ޤައުމު ބަނގުރޫޓުކުރަން ރާވާފައި އޮތް ކަމަށާއި، ހަމަ އެ އަހަރުގެ ތެރޭގައި ޤާނޫނު އަސާސީއާ ޚިލާފަށް ޚަރަދުތަކެއްކޮށް، ޤާނޫނީ އިމުގެތެރެއަށް ކަންކަން ވެއްދުމަށްޓަކައި ސަޕްލިމެންޓްރީ ބަޖެޓެއްވެސް ހުށަހެޅިކަމަށް ރައީސް ވިދާޅުވިއެވެ.

ހަލާކުކޮށް، ބަނގުރޫޓުކުރުމާ ދިމާއަށް އަމާޒުކޮށްފައި އޮތް އިޤްތިޞާދީ ޙާލަތަކުން އަރައިގަތުމަށް "ދިވެހީންގެ ރާއްޖެ" އަށް ދިއުމަށް ރައްޔިތުން ނިންމެވީ ކަމުގައިވެސް ރައީސުލްޖުމްހޫރިއްޔާ ފާހަގަކުރެއްވިއެވެ. ކުރީގެ ސަރުކާރުން 8.4 ބިލިއަން ރުފިޔާ ޗާޕުކުރި ކަމަށް ރައީސް ތަކުރާރުކުރެއްވިއެވެ. ރައީސް ވިދާޅުވީ އޭރު ދުނިޔޭގެ ހުރިހާ މާލީ އިދާރާއަކުން އަންދާޒާކުރަމުން އައީ 2024 ވަނަ އަހަރުގެ އެޕްރިލް މަހާއި ހަމައަށް ދާއިރު، ދިވެހިރާއްޖެއިން ސޮވްރިން ޑިފޯލްޓް އިޢުލާނުކުރާންޖެހިދާނެ ކަމަށެވެ.

މާލީ އިދާރާތަކުން އެހެން ބުނަން ޖެހުނީ ސަބަބުތަކެއް އޮވެގެން ކަމަށާއި، 5 އަހަރު ކުރިޔަށް ޖެހިލާއިރު، ނަގާފައިވާ ދަރަނީގެ އިންޓަރެސްޓަށް އަހަރަކު 1.4 ބިލިއަން ރުފިޔާ ދައްކަން ޖެހިފައި އޮތް ނަމަވެސް 2023 ނިމުނުއިރު އިންޓަރެސްޓަށް އެކަނި، އަހަރަކު 4.2 ބިލިއަން ރުފިޔާ ހޭދަކުރަންޖެހިފައިއޮތްކަމަށް ވިދާޅުވިއެވެ. 

ރައީސުލްޖުމްހޫރިއްޔާ ކަމުގެ މަޤާމާ ޙަވާލުވެވަޑައިގެންނެވިއިރު ޤައުމު އޮތް ޙާލަތަށް އިޝާރާތްކުރައްވައި، ވިދާޅުވީ ދައުލަތަށް ލިބޭ އާމްދަނީގެ ކޮންމެ 100 ރުފިޔާއަކުން 24 ރުފިޔާ ޚަރަދުކުރަން ޖެހެނީ ދަރަނި ޚަލާޞްކުރުމަށް ކަމަށެވެ. މިއިން ކޮންމެ 100 ރުފިޔާއަކުން 16 ރުފިޔާ ޚަރަދު ކުރަން ޖެހެނީ ހަމަ އެކަނި، ދަރަނީގެ އިންޓްރަސްޓަށްކަމަށްވެސް ވިދާޅުވިއެވެ. 

މި ޙާލަތު މިހެން އޮތް ކަމުގައި ވީ ނަމަވެސް، ބަނގުރޫޓުވުން ތަހަންމަލުކުރަން ނުޖެހި، ރާސްތާ ބަދަލުކޮށްލެވިއްޖެކަމަށާއި، މިއީ 52 ހަފުތާގައި ޙާޞިލުކުރެއްވުނު އެންމެ މުހިއްމު ކާމިޔާބުކަމަށް ރައީސުލްޖުމްހޫރިއްޔާ ވިދާޅުވިއެވެ. މިއީ ތަފާސް ހިސާބުތަކުން ފެންނަން އޮތް ޙަޤީޤަތް ކަމުގައިވެސް އެ މަނިކުފާނު ވަނީ ފާހަގަކުރައްވާފައެވެ.

Furathama aharuge enme bodu kaamiyaaby aky gaumu banguroot nuve salaamah vun- Raees

ފުރަތަމަ އަހަރުގެ އެންމެ ބޮޑު ކާމިޔާބީއަކީ ގައުމު ބަނގުރޫޓް ނުވެ ސަލާމަތްވުން- ރައީސް

Tinu

solex

Solex

ދުންފަތުގެ މުއާމަލާތް ކުރެވޭނެ އެންމެ ހަގު އުމުރަކީ 21 އަހަރު ކަމުގައި ކަނޑައަޅަން ރައީސުލްޖުމްހޫރިއްޔާ ނިންމަވައިފި އެވެ. މިހާރު ދުންފަތުގެ މުއާމަލާތް ކުރެވޭ އެންމެ ހަގު އުމުރަކީ 18 އަހަރެވެ. ޤާނޫނުގައިވާ ގޮތުން ބޮޑު މީހެއް ކަމުގައި ބަލާ އުމުރަކީވެސް 18 އަހަރެވެ.

އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ މިއީ ޒުވާނުން ދުންފަތުގެ ގޯސް އާދައިން ދުރުކުރުމަށް އަޅުއްވާ ފިޔަވަޅެއް ކަމަށެވެ. މިފިޔަވަޅުގެ ދަށުން ދުންފަތާއި ދުންފަތުން އުފައްދާފައިވާ ތަކެތީގެ ވިޔަފާރީގެ މުއާމަލާތްކުރެވޭނެ އެންމެ ހަގު އުމުރަކީ 21 އަހަރެވެ. އެބަދަލު ގެނައުމަށް ދުންފަތް ކޮންޓްރޯލްކުރުމާބެހޭ ގާނޫނަށް ގެންނަން ޖެހޭ އިސްލާހުތައް މިއަދު ރައްޔިތުންގެ މަޖިލީހަށް ހުށަހަޅުއްވާނެ ކަމަށް ރައީސް ވިދާޅުވިއެވެ. 

މީގެ އިތުރުން، ދުންފަތް ކޮންޓްރޯލްކުރުމާބެހޭ ގާނޫނާ ހިލާފުވާ ފަރާތްތަކާ ދެކޮޅަށް އަޅާ ފިޔަވަޅުތައް ހަރުކަށިކުރުމަށްވެސް ގާނޫނަށް އިސްލާހު ގެންނަނަވާނެ ކަމަށް ވިދާޅުވިއެވެ.

މިދިޔަ ހަފްތާގައި ރައީސް ވަނީ ވޭޕާއި, ވޭޕްގެ ބާވަތްތައް އެތެރެކުރުމާއި, ބޭނުން ކުރުން މަނާކުރަންވެސް ނިންމަވާފައެވެ. އަދި ދުންފަތުގެ ޑިއުޓީ ބޮޑުކުރަން ވެސް ވަނީ ނިންމަވާފައެވެ. 