އިޤްތިޞާދީ އިސްލާހީ އެޖެންޑާގެ ދަށުން މުސާރައިގެ ދެބައިކޮޅަ އެއްބައި ނުނަންގަވަން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ނިންމަވައިފި އެވެ.solex

ރައީސުލްޖުމްހޫރިއްޔާ މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ އަންނަ އަހަރަށް ދައުލަތުގެ ބަޖެޓު ހުށަހަޅާއިރު، އިޤްތިޞާދީ އިޞްލާޙީ އެޖެންޑާގެ ދަށުން، ދައުލަތުގެ ޚަރަދުތައް ކުޑަކުރުމުގެ މަޤްޞަދުގައި ގިނަ ފިޔަވަޅުތަކެއް އެޅުއްވުމަށް ނިންމަވާފައިވާ ކަމަށެވެ. އެމަނިކުފާނުގެ މުސާރަ %50 ނުނަންގަވަން ނިންމަވަނީވެސް މިފިޔަވަޅުތަކުގެ ދަށުންނެވެ މީގެއިތުރުން ސިޔާސީ މުވައްޒަފުންގެ މުސާރައިން %10 އުނިކުރަންވެސް ރައީސުލްޖުމްހޫރިއްޔާ ވަނީ ނިންމަވާފައެވެ.

އިތުރު އެހެން ފިޔަވަޅުތަކުގެ ތެރޭގައި ބޭންކްތައް ފިޔަވައި ސަރުކާރު ހިއްސާވާ ކުންފުނިތަކުގެ މުވައްޒަފުންގެ މުސާރައިން %10 އުނިކުރުންވެސް ހިމެނެއެވެ. އަދި އަދި ކުންފުނިތަކުގެ ވެރީންނަށް އެންމެ ބޮޑުކޮށް ދެވޭނީ 90،000 ރުފިޔާ ކަމަށް ކަނޑައެޅުމަށްވެސް ރައީސް ވަނީ ނިންމަވާފައެވެ. މިހާރު 100،000ރ އަށްވުރެ ބޮޑު މުސާރަ ބައެއް ކުންފުނި ތަކުގެ މުސާރަ އޮނިގަނޑު އޮތްގޮތުން އެމްޑީންނާއި ސީއީއޯ އިންނަށް ލިބިވަޑައިގަންނަވައެވެ.

މިނިވަން މުައައްސަސާތަކުގެ އިސްވެރިންގެ މުސާރައިންވެސް %10 އުނިކުރުމަށް ކަމާބެހޭ ފަރާތްތަކަށް ހުށަހަޅުއްވަން ރައީސް ވަނީ ނިންމަވާފައެވެ. އަދި ޝަރުޢީ ދާއިރާގެ އިސްވެރިން އަދި ރައްޔިތުންގެ މަޖިލީހުގެ މެމްބަރުންގެ މުސާރައިންވެސް އެމިންވަރު އުނިކުރުމަށް އެ ފަރާތްތަކުގައި އެދިވަޑައިގަންނަވާނެ ކަމަށް ރައީސް ވިދާޅުވިއެވެ.

އެހާލަތްތަކުން އިސްތިސްނާ ވަނީ 12،000 ރުފިޔާއިން ދަށުން މުސާރަ ލިބޭ ފަރާތްތަކެވެ. ނަމަވެސް އެކެޓަގަރީތަކުގައި 12000 ރުފިޔާއިން ދަށުން މުސާރަ ލިބޭ ފަރާތްތައް ތިބޭނެ ކަމަކަށް ނުބެލެވެއެވެ. މިފިޔަވަޅުތައް އަަޅުއްވަން ނިންމަވާފައިވަނީ ދެ އަހަރުގެ މުއްދަތަށެވެ.