އިމިގްރޭޝަންގެ އޮޕަރޭޝަން އަތޮޅުތަކަށް, ގުރައިދޫން ޤަވާއިދާ ހިލާފް 39 ބިދޭސީއެއް
October 27, 2024
Share this story
ލިޔުނީ
އަށްޑުވަސް,
ގަވާއިދާ ހިލާފަށް ރާއްޖޭގައި އުޅޭ ބިދޭސީން ހޯދުމަށް މޯލްޑިވްސް އިމިގްރޭޝަނުން ފަށާފައިވާ އޮޕަރޭޝަން އަތޮޅުތަކަށް ފުޅާކޮށް, ފުރަތަމަ ރެއިޑްގައި ކ.ގުރައިދޫން 39 ބިދޭސީއެއް މާލެ ގެނެސްފި އެވެ.solex
ގުރައިދޫގައި ކުރިއަށްގެންދިޔަ ރެއިޑަށްފަހު މާލެ ގެނައި 39 ބިދޭސީން ނަކީ ގަވާއިދާ ހިލާފަށް ވިޔަފާރި ކުރަމުންދިޔަ ބިދޭސީންނެވެ. މީގެއިތުރުން އިމިގްރޭޝަނުން ވަނީ ވިސާ ފުރިހަމަ ނޫން 11 ބިދޭސީން ފާހަގަވެ, އިމިގްރޭޝަނަށް ހާޒިރުވުމަށް ވަނީ ލިޔުން ދީފައެވެ. އަދި އެފަދަ ބިދޭސީންނަށް ވަޒީފާދިން 5 ދިވެހިންނަށް ލިޔުމުން ނަސޭހަތް ދިންކަމަށް އިމިގްރޭޝަނުން ބުންޏެވެ.
ކ.ގުރައިދޫގައި އިމިގްރޭޝަނުން ކުރިއަށްގެންދިޔަ ރެއިޑްގައި 42 ތަނެއް ބަލާ ފާސްކުރިއެވެ. އަދި 106 ބިދޭސީން ޗެކް ކުރިއެވެ. ގުރައިދޫ އޮޕަރޭޝަންގައި އިމިގްރޭބަންގެ 20 އޮފިސަރުންނާއި, 9 ފުލުހުން ބައިވެރިވިއެވެ. އަދި ގުރައިދޫ ކައުންސިލުންވެސް ބައިވެރިވި ކަމަށް އިމިގްރޭޝަނުން ބުންޏެވެ.
އިމިގްރޭޝަނުން ގުރައިދޫގައި ކުރިއަށްގެންދިޔަ ހާއްސަ ރެއިޑު އޮޕަރޭޝަނަކީ ގަވާއިދާ ހިލާފަށް ރާއްޖޭގެ އެކިކަންކޮޅުތަކުގައި އުޅޭ ބިދޭސީން ބަލާ ފާސްކުރުމަށް ފެށި އޮޕަރޭޝަންގެ ދަށުން ކުރިއަށް ގެންދިޔަ ރެއިޑެކެވެ.
އިމިގްރޭޝަންގެ ބެލުމުގެ ދަށަށް ގެންދިޔަ ބިދޭސީންގެ ތެރޭގައި ބަނގްލަދޭޝް, ނޭޕާލް, ސްރީލަންކާ އަދި އިންޑިޔާ މީހުން ހިމެނެއެވެ. މީގެއިތުރުން ނައިޖީރިޔާ މީހަކުވެސް ހިމެނޭ ކަމަށް އިމިގްރޭޝަނުން ބުންޏެވެ.