އީސީއާއި އޭސީސީގެ ރައީސްއާއި ނައިބު ރައީސް އައްޔަންކުރެއްވުމުގެ ބާރު ރައީސްއަށް!
October 28, 2024
Share this story
ލިޔުނީ
އަށްޑުވަސް,
އީސީއާއި އޭސީސީގެ ރައީސްއާއި ނައިބު ރައީސް އައްޔަންކުރެއްވުމުގެ ބާރު ރައީސުލްޖުމްހޫރިއްޔާއަށް ދޭން ޤާނޫނަށް އިސްލާހު ހުށަހަޅައިފިއެވެ. މިބަދަލު ގެންނަން އިލެކްޝަން ކޮމިޝަންގެ ޤާނޫނަށާއި, އެންޓި ކޮރަޕްޝަން ޤާނޫނަށް އިސްލާހު ގެންނަން ސަރުކާރުގެ ފަރާތުން ހުށަހެޅި ބިލްގެ ފުރަތަމަ ކިޔުން އިއްވުން ރައްޔިތުންގެ މަޖިލިހުގެ މިއަދުގެ ޖަލްސާއަށް ވަނީ އެޖެންޑާކޮށްފައެވެ.
solex
މިދެޤާނޫނަށްވެސް ހުށަހަޅާފައިވަނީ 7 ވަނަ މާއްދާ ބަދަލުކުރުމަށެވެ. ހުށަހަޅާފައިވާ އިސްލާހަކީ ކޮމިޝަންގެ މެމްބަރުންގެ ތެރެއިން ރައީސް އަކާއި ނައިބުރައީސްއެއް ރައީސުލްޖުމްހޫރިއްޔާ އައްޔަން ކުރައްވަން ޖެހޭ ގޮތަށް ބަދަލުކުރުމަށެވެ. އަދި އެކަން ކުރައްވާ ކޮންމެ ފަހަރަކު ރައްޔިތުންގެ މަޖިލިހަށް ނަން ހުށަހަޅުއްވަން ޖެހޭ ގޮތަށް ވަނީ އިސްލާހު ހުށަހަޅުއްވާފައެވެ. މަޖިލިހުގެ ވޯޓްގައި ބައިވެރިވާ މެމްބަރުންގެ އަޣްލަބިއްޔަތުން ފާސްކުރުމުން މަގާމަށް އައްޔަން ކުރައްވާނީ ރައީސުލްޖުމްހޫރިއްޔާ ކަމަށް އިސްލާހުގައި ވެއެވެ.
މީގެއިތުރުން ކޮމިބަންގެ ރައީސްއާއި ނައިބުރައީސް އިސްތިއުފާދެއްވަން ބޭނުންވެއްޖެ ނަމަވެސް އިސްތިއުފާގެ ސިޓީ ރައީސުލްޖުމްހޫރިއްޔާއަށް ހުށަހަޅަން ޖެހޭ ގޮތަށް ވަނީ އިސްލާހު ހުށަހަޅުއްވާފައެވެ.
އިލެކްޝަން ކޮމިޝަންގެ ޤާނޫނަށް އިސްލާހު ގެންނަން ހުށަހެޅުއްވީ ކެލާ ދާއިރާގެ މެމްބަރު އަބްދުالله ޝަރީފެވެ. އަދި އެންޓިކޮރަޕްޝަން ޤާނޫނަށް އިސްލާހު ގެންނަން ހުށަހެޅުއްވީ ފެލިދޫ ދާއިރާގެ މެމްބަރު އާދަމް ޒާހިރެވެ.
މިއިސްލާހުތަކާއެކު އިދިކޮޅު ފަރާތްތަކުގެ ފާޑުކިއުން ވަނީ ވަރަށް ބޮޑުވެފައެވެ.
