ދިއެރް އެލް-ބަލަޙް – ޣައްޒާ (އޭފީ) ކެއްސުމާއެކު ފޮތިގަނޑަކުމް މޫނު ނިވާކޮށްގެން މެދުތެރޭ ޣައްޒާގެ ދިއެރް އެލް-ބަލަހްގައި އޭނާ ދިރިއުޅޭ ޓެންޓް ކައިރީ ޔާސްމީން އެއްޗެއް ކައްކަނީއެވެ. ދަރަށް އޭނާ ބޭނުންކުރީ ފޮށިގަނޑެއްގެ ބައިތަކެވެ. ކުޑަ ތެއްޔަކަށް ފެނުގައި މުގުކޮޅެއް ކައްކާ އޭނަގެ ފިރިމީހާއަށާއި 4 ކުދިންނަށް ކާންދިނެވެ. އެއީ ހޮނިހިރު ދުވަހު އޭނާ އަދި އޭނާގެ އާއިލާގެ ހަމައެކަނި ކެއުމެވެ. އެއާއިލާގެ ފޯރުންތެރިކަން ހުރިވަރުން ކާން ލިބުނު އެތިކޮޅެވެ.solex

"އަހަރެންގެ ދަރިންތިބެނީ ބަނޑުހައިވެގެން އަތުގެ ބޮޑުވާއިނގިލި ބޯލަބޯލަ. އަހަރެން އެކުދިންނަށް ނިދެންދެން އެކުދިންގެ ބުރަކަށީގައި ފިރުމާލަ ފިރުމާލަ އިންނަން" ޔާސްމީން ބުންޏެވެ.

ޔާސްމީންގެ އާއިލާ މިހާރު ތިބީ ފަސްވަނަ ތަނަށް ބަދަލުވެގެންނެވެ. އުތުރުގައި ހުރި އެމީހުންގެ ގެދޫކޮށް މެދުތެރެއަށް ބަދަލުވީ އޭނާގެ ޢާއިލާއަށް ފަސޭހައިން ކާތަކެތި ލިބޭނެކަމުގެ އުއްމީދުގައެވެ. އެއީ އުތުރަށް ވުރެ އެހެން ހިސާބުތަކަށް އެހީދޭ ފަރާތްތަކަށް ފަސޭހައިން ވާސިލްވެވޭނެތީއެވެ. ނަމަވެސް މިހާރު ޣައްޒާގެ ހަމަ ކޮންމެ ހިސާބެއްގައިވެސް ކާބޯތަކެތި ލިބުން އިންތިހާއަށް ވަނީ ދަތިވެފައެވެ. ތަޖުރިބާކާރުންގެ ބަހުންނަމަ އުތުރުޣައްޒާ ވަކިން ޙާއްސަކޮށް ވަނީ ހައިހޫނުކަމުގެ ކާރިސާއެއްގައެވެ.

ބުރާސްފަތިދުވަހު ބައިނަލްއަޤުވާމީ ޖިނާއީކޯޓް (އައިސީސީ) ން އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫއާއި އޭނާގެ ކެބިނެޓްގެ ކުރީގެ ދިފާއީ ވަޒީ ޔޯވް ގެލަންޓް ހައްޔަރުކުރުމުގެ އަމުރު ނެރުނުއިރު އެ އަމުރުވެސް މައިގަނޑުގޮތެއްގައި ބިނާވެފައިވަނީ ގަސްތުގައި ފަލަޞްޠީނުގެ ރައްޔިތުން ހައިހޫނުކަމުގައި ބޭއްތިބުމަށް އިޒްރާއިލްއިން ރާވައިގެން ހިންގާ ކަންކަމަކީ ހަނގުރާމަގެ ޖަރީމާއެއްކަމަށް ބަލައިގެންނެވެ.

ޔާސްމީން އާއެކު މެދުތެރޭގެ ޓެންޓްތަކުގައި ދިރިއުޅޭ އެތައްބަޔަކުވެސް ކައިބޮއި ހަދަނީ ދުވާލަކު އެއްފަހަރު ވަރަށް އާދައި ގޮތަކަށެވެ. އެސަރަޙައަދުގެ ބޭކަރީތައްވެސް ބަންދުކޮށްފައި ހުންނަތާ ފަސްދުވަސް ވެފައިވާއިރު ބޭކަރީން ޕާނެއް ގަންނަންވެސް ލިބެނީ 13 އެމެރިކާ ޑޮލަރެށެވެ. އެއީ ދިވެހި ރުފިޔާގެ 200 އެވެ. ބޭކަރީތައް ބަންދުކޮށްފައިވަނީ ފުށާއި އެހެނިހެން ސަޕްލައި އެއްކޮސް ހުސްވެފައިވާތީއެވެ.