އިޒްރާއިލްގެ އަސްކަރިއްޔާއިން އުތުރު ޣައްޒާއަށް ކާބޯތަކެތި ލިބޭނެ އެންމެހާ މަގުތަށް ބަންދުކޮށްފައި އޮންނަތާ މަހެއް ފަހުން މިއަދު ކުޑަ މިންވަރެއްގެ އެހީގެ ތަކެތި އެތެރެ ކުރުމަށް ހުއްދަ ދީފިއެވެ. ނަމަވެސް ޣައްޒާގެ އެކި ސަރަޙައްދު ތަކުގައި އިޒްރާއިލްގެ އަސްކަރިއްޔާއިން އާދިއްތަ ދުވަހު ދިން ހަމަލާތަކުގައިވެސް ވަނީ 40 ށް ވުރެ ގިނަ މީހުން މަރާލާފައެވެ. 

ފަލަޞްތީނުގެ ވަފާ ނިއުސް އެޖެންސީއާ ހަވާލާދީ އަލްޖަޒީރާގައި ރިޕޯޓްކޮށްފައިވާ ގޮތުން އިޒްރާއިލްއިން ޣައްޒާގައި ފާއިތުވެދިޔަ 24 ގަޑިއިރު މަރާލި މީހުންގެ ތެރެއިން 24 މީހުން މަރާލާފައިވަނީ އުތުރު ޣައްޒާގައެވެ. ފަހްދް އަލް ސަބާޙް ސްކޫލް ކައިރީގައި ހަ މީހެއްގެ ގަޔަށް ބަޑިޖަހާ މަރާލާފައިވާއިރު އެހެން ސަރަޙައްދުތަކުން މަރާލި މީހުންގެ ތެރޭގައި ޣައްޒާގެ ދެ ނޫސްވެރިއަކާއި މާބަނޑު މިހެއްވެސް ހިމެނޭކަމަށް އަލްޖަޒީރާއިން ރިޕޯޓްކޮށްފައި ވެއެވެ. 

މިހަމަލާ ތަކާ ގުޅިގެންވެސް އާންމުންގެ އެތައް ބަޔަކު މެރުމަށްފަހު އިޒްރާއިލްއިން އެކަމުން ރެކެން އަބަދުވެސް ބޭނުންކުރާ ޖަވާބު ވަނީ ދީފައެވެ. ޣައްޒާގައި ކިރިޔާ ބޭނުންކުރެވޭ ހާލަތުގައި ހުރި ހަމައެކަނި ހޮސްޕިޓަލް, އަލް އަލް އަޤްޞާ ހޮސްޕިޓަލްގެ ކޯޓްޔާޑަށްވެސް ހުކުރު ދުވަހު އިޒްރާއިލްގެ ހެލިކޮޕްޓަރުތަކުން ވަނީ ހަމަލާދީފައެވެ. މިއީ މާޗު މަހުން ފެށިގެން އެތަނަށް އިޒްރާއިލްގެ އަސްކަރިއްޔާއިން ދިން އަށްވަނަ ހަމަލާއެވެ. އަލް އަޤްޞާ ހޮސްޕިޓާލްއަށް ދިން ހަމަލާގައި 3 މީހަކު މަރުވެ އިތުރު 26 މީހުން ޒަޙަމްވެފައި ވެއެވެ.

Mahakah vure gina dhuvas fahun Ghaza ah eheege kuda minvareh! miadh ves Ghaza in 40 meehun maraali

މަހަކަށްވުރެ ގިނަދުވަސް ފަހުން އުތުރު ޣައްޒާއަށް އެހީގެ ކުޑަ މިންވަރެއް! މިއަދުވެސް ޣައްޒާއިން 40 މީހުން މަރާލި

ބުދަ ދުވަހު ބޭއްވި އެމެރިކާގެ ރިޔާސީ އިންތިޚާބުގައި ތަފާތު ބޮޑުކޮށް ކުރީގެ ރައިސް ޑޮނަލްޑް ޓްރަމްޕް އިންތިޚާބު ކާމިޔާބުކުރައްވައިފި އެވެ. އިންތިޚާބުގެ ނަތީޖާ އާއެކު އެމެރިކާގެ 47 ވަނަ ރައީސް ކަމުގެ ހުވާ ޓްރަމްޕް ކުރައްވާނީ އަންނަ އަހަރުގެ ޖެނުއަރީ 20 ވަނަ ދުވަހު އެވެ. 

78 އަހަރުގެ ޓްރަމްޕް އިންތިޚާބު ކާމިޔާބު ކުރެއްވީ ޖުމްލަ 279 އިލެކްޓޯރަކް ކޮލާޖް ވޯޓުންނެވެ. އެމެރިކާގެ ރިޔާސީ އިންތިޚާބު އޮންނަ ގޮތުން އިންތިޚާބު ކާމިޔާބު ކުރާ ކެންޑިޑޭޓަކު މަދުވެގެން 270 އިލެކްޓޯރަކް ކޮލާޖް ވޯޓް ހޯދަން ޖެހޭނެއެވެ. އިދިކޮޅު ކެނޑިޑޭޓް ކަމަލާ ހަރިސް އަށް ކާމިޔާބު ކުރެއްވުނީ 223 އިލެކްޓޯރަލް ކޮލާޖް ވޯޓެވެ. ޕޮޕިއުލާ ވޯޓުންވެސް 5 މިލިއަން ވޯޓް ހަރިސްއަށްވުރެ އިތުރަށް ޓްރަމްޕް ހޯއްދަވާފައިވެއެވެ.

"އެމެރިކާގެ ރައްޔިތުން މީގެކުރިން ނުދޭވަރުގެ މެންޑޭޓެއް އަހަރެމެންނަށްދީފީ" ފްލޮރިޑާގެ ޕާމް ބީޗް ކައުންޓީ ކޮންވެންޝަން ސެންޓަރުގައި އޭނާގެ ސަޕޯޓަރުންނާ މުޚާތަބުކޮށް ބުދަދުވަހު ވިދާޅުވިއެވެ.

މިއީ ފަހުގެ ތާރީޚެއްގައި ޖެހިޖެހިގެން ނޫންގޮތަކަށް އެމެކާރިކާރެ ރިޔާސީ އިންތިޚާބެއްގައި ކުރީގެ ރައީސަކު ވާދަކޮށް ކާމިޔާބު ކުރެއްވި ފުރަތަމަ ފަހަރެވެ. ޓްރަމްޕް އިންތިޚާބު ކާމިޔާބު ކުރެއްވިއިރު, ޤާނޫނު ހަދާ މަޖިލީހުގެ މަތިގޭގެ (ސެންޓް) އަގުލަބިއްޔަތުވެސް ޑިމޮކްރެޓުން ބަލިކޮށް ރިޕަބްލިކަންސް ވަނީ ނަގާފައެވެ. ހައުސް އޮފް ކޮމަންސްގެ އަޣްލަބިއްޔަތު އަދި މިހާތަނަށް ސާފުވެފައެއް ނުވެއެވެ. ޓްރަމްޕްގެ ކާމިޔާބީ އާއެކު ދުނިޔޭގެ ލީޑަރުން ދަނީ އޭނާ އަށް މަރުހަބާ ކިޔަމުންނެވެ.

Bodu hairaan kamakaa eku Trump alun America ge Raees kamah

ބޮޑު ހައިރާން ކަމަކާއެކު ޓްރަމްޕް އަލުން އެމެރިކާގެ ރައީސްކަމަށް

އިރާނުގެ ރޫޙާނީ ލީޑަރު އާޔަތުالله ޢަލީ ޚާމަނާއީ ވަނީ ފާއިތުވި ހަފުތާގައި އިޒްރާއިލްއިން އީރާނަށް ހަމަލާ ދިނުމުގެ ކުރިންވެސް އިންޒާރު ދެއްވާފަ


އީރާނުގެ ރޫޙާނީ ލީޑަރު އާޔަތުالله ޢަލީ ޚާމަނާއީ އަނެއްކާވެސް އެމެރިކާ އަށާއި އިޒްރާއިލްއަށް ވަރުގަދަ އިންޒާރެއް ދެއްވައިފިއެވެ. ޤައުމީ ޓީވީ މެދުވެރިކޮށް މިފަހަރު ދެއްވި އިންޒާރުގައި ޚާމަނާއި ވަނީ އެމެރިކާ އަދި އިޒްރާއިލްއިން އީރާނަށް ހަމަލާ ދީފިނަމަ އެޤައުމުތަށް "ފުނޑޭވަރުގެ ރައްދެއް' ދޭނެކަމަށް ވިދާޅުވެފައެވެ.

85 އަހަރުގެ ޚާމަނާއި މިމޭރުމުން ވާހަކަދައްކަވާފައިވަނީ ހޮނިހިރު ދުވަހު ޔުނިވަސިޓީ ދަރިވަރުންތަކަކާ އެއްކޮށް ބޭއްވި ބައްދަލުވުމެއްގައެވެ. 1979 ގެ އިރާނިއަން އިންޤިލާބުގެ އަހަރީ ދުވަސް ކުރިއަށް އޮށްވާ ޚާމަނާއި މިހެންވިދާޅުވެފައި ވަނީ އޭރު ކިޔަވާކުދިން ތެޙްރާންގައި ހުރި އެމެރިކާގެ އެމްބަސީ ހިފި ހާދިސާގެ ވާހަކަ ދައްކަވަމުންނެވެ. އެއީ އެމެރިކާއާއި އީރާނުގެ ޒަމާންވީ ދުޝްމަން ކަމުގެ ފެށުމެވެ. އަދި އެކަން މިއަދާ ހަމައަށް ވެސް އޮތީ އެގޮތުގައެވެ.

އަހަރެމެންގެ ދުޝްމަނުން, އެއީ ސަޙްޔޫނީން ކަމުގައި ނުވަތަ އެމެރިކާ ކަމުގައި ވީނަމަވެސް އީރާން ނުވަތަ އީރާންގެ ރެސިސްޓަންސް ފްރޮންޓަށް ހަމަލާ ދީފިނަމަ އެމީހުން ފުނޑޭވަރުގެ ރައްދެއް އަހަރެމެން ދޭނަން. ތެޙްރާން ގައި ވާހަކަ ދައްކަވަމުން ޚާމަނާއި ވިދާޅުވިއެވެ. 

ރެސިސްޓަންސް ފްރޮންޓްކަމަށް ޚާމަނާއި އިޝާރާތްކުރީ އީރާނުން ވާގިވެރިވާ ހަތިޔާރު އެޅި ޖަމާޢަތްތައް ކަމަށްވާ ޔަމަނުގެ ހޫތީން, ލުބުނާންގެ ހިޒްބުالله އަދި ފަލަޞްޠީނުގެ ހަމާސް އަށެވެ. 

ހޮނިހިރު ދުވަހު ޔުނިވަރސިޓީގެ ދަރިވަރުންނާ ޚާމަނާއި ބައްދަލުކުރީ ކިޔާވާކުދިންގެ ދުވަހުގެ ގޮތުގައި ފާހަގަ ކުރާ ދުވަހުގެ މުނާސަބަތުގައެވެ. އެއީ 1978, ނޮވެމްބަރު 4 ވަނަ ދުވަހު އޭރުގެ ރައީސް ރަޒާ ޝާހް ޕައްލާވީގެ ވެރިކަމާ ދެކޮޅަށް މުޒާހަރާކުރި ދަރިވަރުންނަށް އަމާޒުކޮށް އިރާނުގެ ސިފައިން ބަޑިޖެހި ހާދިސާއާގުޅިގެން ފާހަގަކުރާ ދުވަހެވެ.

Iran aa dhekolhah hamalaa eh dhyfi nama America aa Israil fundaalaane kamuge inzaaru Khaamanaaee dhehvvaifi

އީރާނާ ދެކޮޅަށް ހަމަލާއެއް ދީފިނަމަ އެމެރިކާއާއި އިޒްރާއިލް 'ފުނޑާލާނެ' ކަމުގެ އިންޒާރު ޚާމަނާއީ ދެއްވައިފި

ސްޕެއިންގެ ތާރީޚްގައި މިފަހުން އެންމެ ގެއްލުންބޮޑުވި ކާރިސާގައި މިހާތަނަށް 211 މީހުން މަރުވެފައިވާ އިރު ގިނަ ބަޔަކު އަދިވެސް ގެއްލިފައިވޭ


ބުދަ ދުވަހު ސްޕެއިންގެ އިރުމަތީ ސަހަޙައްދުތަކަށް ވެހުނު ބޯވާރޭގައި ކުއްލިއަކަށް ބޮޑުވި ފެންގަނޑު, ބޮޑު ސަރަޙައްދަކަށް ފެތުރި ވެލެންސިއާ ހިމެނޭ ސަރަޙަށްދަށް ވަނީ ބޮޑެތި ގެއްލުންތަކެއް ލިބިފައެވެ. ކާރިސާގައި މިހާތަނަށް 211 މީހަކު މަރުވެފައިވާކަމަށް ސްޕެއިންގެ ރަސްމީ އިދާރާތަކުން ވަނީ ކަށަވަރުކޮށްދީފައެވެ. ކާރިސާއިން ލިބުނު ގެއްލުމުން އަރައިގަތުމަށް ގިނަ އަދަދެއްގެ ފުލުހުންނާއި ސިފައިން މިހާރުވެސް ދަނީ ހަރަކާތްތެރިވަމުންނެވެ. އޭގެ ތެރޭގައި މީހުން ސަލާމަތްކުރުމުގައި ސިފައިންގެ ގިނަ ބަޔަކު ހަރަކާތްތެރިވެއެވެ. ސްޕެއިންގެ ބޮޑުވަޒީރު ފެޑްރޯ ސަންޗޭޒް ވަނީ އިތުރު 5000 ފުލުހުންނާއި 5000 ސިފައިން އެސަރަހައްދަށް ފޮނުވާނެ ކަމަށް އިޢުލާންކޮށްފައެވެ.

ހޮނިހިރު ދުވަހު ޓީވީ މެދުވެރިކޮށް ދިން ޙިޠާބެއްގައި ބޮޑު ވަޒީރު ސަންޗޭޒް ވިދާޅުވެފައިވަނީ މިއީ ޔޫރަޕް ބައްރުގެ ތާރީޚްގައިވެސް ދިމާވި މިފަދަ ދެވަނަ ކާރިސާކަމުގައެވެ. އެގޮތުން މިއީ ސްޕެއިންއިން އެޤައުމުގެ ސިފައިންނާއި ފުލުހުން ހިމެނޭހެން ފޮނުވާ އެންމެބޮޑު ސަލާމަތީ ޚިދުމަތުގެ ފައުޖުކަމުގައިވެސް ބޮޑުވަޒީރު ވަނީ ވިދާޅުވެފައެވެ. 

ކާރިސާގައި މަރުވެފައިވާ 211 މީހުންގެ ތެރެއިން 202 މީހުން މަރުވެފައިވަނީ ވެލެންސިއާއިންނެވެ. މީހުން ސަލާމަތްކުރުމުގައި ޙަރަކާތްތެރިވާ ފަރާތްތަކުން އަދިވެސް ދަނީ ދިރިހުއްޓާ މީހަކު ފެނޭތޯ ކާރުތަކާއި އިމާރާތްތައް ބަލަމުންނެވެ. ކާރިސާގައި ގެއްލުނު މީހުންގެ އަދަދު އަދިވެސް ވަނީ ކަށަވަރުވާގޮތް ނުވެފައެވެ.

8 ގަޑިއިރުވަންދެން އެއް އަހަރުގެ ވާރޭ ވެހުނުކަމަށް ރެކޯޑް ކުރެވިފައިވާއިރު, ފެން ހިނދެމުން ދާ ސަރަޙައްދުތައް ވަނީ މުޅިން ޗަކަވެފައެވެ. ސްޕެއިންގެ މަގުތަކާއި އިމާރާތް ތަކުގައި އެތައްހާސް ވޮލަންޓިއަރުން ވެސް ދަނީ ޗަކަތައް ސާފުކުރުމުގެ މަސައްކަތް ކުރަމުންނެވެ.

Spain ge Valencia ga fenboduvi sarahahdhah Sifain naa Fuluhun himeneyhen 10,000 meehun ithurah fonuvany

ސްޕެއިންގެ ވެލެންސިއާގައި ފެންބޮޑުވި ސަރަޙައްދަށް ސިފައިންނާއި ފުލުހުން ހިމެނޭހެން 10,000 މީހުން އިތުރަށް ފޮނުވަނީ

ހޮނިހިރު ދުވަހު އިޒްރާއިލްގެ މެދުތެރޭ ސަރަޙައްދަކަށް ލުބުނާނުން ރޮކްޓެ ހަމަލާތަކެއް ދީފިއެވެ. އިޒްރާއިލްގެ އިމަޖެންސީ ޚިދުމަތާ ހަވާލާދީ ރޮއިޓާސްއިން ބުނެފައިވަނީ މިހަމަލާތަކުގައި 11 މީހަކު ޒަޚަމްވެފައިވާ ކަމަށެވެ. ލުބުނާނުން ފޮނުވި ރޮކެޓް ހަމަލާއެއް އާންމުން ދިރިއުޅޭ ގެއަކަށް ފޯރާފައިވާކަމަށްވެސް އިޒްރާއިލްއާ ހަވާލާދީ ރޮއިޓާސްގައި ރިޕޯޓް ކޮށްފައިވެއެވެ.

ފާއިތުވި ސެޕްޓެމްބަރު މަހުން ފެށިގެން އިޒްރާއިލްގެ އަސްކަރިއްޔާ އާއި ލުބުނާނުގެ ޙިޒްބުالله އާ ދެމެދު ބަދަލުކުރަމުންދާ ހަމަލާތައް ވަރުގަދަވެ, ލުބުނާނުގެ އާންމުންގެ 2000 ށް ވުރެ ގިނަ މީހުން ވަނީ މަރުވެފައެވެ. މިލިއަނަކަށްވުރެ ގިނަ މީހުން ގެދޮރު ދޫކޮށް ރައްކާތެރި ހިސާބުތަކަށް ދަތުރުކޮށްފައިވާއިރު ހަމަލާތައް ހުއްޓާލުމާގުޅޭ އެއްބަސްވުމަކަށް ދިއުމުގެ ވާހަކަތައްވެސް މިހާރު ވަނީ ފަނޑުވެފައެވެ. 

ހިޒްބުالله އިން ބުނެފައިވާ ގޮތުގައި ހޮނިހިރު ދުވަހުގެ ހަމަލާތައް އަމާޒު ކޮށްފައިވާނީ އިޒްރާއިލްގެ ވެރިރަށް ތެލް އަވީވްގައި ހުންނަ އިޒްރާއިލްގެ އަސްކަރިއްޔާގެ ބޭސްތަކަށެވެ. ހަމަލާތަކާއެކު މުޅި އުތުރު އިޒްރާއިލްގައިވެސް ވަނީ ސައިރަންގެ އަޑު ގަދަވެފައެވެ.

ލުބުނާނުގެ ހެލްތު މިނިސްޓްރީން މަޢުލޫމާތު ދޭގޮތުގައި އިޒްރާއިލްއިން ހުކުރު ދުވަހު އެކަނިވެސް ލުބުނާނަށް ދިން ހަމަލާތަކުގައި ލުބުނާނުގެ 52 މީހުން ވަނީ މަރުވެފައެވެ. ހުކުރު ދުވަހު އިޒްރާއިލްއިން ވަނީ ލުބުނާންގެ ބާލްބެކް ސަރަޙައްދަށް ވައިގެ ހަމަލާތަކެއް ދީފައެވެ. ބާލްބެކް އަކީ ޔުނެސްކޯގެ އިން ހިމާޔަތްކޮށްފައިވާ ރޯމަން ހަޟާރާތުގެ ސިފަތައްހުރި އާސާރުތަކެއްވެސް ހިމެނޭ ތާރީޚީ ގޮތުން މުއްސަނދި ގަދީމީ ސަރަޙައްދެކެވެ.

Lebnan in dhin rocket hamalaa thakeh ga Israil ge 11 meehaku zakham vejje

ލުބާނުން ދިން ރޮކެޓް ހަމަލާތަކެއްގައި އިޒްރާއިލްގެ 11 މީހަކު ޒަޚަމްވެއްޖެ

އިޒްރާއިލްއިން ދިން ވައިގެ ހަމަލާއެއްގައި މަރުވެ, ޒަޚަމްވެފައިވާ މީހުންނަށް ފަރުވާދިނުމަށް ހަށިތައް ހޮސްޕިޓަލްއަށް ގެނައިރު އެމްބިއުލާންސްގައި މަސައްކަތްކުރާ އާބިދް ބާޑިނީ އަށް އޭނާ އުފުލީ އޭނާގެ މަރުވެފައިވާ މަންމަގެ ހަށިގަނޑުކަމެއް ނޭނގެއެވެ. އެއީ އާބިދްގެ މަންމަކަން އޭނާއަށް އެނގުނީ ލެއިން ތަތްތެޅިފައިއޮތް ފޮތިގަނޑުގެ ތެރޭގައި އޮތް ހަށިގަނޑު ނަގާ ސްޓްރެޗާއިން ބޭލި ގަޑީގައެވެ.

"އޯހ ގޯޑް! މީ އަހަރެންގެ މަންމަ. އެމްބިއުލާންސް އަށް އެރުވިއިރު އަހަންނަކަށް ނޭނގެ މިއީ އަހަރެންގެ މަންމަ ކަމެއް" މަރުވެފައިވާ ސަމީރާ (އާބިދް ގެ މަންމަ)ގެ ބޮލާއި މޫނާއެއްކޮށް ދެއަތުން ހިފަހައްޓައިގެން އޮވެ އާބިދު ރޮމުން ގިސްލަމުން ދިޔައެވެ. ކައިރީގައިތިބި އޭނާއާއެކު މަސައްކަތްކުރާ ރެޑްކްރެސެންޓްގެ އެކުވެރިން އޭރުވެސް އާބިދް މަސަލަސް ކުރެވޭތޯ ބަލަމުން ދިޔައެވެ. 

ބުދަ ދުވަހު ޣައްޒާ ސިޓީއަށް އިޒްރާއިލްއިން ދިން ވައިގެ ހަމަލާތަކުގައި މަރުވެ, ޒަޚަމްވެފައިވާ ހަށިތައް ހޮސްޕިޓަލަށް އުފުލުމުގައި ހަރަކާތްތެރިވީ އާބިދް އާއި ރެޑްކެރެސެންޓްގެ އެހެން މެޑިކްސް އެވެ. ލެއިން ފޯވެފައިވާ ހަށިތައް ފޮތިގަނޑުތަކަށް ލާ އޮޅާލައިގެން އެމްބިއުލާންސްއަށް އަރުވާ, ހަލާކުވެ ފުނޑުފުނޑުވެފައިވާ މަގުތައްމަތީ 2 ކިލޯމީޓަށް ދުއްވާފައި ދިއެރް އެލް-ބަލަޙްގެ އަލް އަޤްޞާ ހޮސްޕިޓަލަށް ހަށިތައް އުފުލި އެމްބިއުލާންސް ގައި އާބިދްވެސް އިނެވެ. ނަމަވެސް އޭރުވެސް އޭނަ ދަތުރުކުރަމުން މިދަނީ އޭނާގެ މަންމަގެ މަރުވެފައިވާ ހަށިގަނޑު ހިފައިގެން ކަމެއް އޭނާއަކަށް ނޭނގެއެވެ.

ބުދަ ދުވަހު އާބިދްގެ މަންމަ މަރުވި ހަމަލާގައި އިތުރު ދެ މީހަކުވެސް މަރުވެ 10 މީހަކު ޒަޚަމްވިއެވެ. އެއީ މަޤާޒީ ރެފިއުޖީ ކޭމްޕްކައިރީގައި އޮތް ކާރަކަށް އަމާޒުކޮށް އިޒްރާއިލްއިން ދިން ހަމަލާއެކެވެ. ފަލަޞްތީނުގެ ސިއްހީ އޮފިޝަލުން އަދި އެސޯސިއޭޓް ޕްރެސްގެ ނޫސްވެރިން ބުނެފައިވާ ގޮތުގައި ކާރުގައި މަރުވެފައި ތިބި ދެމީހަކު ތިއްބެވެ. 61 އަހަރުގެ ސަމީރާ, ހަމަލާ ދިންވަގުތު ހުރީ އެކާރާއި ވަރަށް ކައިރީގައި ކަމަށްވެސް އެފަރާތްކުން މަޢުލޫމާތު ދީފައިވެއެވެ.

Ghaza ge medic akah eynaa ufulee manma ge hashigandu kan engunu vaguthu..

ޣައްޒާގެ މެޑިކް އަކަށް އޭނާ އުފުލީ މަރުވެފައިވާ މަންމަގެ ހަށިގަނޑުކަން އެނގުނު ވަގުތު....

ބުދަ ދުވަހު ސްޕެއިންގެ ވެލެންސިއާގެ އިރުމަތީ ސަރަޙައްދުތަކަށް 8 ގަޑިއިރު ވަންދެން ވެހުނު ބޯ ވާރޭގައި މިހާތަނަށް 158 މީހުން މަރުވެފައިވާކަމަށް މީހުން ސަލާމަތް ކުރުމުގައި ހަރަކާތްތެރިވާ ފަރާތްތަކާ ހަވާލާދީ އަލަޖްޒީރާއިން ބުނެފިއެވެ. އިރުމަތީ އަންދަލޫސިއާ އަދި ކަސްޓިއްލާ ލަ މާޗާ އަށް ވިއްސާރައިގެ ސަބަބުން ވަނީ ބޮޑެތި ގެއްލުންތަކެއް ލިބިފައެވެ. މިއީ ފަހުގެ ތާރީޙެއްގައި ސްޕެއިންގައި ފެންބޮޑު ވުމުގެ ހާދިސާއެއްގައި އެންމެ ގިނަ މީހުން މަރުވި ފަހަރެވެ. މީހުން ސަލާމަތްކުރާ އެޖެންސީތަކުން އަދިވެސް ދަނީ ދިރިހުރި މީހަކު ފެނޭތޯ ބަލަމުންނެވެ.

މީޑިއާތަކުގައި ދައުރުވާ ފޮޓޯތަކަށް ބަލާއިރު, ފެން ބޮޑުވުމުގެ ސަބަބުން ބޮޑު ސަރަޙައްދެއްގައި ކިސަޑު އުފެދިފައިވާއިރު އެތައްސަތޭކަ ކާރެއް ވަނީ ކިސަޑުތަކުގެ ތެރެއަށް ގަނބައިގަނެފައެވެ. އަދި ކަރަންޓްގެ ޙިދުމަތް ދިނުމަށް އަޅާފައިވާ ކޭބަލްތަކާއެކު ގަސްތައްވެސް ވަނީ ގެތަކު މައްޗަށް ވެއްޓިފައެވެ. ކިސަޑާއެކު ބްރިޖްތައް ހަލާކުވެ މަގުތައްވެސް ވަނީ އެއްކޮށް ފޮރުވިފައެވެ. 

މައި ސަރުކާރުން ކާރިސާގެ ގެއްލުން ކުޑަކުރުމަށް ފިޔަވަޅު އަޅަމުންދާލެއް ލަސްކަމަށްބުނެ ސްޕެއިންގެ އިދިކޮޅު ސިޔާސީ ލީޑަރުން ދަނީ ސަރުކާރަށް ފާޑުކިޔަމުންނެވެ. އަދި އެސަރަޙައްދުތަކަށް މޫސުމީ އިންޒާރު ފޮނުވާފައިވެސް ވަނީ މާލަހުން ކަމަށްވެސް އެފަރާތްތަކުން ވަނީ ބުނެފައެވެ. އެކަމަށް ގިނަ އާންމުންވެސް ވަނީ އެއްބަސްވެފައެވެ. އެސަރަޙައްދުގެ ލޯކަލް ސުޕަރމާކެޓެއްގެ މެނޭޖަރު ލައުރާ ވިޔައެސްކުސާ ރޮއިޓާސްއަށް މައުލޫމާތު ދިންގޮތުގައި ކުރިން އިންޒާރު ލިބުންނަމަ މަރުވި ގިނަ މީހުން މަރުނުވެ ސަލާމަތް ވުމުގެ ފުރުސަތު އޮންނާނެ ކަމަށް ބެލެވެއެވެ.

މިސަރަޙައްދުގެ ވަރަށް ގިނަ އާންމުން ބުނި އެމީހުންނަށް މޫސުމީ އިންޒާރު ލިބުނީ ފެންބޮޑުވި ފަހުންނޭ

ވެލެންސިއާ އަށް ކުރިމަތިވި ގުދުރަތީ ކާރިސާއާ ގުޅިގެން ލަލީގާގެ ހޮނިހިރު ދުވަހު ކުޅުމަށް ހަމަޖެހިފައިވާ ވެލެންސިއާ އާއި ރެއަލް މެޑްރިޑް ބައްދަލުކުރާ މެޗު މިހާރު ވަނީ ފަސްކޮށްފައެވެ. ކޮޕަ ޑެލް ރޭ ގައި ބުދަ ދުވަހު ވެލެންސިއާ އާއި ޕަރލާ ސްކުއޭލާ ކުޅެން ހަމަޖެހިފައިއޮތް މެޗު 6 ނޮވެމްބަރަށް ބަދަލުކޮށްފައި ވާއިރު ހަފްތާ ބަންދުގައި ކުޅުމަށް ކުރިން ތާވަލް ކުރެވިފައި ހުރި މެޗުތައްވެސް މިހާރު ވަނީ ފަސްކޮށްފައެވެ. ލަލީގާ އަދި ސްޕެއިންގެ ފުޓްބޯޅަ ފެޑެރޭޝަނުންވެސް ވަނީ ކުރިއަށް ހުރި ގިނަ މެޗުތައް ފެށުމުގެ ކުރިން މަރުވި މީހުންގެ ހަނދާނުގައި ހަމަހިމޭން ކަމުގެ ސުކޫތެއް ގެންނާނެ ކަމަށް ބުނެފައެވެ.

ކާރިސާއާ ގުޅިގެން ގިނަ ބަޔަކު މަރުވެފައިވާއިރު, ސްޕެއިންގެ ސަރުކާރުން ވަނީ ބުރާސްފަތި ދުވަހުން ފެށިގެން ކުރިއަށް އޮތް ތިން ދުވަހަކީ ޤައުމީ ހިތާމައިގެ 3 ދުވަސް ކަމުގައި ކަނޑައަޅާފައެވެ.

Spain ah boakoh vaarey vehi fenboduvi haadhisaa ga maruvi meehun ge adhadhu 150 in mahchah

ސްޕެއިންއަށް ބޯކޮށް ވާރޭވެހި ފެންބޮޑުވި ހާދިސާގައި މަރުވި މީހުންގެ އަދަދު 150 ން މައްޗަށް

އިޒްރާއިލްއިން ހުއްޓުމެއްނެތި މަރުގެ ވަރުގަދަ ހަމަލާތަކެއް އުތުރު ޣައްޒާއަށް ދެމުންދާތާ ދެ ހަފްތާއަށްވުރެ ގިނަދުވަސް ވަނީ އެވެ. ފާއިތުވި ދިހަ ވަރަކަށް ދުވަހުގެ ތެރޭގައި އެކަނިވެސް ޖަބާލިއާ ރެފިއުޖީ ކޭމްޕް, ކަމާލް އަދުވާން އަދި އަލް އަވްދާ ހޮސްޕިޓަލް އަށާއި ބެއިތު ލަހިޔާއަށްވަނީ ބޮމާއި މިސައިލްގެ ވަރުގަދަ ހަމަލާތަކެއް ވަނީ ދީފައެވެ. ބައެއް ހަމަލާތަކުގައި ބޮޑެތި އަލިފާންގަނޑު އުފެދި ޓެންޓްތަކުގައި ރޯވެ މީހުން ދިރިތިއްބާ އަނދަމުންދާ މަންޒަރުވެސް ވަނީ ފެނިފައެވެ.

އިޒްރާއިލްގެ ހަމަލާތަކުގައި އަހަރަކަށް ވުރެ ގިނަ ދުވަހު, އިންތިހާ ކެކުޅުމުގައި އުޅެމުންދާ ޣައްޒާގެ ރައްޔިތުން މިހާރުވެސް އުތުރު ޣައްޒާ ދޫކޮށް އެދަނީ އެމީހުންނަށް އެހެންތާކުން ރައްކާތެރިކަން ލިބޭނެ ކަމަށް ބަލައިގެނެއްނޫނެވެ. ނަމަވެސް އިޒްރާއިލްގެ ޕްލޭނަކީ މުޅި އުތުރުން ފަލަޞްޠީނުގެ ރައްޔިތުން ނެރެލުމެވެ. އެހެން ކަމުން ދިރިހުންނަށް ބޭނުންނަމަ އުތުރު ޣައްޒާ ދޫކޮށް ދިއުން ނޫން ގޮތެއް އެއްވެސް މީހަކަށް ނެތެވެ. ފޮޓޯތަކާއި ވީޑިއޯތަކުން ފެންނަ ގޮތުގައި ބައިބަޔަށް ސަފުސަފަށް މީހުން އަތުރާ އިޒްރާއިލްއިން ދަނީ އެމީހުން ބުނާ ގޮތަކަށް ބުނާ ތަނަކަށް ދަތުރުކުރަން އަމުރު ކުރަމުންނެވެ. އާއިލާ މީހުންނާއި ދަރިންނާއި މައިން ވަނީ ވަކިކޮށްފައެވެ. ފިރިންނާއި އަނބިން ވަނީ ވަކިކޮށް, އާއިލާތައް ވިއްސި ވިހާލި ކޮށްލާފައެވެ. ފޭލިގެތަކުގައި ތިބި މީހުން އެއްކޮށް ހުސްކޮށް އެމީހުންގެ ގައިވެސް އިޒްރާއިލްގެ ސިފައިން ވަނީ ބަލާ ފާސްކޮށްފައެވެ. ސަފުސަފުގައި އެއްބަޔަކު ކަނުބަނދެ, ދެއަތްވެސް ބަނދެފައި ތިއްބެވެ. 

އދ ގެ އެޖެންސީ ފޮރ ފަލަޞްޠީނިއަން ރެފިއުޖީސް (އަންރްވާ) އިން މައުލޫމާތު ދޭ ގޮތުގައި ހަމަލާތަކާއެކު އުތުރުގައި 400,000 އެއްހާ ފަލަޞްޠީނުގެ ރައްޔިތުން ތާށިވެފައި ތިބިކަމަށް ބެލެވެއެވެ. އޭގެ ތެރޭގައި ޖަބާލިއާ ހިމެނޭ ޣައްޒާ ސިޓީވެސް ހިމެނެއެވެ.

Bomuge hamalaa thah varugadhave Palastine ge Rayyithun uthuru Ghaza dhookoh dhanee

ބޮމުގެ ހަމަލާތައް ވަރުގަދަވެ ފަލަޞްޠީންގެ ރައްޔިތުން އުތުރު ޣައްޒާ ދޫކޮށް ދަނީ

އަންގާރަ ދުވަހުގެރޭވެސް އިޒްރާއިލްގެ ޓޭންކަރުތަކުން އުތުރު ޣައްޒާގެ ބެއިތު ލަހިޔާގެ ސްކޫލެއްގައި ހިމާޔަތް ހޯދައިގެން ތިބި ބަޔަކަށް ހަމަލާދީ ހަތް މީހުން މަރާލައިފިއެވެ. ފަލަޞްޠީނުގެ ވަފާ ނިއުސް އެޖެންސީއާ ހަވާލާދީ އަލް ޖަޒީރާގައި ރިޕޯޓް ކޮށްފައިވާ ގޮތުން ފާއިތުވި ހަފުތާގައި އެކަނިވެސް އުތުރު ޣައްޒާއިން 690 މީހަކު އިޒްރާއިލްއިން ވަނީ މަރާލާފައެވެ. 

އުތުރު ޣައްޒާގައި މީހުން ދިރުއުޅޭ ކޭމްޕްތަކުން ނެރުމައްފަހު ސުންނާފަތިވެފައިވާ އިމާރާތްތަކުގެ ބޭރުގައި އިޒްޜާއިލްއިން ވަނީ މީހުން ސަފުސަފަށް އަތުރާފައެވެ. އަދި އަންހެނުންނާއި ފިރިހެނުން ވަކިކޮށް ފިރިހެނުން ވަކިތަނަކަށް ގެންގޮސް, އަންހެނުންނަށް ސަރަހައްދު ދޫކޮށްދާން ވަނީ އަންގާފައެވެ. ނަމަވެސް އެމީހުން ބައިބަޔަށް ސަރަޙައްދު ދޫކޮށް ދަމުން ދިޔައިރުވެސް އިޒްރާއިލްއިން ދިޔައީ މީހުންގެ ތެރެއަށްވެސް ބަޑިޖަހަމުން ކަމުގައި ރިޕޯޓްތައް ބުނެއެވެ. އަދި މަގުތަކުން ދާއިރު މަރާލާފައިވާ ހަށިތައް އެތައްމިތާނގައި އޮތްކަމަށްވެސް ހަބަރުތައް ބުނެއެވެ. މަގުތަކުގައި ފިރިހެނުން ހައްޔަރުކޮށް އެމީހުންނަށް އަނިޔާކޮށް ތަޅާ މަންޒަރުވެސް ވަނީ އެތައް ބަޔަކަށް ފެނިފައެވެ. 

އުތުރަށް ކާބޯތަކެތި ލިބެން އޮތް ހުރިހާ މަގެއް އިޒްރާއިލްއިން ބަންދުކޮށްފައިވާއިރު, 1 އޮކްޓޯބަރުން ފެށިގެން އުތުރު ޣައްޒާއަށް ކާބޯތަކެތީގެ އެއްވެސް މިންވަރެއް ވަދެފައި ނުވާކަމަށް އދ ން މައުލޫމާތުދެއެވެ. އުތުރުން ފެނާއި ކަރަންޓްވެސް ކަނޑާލާފައި އޮންނަތާ ދެ ހަފުތާއަށްވުރެ ގިނަދުވަސް ވަނީ ވެފައެވެ. 

އަލްޖަޒީރާއިން ވެރިފައިކޮށްފައިވާ ވީޑިއޯއަކުން ފެންނަ ގޮތޮގައި އިޒްރާއިލްއިން އަންގާރަ ދުވަހުގެ ރޭ ވަނީ ލުބުނާނުގެ އާންމުން ދިރިއުޅޭ ސަރަޙައްދުތަކަށްވެސް ބޮންއަޅާފައެވެ. ވީޑިއޯއިން ފެންނަގޮތުގައި ބޮޑެތި ގޮތުންތައް ގޮވާ އަލިފާންގަނޑުތައް އެސަރަހައްދުގައި އުފެދިފައި ވެއެވެ.

Uthuru Ghaza maruge thunfai mathyga, Israil in Lebnan ga ves hamalaa thah kuri ah

އުތުރު ޣައްޒާ މަރުގެ ތުންފަތްމަތީގައި, އިޒްރާއިލްއިން ލުބުނާނުގައުވެސް ހަމަލާތައް ކުރިއަށް.

ކަޝްމީރުގައި ޓަނަލް ޕްރޮޖެކްޓެއްގައި މަސައްކަތް ކުރަމުންދިޔަ ބައެއްގެ ގަޔަށް ބަޑިޖަހާ 7 މީހަކު މަރާލައިފިއެވެ. އިދާރީގޮތުން އިންޑިއާގެ ދަށުގައި އޮންނަ ކަޝްމީރު ގައި ދިން މިހަމާލާގައި އިތުރު ފަސް މިހަކު ޒަހަމްވެފައިވާކަމަށް އޮފިޝަލުންނާ ހަވާލާދީ އަލްޖަޒީރާގައި ރިޕޯޓްކޮށްފައި ވެއެވެ. މިއީ ހަމަނުޖެހުންތައް ބޮޑު ކަޝްމީރުގައި އާންމުރައްޔިތުންނާ އަމާޒުކޮށް މިއަހަރު ދިން އެންމެ ނުރައްކާތެރި ހަމަލާއެވެ. 

މިކަމާ ގުޅިގެން ހޯމަ ދުވަހު އިންޑިއާގެ ފުލުހުން ވަނީ ހަމަލާގެ ޒިންމާ އިންޑިއާ ސަރުކާރާ ދެކޮޅަށް މަސައްކަތްކުރާ ފަރާތްތަކުގެ ބޮލުގައި އަޅުވާފައެވެ. އަދި އެހަމަލާތައް ވަނީ "ޓެރަރިސްޓް ހަމަލާ" އެއްގެ ގޮތުގައި ސިފަކޮށްފައެވެ. ހަމަލާ ދީފައިވަނީ ކަޝްމީރުގެ ރިސޯޓް ޓައުން, ސޮނަމާގްގެ ގަގާންގިރް ސަރަޙައްދުގައެވެ.

ފުލުހުން އިތުރަށް ބުނެފައިވަނީ ހަތިޔާރުއެޅި ދެ މީހުންވަނީ އެއްވެސް ބެލުމެއްނެތި ޓަނަލުގައި މަސައްކަތްކުރަމުން ދިޔަ މީހުންގެ ގަޔަށް ބަޑިޖަހާފައިވާ ކަމުގައެވެ. އާދިއްތަ ދުވަހު ދިން މި ހަމަލާތަކުގައި ދެމީހަކު ވަގުތުން މަރުވިއިރު, އަނެއް ފަސްމީހުން މަރުވެފައިވަނީ ފަރުވާދެމުން ދަނިކޮށެވެ. އޭގެތެރޭގައި އިންޑިއާގައި މަސައްކަތް ކުރާ އެހެން ގައުމުތަކުގެ ފަސް މީހުންވެސް ހިމެނެއެވެ.

Kashmir ge tunnel eh ga badi jahaa 7 meehun maraalaifi

ކަޝްމީރުގެ ޓަނަލެއްގައި ބަޑިޖަހާ 7 މީހުން މަރާލައިފި

ލުބުނާނުގައި ހަރަކާތްތެރިވާ އދގެ ސުލްޙާއަށް މަސައްކަތްކުރާ ފަރާތްތަކުގެ ވޮޗްޓަވަރ އަކަށް އިޒްރާއިލްއިން ގަސްތުގައި ހަމަލާ ދީފައިވާކަމަށް އެޖަމާއަތުން ބުނެފިއެވެ. ދެކުނު ލުބުނާނުގައި އދ ން މީގެ ޓަވަރުތައް އެކި ސަރަޙައްދުތަކުގައި ހަރުކޮށްފައި ވެއެވެ. އެހުރިހާ ސަރަޙައްދެއްގައިވެސް އެޖަމާއަތުގެ މެމްބަރުންވެސް ޤާއިމްވެ ތިބޭނެއެވެ.

އިޒްރާއިލްގެ އަސްކަރިއްޔާގެ ބުލްޑޯޒަރުތަކުން ގަސްތުގައި ދިން ހަމަލާގައި ދެކުނު ލުބުނާނުގައި ހުރި އދ. ގެ އޮބްޒަވޭޝަން ޓަވަރު ވަނީ ހަލާކުކޮށްލާފައެވެ. އދ ގެ ޕެރިމީޓަރ ފެންސަށްވެސް ވަނީ ގެއްލުންދީފައެވެ. އެޖަމާއަތުން ނެރެފައިވާ ބަޔާނެއްގައި ބުނެފައިވާ ގޮތުން އިޒްރާއިލްއިން ކިތަންމެ ވަރަކަށް ފިއްތުންތައް ކުރިމަތި ކުރިމަތިކުރި ނަމަވެސް ލުބުނާނުގައި ހުރި އދ. ގެ އެއްވެސް ޕޯސްޓެއް ދޫކޮށް އެފަރާތްތައް ނުދާނެއެވެ.

'އަހަރެމެން (އިޒްރާއިލް ގެ ފޯސްތަކަށް) އަދި ސަރަޙައްދުގައި ހަރަކާތްތެރިވާ އެންމެންނަށް ހަނދާންކޮށްދެން އދ. ގެ މުވައްޒަފުންނަށް ސަލާމަތާއި ރައްކާތެރިކަން ފޯރުކޮށްދިނުމަކީ އެ އެންމެންގެ މައްޗަށްވެސް ބައިނަލްއަގުވާމީ ޤާނޫނޫން ލާޒިމު ކުރާ ކަމެއްކަން. އދ ގެ މުދަލާއި މުވައްޒަފުން ހިމެނޭހެން. އަދި އދގެ އިމާރާތްތަކަށް ދޭންޖެހޭ އިޙްތިރާމްވެސް ހުރިހާ ވަގުތެއްގައިވެސް ދިނުމަށް" ބަޔާނުގައި ވެއެވެ.

ބަޔާނުގައި އިޒްރާއިލްއިން ބައިނަލްއަގުވާމީ ޤާނޫނު މުގުރާލުންކަމަށް ބުނެ އެކަންކަން ހުއްޓާލުމަށް ވެސް ގޮވާލާފައިވެއެވެ.

ޚަބަރު