ހުޅުމާލޭގައި ކަންމަތީ ޖަލްސާ ބާއްވަން އެމްޑީޕީއަށް ހުއްދައެއް ނުދިން
January 21, 2025
Share this story
ލިޔުނީ
އަށްޑުވަސް,
ހުޅުމާލޭގައި ކަންމަތީ ޖަލްސާ ބާއްވަން އެމްޑީޕީއަށް ހުއްދައެއް ނުދިންކަމަށް އެޕާޓީން ބުނެފިއެވެ.solex
މިރޭ ހުޅުމާލެ ރުށްގަނޑު 1 ގައި ބާއްވަން އިޝްތިހާރު ކުރަމުން އައި ޖަލްސާ ބޭއްވެން ނެތްކަން އެމްޑީޕީން މިހާރު ވަނީ އިއުލާނުކޮށްފައެވެ. އެޕާޓީން ބުނީ އެޗްޑީސީން އެހުއްދަ ނުދިން ކަމަށެވެ. ހުއްދަ ދެވެން ނެތްކަމަށް އެޕާޓީއަށް އަންގާފައިވާ ކަމަށާއި, މިއީ ސުލުހަވެރި ސިޔާސީ ހަރަކާތަށް ހުރަސް އެޅުން ކަމަށް އެޕާޓީން ބުންޏެވެ.
މިއީ ސަރުކާރުން ސުލުހަވެރި ސިޔާސީ ހަރަކާތްތަކަށް ސީދާ ހުރަސްއެޅުމުގެ ނިޔަތުގައި ކުރާކަމެއްކަން ސާފްކޮށް އިނގޭ
އެމްޑީޕީން މިހާރު ސިލްސިލާކޮށް ކުރިއަށްގެންދާ ކަންމަތީ ޖަލްސާތަކަކީ މިމަހުގެ 31 ވަނަ ދުވަހު 'ފުދިއްޖެ, ފުނޑިއްޖެ' ނަމުގައި ބާއްވާ ބޮޑު އެއްވުން ޕްރޮމޯޓް ކުރުމަށް ބާއްވާ ޖަލްސާތަކެކެވެ. ކަންމަތީ ޖަލްސާތަކުގެ އިތުރުން ގޭގެއަށް ޒިޔާރަތްކޮށްގެންނާއި, ޓީވީ ޕްރޮގްރާމްތައް މެދުވެރިކޮށާއި, ސޯޝަލް މީޑިޔާ މެދުވެރިކޮށްވެސް ދަނީ ބޮޑު އެއްވުން ޕްރޮމޯޓްކޮށް ދައުވަތު ދެމުންނެވެ.