ރ.އަތޮޅާއި ބ.އަތޮޅުގައި އާރުޓީއެލްގެ ޚިދުމަތް ފަށަން އާ ތާރީޚެއް
January 22, 2025
Share this story
ލިޔުނީ
އަށްޑުވަސް,
ރ.އަތޮޅާއި ބ.އަތޮޅުގައި އާރުޓީއެލްގެ ޚިދުމަތް ފަށަން ސަރުކާރުން އާ ތާރީޚެއް ދެއްވައިފިއެވެ. ރ.އަތޮޅަށް ކުރައްވަމުން ގެންދަވާ ދަތުރުފުޅުގައި ރޭ ވެރިރަށް އުނގޫފާރުގައި އެރަށުގެ ރައްޔިތުންނާ ބައްދަލުކުރައްވާ ރައީސުލްޖުމްހޫރިއްޔާ ވިދާޅުވީ މިއަހަރުގެ ޖޫން މަހުގެ ނިޔަލަށް އެއަތޮޅުގައި އާރުޓީއެލްގެ ޚިދުމަތް ފައްޓަވާނެ ކަމަށެވެ. އަދި ޖުލައިގެ ނިޔަލަށް ބ.އަތޮޅުގައި ޚިދުމަތް ފައްޓަވާނެ ކަމަށެވެ.
solex
މިސަރުކާރު ހަވާލުވެ ޓްރާންސްޕޯރޓް މިނިސްޓަރ މުޙައްމަދު އަމީން ވިދާޅުވީ މިދިޔަ އަހަރުގެ ސެޕްޓެމްބަރު މަހު ރ.އަތޮޅުގައި އެޚިދުމަތް ފައްޓަވާނެ ކަމަށެވެ. އަދި މިދިޔަ އަހަރުގެ ނޮވެމްބަރު މަހު ބ.އަތޮޅުގައި ޚިދުމަތް ފައްޓަވާނެ ކަމަށް ވިދާޅުވިއެވެ. އެކަމަކު އެތާރީޚުތަކުގައި ޚިދުމަތް ނުފެށުމުން އޭގެ ސަބަބެއް ފަހުންވެސް ވިދާޅެއް ނުވެއެވެ.
މިސަރުކާރު ވެރިކަމާ ހަވާލުވި ފަހުން އާރުޓީއެލްގެ ޚިދުމަތް ފެށީ ނ.އަތޮޅުގައެވެ. އިތުރު އަތޮޅުތަކުގައި ޚިދުމަތް ފަށަން ބޭނުންވާ ލޯންޗް ފެރީ ބަނދެދޭނެ ފަރާތެއް ހޯދަން ވަނީ އިއުލާނުކޮށްފައެވެ.
