ޤައުމީ ތަރައްޤީގެ 20 އަހަރުގެ ޕްލޭން އެކުލަވާލުމުގެ މަޝްވަރާތައް މާލޭގައި ފަށައިފި އެވެ. މަޝްވަރާތައް ފެށުމުގެ ރަސްމިއްޔާތުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ބައިވެރިވެވަޑައިގެންނެވިއެވެ.solex

20 އަހަރުގެ ޤައުމީ ތަރައްޤީގެ ޕްލޭނެއް އެކުލަވާލުމަކީ ރައީސް ޑރ.މުހައްމަދު މުއިއްޒުގެ ވައުދެކެވެ.

ރައީސުލްޖުމްހޫރިއްޔާ ވިދާޅުވީ ޤައުމި ތަރައްޤީގެ ޕްލޭނަސް ވަކި ޤާނޫނެއް ހަދާ, ޤާނޫނު އަސާސީންވެސް އެޤާނޫނަށް ބާރު ދޭނެ ކަމަށެވެ. އެގޮތުން މިއީ ޤާނޫނު އަސާސީގައިވެސް ބަޔާންކުރާ ކަމަކަށް ހަދަން ޤާނޫނު އަސާސީއަށްވެސް އިސްލާހެއް ގެންނަވާނެ ކަމަށް ވިދާޅުވިއެވެ. ބޭނުމަކީ ރައްޔިތުން އެންމެން އެކުވެގެން ނިންމާގޮތަށް ގައުމުގެ ކަންކަން ދާނެކަން ޔަގީންކުރުން ކަމަށް ވިދާޅުވިއެވެ. ސިޔާސީ ގޮތުން ބޭނުންވާ ބަދަލުތައް ގެނެވޭނެ މިންގަނޑާއި, އިންވެސް އޭގަ ބަޔާންކުރެވިފަ އޮންނަނާނެ ކަމަށް ވިދާޅުވިއެވެ. ބޭނުންފުޅުވަނީ މައިގަނޑު ޑައިރެކްޝަން ރައްޔިތުން ބޭނުންވާގޮތަށް ދާނެކަން ޔަގީންވެގެންދާ ގޮތަށް ކަންކަން ބައްޓަން ކުރަން ކަމަށް ރައީސް ވިދާޅުވިއެވެ.

20 އަހަރުގެ ޤައުމީ ތަރައްޤީގެ ޕްލޭން އެކުލަވާލަނީ އެންމެންގެ މަޝްވަރާގެ މަތީންނެވެ. އެގޮތުން ކޮންމެ ރަށެއްގައި މަޝްވަރާތައް ކުރިއަށް ގެންދަން ވަނީ ނިންމަވާފައެވެ. ރައީސް ވިދާޅުވީ އެކުލަވާލައްވާ ޕްލޭނަށް ކޮންމެ ރަށަކުންވެސް އެއްޗެއް ވިދާޅުވާންޖެހޭނެ ކަމަށެވެ. މީގެއިތުރުން އެހެން ސްޓޭކް ހޯލްޑަރުންނާއި, ދާއިރާތަކުން އަދި ސިޔާސީ ޕާޓީތަކުންވެސް މަޝްވަރާތަކުގައި ބައިވެރިވެ, ޕްލޭނަށް އެއްބާރުލުން ދެއްވަން ރައީސުލްޖުމްހޫރިއްޔާ އެދިވަޑައިގެންނެވިއެވެ. ވިދާޅުވީ މިއީ ސިޔާސީ ކަމެއް ނޫން ކަމަށާއި, އެކުލަވާލަނީ ޖީލެއްގެ ތަރައްޤީގެ ޕްލޭން ކަމަށެވެ. ރައީސް ވިދާޅުވީ 20 އަހަރަޖީ ޖީލެއް ކަމަށެވެ.

ޖީލެއްގެ ތަސައްވަރު އަޅުގަނޑުމެން މިއުޅެނީ ކަނޑައަޅަން. ކުރިއަށް އޮތް ޖީލުގެ ތަސައްވަރު ކަނޑައަޅަން މިއުޅެނީ. މީކީ ސިޔާސީ ކަމެއްނޫން.

ރައީސުލްޖުމްހޫރިއްޔާ ވިދާޅުވީ ޤައުމުގެ ތަރައްޤީގެ ޕްލޭންގެ މަސައްކަތަކީ ވަރަށް, ވަރަށް މުހިއްމު ކަމެއް ދީގެން ކުރަންޖެހޭ ކަމެއް ކަމަށެވެ. ސިޔާސީ އޮއިވަރުގައި ޖެހިގެން އެއިރެއްގަ އޮންނަ ސަރުކާރެއްގެ ވިސްނުމާ އެއްގޮތަށް އަބަދު އަބަދު ބަދަލުތަކެއް އަންނަ ގޮތަށް, ގައުމުގެ ތަރައްޤީގެ ކަންކަން ގެންދަން ވެއްޖެ ނަމަ ރައްޔިތުންނަށް އެންމެ ހެޔޮގޮތް ނުލިބިދާނެ ކަމަށް ވިދާޅުވިއެވެ.

ރައްޔިތުން ކަނޑައަޅާފަ އޮންނަ މަގަކުން, ދާން ބޭނުންވާ މިސްރާބަށް ދެވޭގޮތަށް ކަންތައްތައް ބައްޓަން ކުރެވިއްޖެނަމަ އެންމެ ރަނގަޅަށް ރައްޔިތުންނަށް ފައިދާވާނެ ކަމަށް ރައީސް ވިދާޅުވިއެވެ. ޤައުމީ ތަރައްޤީގެ 20 އަހަރުގެ ޕްލޭނެއް އެކުލަވާލައްވަން ނިންމެވީ އެސަބަބަށްޓަކައި ކަން ފާހަގަކުރައްވާ ވިދާޅުވީ

އެމަނިކުފާނު ބޭނުންފުޅުވަނީ ގައުމު ތަރައްޤީކޮށް, ރައްޔިތުން މުއްސަނދި ކުރަން ކަމަށެވެ. ރައްޔިތުންނަކީ ފުދުންތެރި, ގެދޮރުވެރިކަން ލިބިފައިވާ ބަޔަކަށް ވާން ބޭނުންފުޅުވާ ކަމަށް ވިދާޅުވިއެވެ. އަދި ވަޒީފާގެ ފުރުޞަތު ހުރިހާ ރައްޔިތުންނަށް ތަފާތުކުރުމެއް ނެތި ލިބޭނެކަން ޔަގީންވާން ބޭނުންފުޅުވާ ކަމަށްވެސް ވިދާޅުވިއެވެ.