ބ.އޭދަފުށީގައި 1000 ހައުސިންގ ޔުނިޓް އެޅުމުގެ އެއްބަސްވުމުގައި ސޮއިކޮށްފިއެވެ. solex

އެމަސައްކަތް ހަވާލުކުރީ ޗައިނާގެ ސިނޯހައިޑްރޯ ކުންފުންޏާއެވެ. އެކަމަކު ޕްރޮޖެކްތަށް ފައިސާ ހަމަޖެހެނީ އަންނަ އަހަރުގެ ތެރޭގައި ކަމަށް އިމާރާތް ކުރުމާއި ބިނާރާބެހޭ ވަޒީރު ޑރ.އަބްދުالله މުއްތަލިބު ވިދާޅުވިއެވެ. އެމަސައްކަތް ކުރާނީ ކޮންޓްރެކްޓަރެވެ. މިނިސްޓަރ މުއްތަލިބު ވިދާޅުވީ މި އަހަރުގެ މޭ މަހުގެ 8 ވަނަ ދުވަހު ޗައިނާ ކުންފުންޏާއެކު ފަހުމުނާމާއެއްގައި ސޮއިކޮށް، އެ ފަހުމުނާމާގެ ދަށުން ގިނަ މަސައްކަތްތަކެއް ކުރިއަށްގެންގޮސްފައިވާ ކަމަށެވެ.

ވަޒީރު ވިދާޅުވީ މިދައުރު ނިމުމުގެ ކުރިން އެހައުސިންގ ޔުނިޓްތަކުގައި މީހުންނަށް ދިރިއުޅެވޭވަރު ވާނެކަމުގެ އުއްމީދު އެބައޮތް ކަމަށެވެ. މިމަޝްރޫއުގެ ދަށުން އޭދަފުށީގައި އިމާރާތް ކުރަނީ 15 ފަންގިފިލާގެ ތިން ޓަވަރެވެ. ތިން ޓަވަރުގައި ހިމެނެނީ 3 ކޮޓަރީގެ 336 ފުލެޓާއި, 2 ކޮޓަރީގެ 772 ފުލެޓެވެ. އޭދަފުއްޓަކީ ރާއްޖޭގައި ތަރައްޤީކުރާ އަރބަން ސެންޓަރުތަކުގެ ތެރޭގައި ހިމެނޭ ރަށެކެވެ.

ވަޒީރު ވިދާޅުވީ ފަނަރަ ބުރީގެ 12 ޓަވަރު އެޅުމަށް ކަނޑައެޅި މައިގަނޑު ސަބަބަކީ އޭދަފުށްޓަކީ ސަރުކާރުން ކަނޑައަޅުއްވާފައިވާ އާބަން ސެންޓަރަކަށް ވުމާއި, އެރަށުގެ ބިން އެންމެ ހެޔޮގޮތުގައި ބޭނުން ކުރުމަށް ކުރަންޖެހޭ މަސައްކަތުގެ ތެރެއިން ބިން އިތުރު ކުރެވެން ނެތުމުން ކަމަށެވެ. އެހެންކަމުން ވާޓިކަލް ޑިވެލޮޕްމަންޓަކީ މުހިއްމު ކަމެއް ކަމަށް ގަބޫލުކުރެވޭތީ އެގޮތަށް ނިންމެވީ ކަމަށް ވިދާޅުވިއެވެ.

މި ހައުސިންޔުނިޓުތައް ވެގެންދާނީ، އޭދަފުއްޓާއި އެ ސަރަޙައްދުގެ ރިސޯޓުތަކުގައި މަސައްކަތްކުރާ އާބާދީތަކަށް ބޯހިޔާވަހިކަން ލިބިގެންދާނެ ފުރުޞަތަކަށް ކަމަށް ވަޒީރު ވިދާޅުވިއެވެ.

ދިވެހި ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ ޢިމާރާތްކުރުމާއި ބިނާރާބެހޭ ވަޒީރު ޑރ އަބްދުﷲ މުއްޠަލިބެވެ. ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒުވެސް ބައިވެރިވެވަޑައިގެންނެވި އެވެ.