ބިންވެރިޔާ ސްކީމްގެ ދަށުން އުސޫލުން ބޭރުން ދިން ގޯތިތަކެއްގެ މައްސަލަ ފެންމަތިވެ, އެޗްޑީސީގެ ވެރިން ސަސްޕެންޑްކޮށް މަގާމްތަކަށް ބަދަލު ގެންނެވުމުން ކުރީގެ ރައީސް މުޙައްމަދު ނަޝީދު އެކަން ފާހަގަކުރައްވައިފިއެވެ.solex

ރައީސް ނަޝީދު މިއަދު ވިދާޅުވީ އެޗްޑީސީގެ ވެރިން ބަދަލުކޮށް ތަހުގީގު ކުރަން ފެށުމުން ތަފާތެއް ފެނިއްޖެ ކަމަށެވެ. އަދި އެޗްޑީސީގެ ވެރިން ބަދަލުކުރުންވެސް ނަޝީދު ފާހަގަކުރެއްވިއެވެ. އެޗްޑީސީގެ އެމްޑީ ކަމަށް އަލަށް އައްޔަން ކުރެއްވި މައުރޫފް ޖަމީލް ކަންކަން ރަނގަޅުކުރައްވާނެ ކަމަށް އުއްމީދު ކުރައްވާކަމުގައި ނަޝީދު ވިދާޅުވިއެވެ. އަދި ފުލުހުންވެސް އެމައްސަލައިގެ ރަނގަޅު ތަހުގީގެއް ހިންގަވާނެ ކަމުގެ އުއްމީދު އެމަނިކުފާނު ފާޅުކުރެއްވިއެވެ.

ނަޝީދު ވިދާޅުވީ ކުރިންވެސް ފަހުންވެސް ގޯތި ދިނުމުގައި ބޭއިންސާފް ހިމެނޭ ކަމަށެވެ. ކުރީގެ ރައީސް މުހައްމަދު ނަޝީދު ވިދާޅުވީ ބިންވެރިޔާ ސްކީމުން ބިން ދިނުމުގައި ކުރީގައިވެސް ލިސްޓް ހަދާފައި ވަނީ ބޭއިންސާފުން އެތައް ބަޔަކަށް ގޯތި ލިބޭ ގޮތަށް ކަމަށެވެ. އަދި މިފަހަރު އަނެއްކާވެސް އެ ބޭއިންސާފަށް އިތުރު ބޮޅެއް އެކުލަވާލެވުނީ ކަމަށް ނަޝީދު ވިދާޅުވިއެވެ.

އުސޫލުން ބޭރުން ބިންތަކެއް ދިން މައްސަލަ ފެންމަތިވެ, ފުލުހުން ތަހުގީގު ފެށުމުން އެޗްޑީސީގެ އެމްޑީ ހިމެނޭ ގޮތަށް ގިނަ ބޭފުޅުންތަކެއް ސަސްޕެންޑް ކުރިއެވެ. ސަސްޕެންޑް ކުރެއްވުމާ އެކު އޭގެ ދެދުވަސް ފަހުން އެމްޑީ އިބްރާހީމް ފަޒުލް ރަޝީދު ވަނީ އިސްތިއުފާ ދެއްވާފައެވެ. އާ އެމްޑީއަކަށް މައުރޫފް ޖަމީލް އައްޔަން ކުރެއްވީ ޖެހިގެން އައި ދުވަހުއެވެ.