67 މީހުންނާއެކު ދަތުރުކުރި އަޒަރުބައިޖާންގެ އެއާލައިނެއް ކަޒަކްސްތާނުގެ ސިޓީއެއް ކަމަށްވާ އަކްތާއު އަށް ވެއްޓި 38 މީހަކު މަރުވެއްޖެއެވެ. ކަޒަކްސްތާނުގެ އޮފިޝަލުންނާ ޙަވާލާދީ އެސޯސޮއޭޓް ޕްރެސްގައި ވާގޮތުން މި މަތިންދާބޯޓުން ދަތުރުކުރި 29 މީހަކު ވަނީ މި ހާދިސާގައި ސަލާމަތް ވެފައެވެ.solex

ކަޒަކްސްތާނުގެ ބޮޑުވަޒީރު-ގެ ނައިބު, ކަނަޓް ބޮޒުމްބީވްވެސް ބުދަ ދުވަހު ވަނީ ކަޒަކްސްތާނުގެ އޮފިޝަލުންނާ ޙަވާލާދީ މަރުވި މީހުންނާއި ސަލާމަތްވި މީހުންގެ އަދަދުތައް ހާމަކުރައްވާފައެވެ.

ދި އެމްބްރިއާ 190 ދަތުރުކުރަމުން ދިޔައީ އަޒަރުބައިޖާންގެ ވެރިރަށް ބަކޫ އިން ފުރައިގެން ރަޝިއާގެ ސިޓިއެއް ކަމަށްވާ ގްރޮޒްނީގެ އުތުރު ކޯކަސަސް އަށެވެ. އިމަޖެންސީ ޙާލަތެއް ދިމާވެ ބޯޓު އަނބުރާލީ އަޒަރުބައިޖާންގެ އަކަތާއު އާ 3 ކިލޯމީޓަރު (1.8 މޭލު) ދުރުންނެވެ.

ހާދިސާ އާ ގުޅިގެން އަޒަރުބައިޖާންގެ ރައީސް, އިލްހާމް އަލިޔެވް މިއަދު ބޭއްވި ނޫސްވެރިންގެ ބައްދަލުވުމެއްގައި ވިދާޅުވީ ބޯޓު ވެއްޓެން ދިމާވި ސަބަބާ ގުޅޭގޮތުން ވާހަކަ ދައްކަން އަދި މާއަވަސް ކަމަށާއި, ނަމަވެސް މޫސުމް ގޯސްވުމުގެ ސަބަބުން ދަތުރު ކުރަން ހަމަޖެހިފައި އޮތް ގޮތް ބަދަލުކުރަން ޖެހުނު ކަމަށެވެ.

"އަހަންނަށް ލިބިފައިވާ މައުލޫމާތަކީ ބަކޫ އާއި ގޮރޮޒްނީ އާ ދެމެދުން ބޯޓުގެ މިސްރާބު ބަދަލުކުރަންޖެހުނީ އެހިސާބުގެ މޫސުން ވަރަށް ބޮޑަށް ގޯސް ވުމުގެ ސަބަބުން ކަމަށް. އިމަޖެންސީގައި ބޯޓު ދިޔައީ އަކްތާއު އެއަރޕޯޓަށް ޖައްސަން. ބޯޓު ވެއްޓުނީ އެއަރ ޕޯޓަށް ޖައްސަން އުޅުމުގެ ތެރޭގައި" އަލިޔެވް ވިދާޅުވިއެވެ.

ރަޝިއާގެ ސިވިލް އޭވިއޭޝަން އޮތޯރިޓީ, ރޮސާވިއާޓްސިއާ ގެ ފުރަތަމަ ރިޕޯޓް ބުނާގޮތުން އަކްތާއުއާ ދިމާއަށް ޕައިލެޓް ބޯޓު އަނބުރާލީ ބޯޓުގައި ދޫންޏެއް ޖެހި ހިނގި ހާދިސާ އަކާ ގުޅިގެން ކުރިމަތިވި އިމަޖެންސީ ޙާލަތެއްގައެވެ.