އެސްޓަން ވިލާ އަތުން މޮޅުނުވެވި, އާސެނަލްގެ ލީގު އުއްމީދަށް ހުރަސް އެޅިއްޖެ
January 19, 2025
Share this story

އެސްޓަން ވިލާ އަތުން މޮޅުނުވެވި, އާސެނަލްގެ ލީގު އުއްމީދަށް ހުރަސް އެޅިއްޖެއެވެ. އިނގިރޭސި ޕްރިމިއަރ ލީގުގައި އެސްޓަން ވިލާ އަތުން ޕޮއިންޓް ގެއްލުނީ އާސެނަލް އިން ދެ ލަނޑުގެ ލީޑެއް ނަގާފައި ވަނިކޮށެވެ.solex
ފުރަތަމަ ހާފްގައި ގަބްރިއަލް މާޓިނެލީ ޖެހި ލަނޑާއި, ދެވަނަ ހާފްގައި ކައި ހާވާޓްޒް ޖެހި ލަނޑުން އާސެނަލް ދެ ލަނޑުގެ ލީޑެއް ނަގާ ހަމަޖެހިލި ނަމަވެސް, 8 މިނިޓްގެ ތެރޭގައި ދެ ލަނޑު ޖަހައިގެން އެސްޓަން ވިލާ އިން ނަތީޖާ ހަމަހަމަ ކުރިއެވެ. ދެ ލަނޑު ޖަހައިދިނީ ޓިއެލެމަންސް އާއި ވަޓްކިންސް އެވެ. އެއީ 60 ވަނަ މިނިޓާއި 68 މިނިޓްގައެވެ.
އާސެނަލް އަށް މޮޅުނުވެވި, އުއްމީދަށް ހުރަސް އެޅުނީ އިތުބާރާއެކު އޮތް ލިވަޕޫލް މެޗު ކާމިޔާބުކުރުމުންނެވެ. ބްރެންޓްފޯޑް އަތުން ލިވަޕޫލް ކުރި ހޯދީ މެޗުގެ އިތުރު ވަގުތުގައި ޖެހި ދެ ލަނޑުންނެވެ. ލަނޑެއް ނުޖެހި އެއްވަރުވާން ދިޔަ މެޗުގެ އިތުރު ވަގުތުގެ ފުރަތަމަ މިނިޓާއި ތިންވަނަ މިނިޓްގައި ލިވަޕޫލަށް ލަނޑު ޖަހައިދިނީ ޑާވިން ނޫނޭޒް އެވެ.
މިނަތީޖާތަކާއެކު އެއްވަނައިގައި އޮތް ލިވަޕޫލާ ދެވަނައިގަ އޮތް އާސެނަލާ ދެމެދު 6 ޕޮއިންޓްގެ ފަރަގެއް އެބައޮތެވެ. އެއީ ލިވަޕޫލަށްވުރެ އިތުރަށް އާސެނަލް މެޗެއް ކުޅެގެންނެވެ.