ފުރުޞަތުގެ ބޭނުން ހިފާ ރެއާލް މެޑްރިޑް އެކަކަށް
January 20, 2025
Share this story

ބަސެލޯނާ އާއި އެތްލެޓިކޯ މެޑްރިޑަށްވެސް މޮޅުނުވެވުމުނެ ފުރުޞަތުގެ ބޭނުންކޮށް ރެއާލް މެޑްރިޑް ސްޕެނިޝް ލަލީގާ ތާވަލްގެ އެއްވަނަ އަށް ޖެހިލައިފި އެވެ.solex
ރެއާލް މެޑްރިޑް އެއްވަނަ މަގާމަށް ޖެހިލީ 4-1 ން ލަސް ޕަލްމާސް ބަލިކޮށްގެންނެވެ. މެޗުގެ ފުރަތަމަ ލަނޑާއެކު އެމްބާޕޭ ދެ ލަނޑު ޖެހިއެވެ. ފުރަތަމަ ލަނޑު ޖެހީ ޕެނަލްޓީ އަކުންނެވެ. ތިންވަނަ ލަނޑެއް ޖެހި ނަމަވެސް ވީއޭއާރުން ނިންމީ އޮފްސައިޑް ކަމަށެވެ. މެޗުގައި ދެން ރެއާލް އަށް ލަނޑު ޖަހައިދިނީ ބްރަހިމް ޑިއާޒް އާއި ރޮޑްރީގޯ އެވެ. ބެލިންގހަމް އާއި ފެޑެރީކޯ ވަލްވާޑޭ ޖެހި ގޯލްވެސް ވީއޭއާރުން ވަނީ އޮފްސައިޑް ކަމަށް ނިންމާފައެވެ.
މެޗުގެ ފުރަތަމަ މިނިޓްގައި ލަސް ޕަލްމާސްގެ ހަމައެކަނި ލަނޑު ޖެހީ ފަބިއޯ ސިލްވާ އެވެ. އަދި 64 ވަނަ މިނިޓުން ފެށިގެން އެޓީމުން ކުޅުނީ ދިހަ ކުޅުންތެރިންނާ އެކުއެވެ. އެއީ ބެނީޓޯ ރަމިރޭޒް އަށް ސީދާ ރަތްކާޑެއް ދެއްކުމުންނެވެ. ރެއާލް އިން ލަނޑުތައް ޖެހީ އޭގެކުރިންނެވެ.
މިމޮޅާއެކު ރެއާލް އެއްވަނައިގައި އޮތީ 20 މެޗުން 46 ޕޮއިންޓާ އެކުއެވެ. ދެވަނައިގައި އޮތީ 44 ޕޮއިންޓާއެކު އެތްލެޓިކޯ މެޑްރިޑެވެ. ބާސެލޯނާ އޮތީ 39 ޕޮއިންޓާއެކު 3 ވަނައިގައެވެ.