ޚަބަރުސްޕޯޓްސް

ފުރިހަމަ މޮޅަކާއެކު ރެއާލް އިން ޗެމްޕިއަންސް ލީގު ދިފާއުކުރުމަށް މަގު ތަނަވަސްކޮށްފި

January 23, 2025

Share this story

ފުރިހަމަ މޮޅަކާއެކު ރެއާލް އިން ޗެމްޕިއަންސް ލީގު ދިފާއުކުރުމަށް މަގު ތަނަވަސްކޮށްފި އެވެ. މިސީޒަންގެ ޗެމްޕިއަންސް ލީގުގައި ނަތީޖާތައް ދަށްކޮށް އޮތް ޗެމްޕިއަން ރެއާލް މެޑްރިޑުން މަގުތަނަވަސްކުރީ 5-1 ން ރެޑް ބުލް ސަލްޒްބާގް ބަލިކޮށްގެންނެވެ.solexsolex

އަމިއްލަ ދަނޑުގައި ކުޅުނު މެޗުގައި ރެއާލް އަށް ފުރަތަމަ ދެ ލަނޑު ފުރަތަމަ ހާފްގައި ޖަހައިދިނީ ބްރެޒިލް ފޯވާޑް ރޮޑްރީގޯ އެވެ. އެދެލަނޑު ޖަހަންވެސް ފުރުޞަތު ތަނަވަސްކޮށްދިނީ ބެލިންގހަމް އެވެ. ތިންވަނަ ލަނޑު ދެވަނަ ހާފް ފަށައިގެން ތިންވަނަ މިނިތްގައި ޖެހީ އެމްބާޕޭ އެވެ. ފަހު ދެ ލަނޑު ޖެހީ ބްރެޒިލް ފޯވާޑް ވިނީޝިއުސް އެވެ. އެކަމަކު މެޗުގައި ދެއްކި ރީނދޫ ކާޑާއެކު ކުރިއަށް އޮތް މެޗުގައި އޭނާއަށް ނުކުޅެވޭނެއެވެ. މެޗުގައި ވިނީޝިއުސް ލަނޑު ޖަހަން އެހީވީ މޮޑްރިޗް އާއި ވަލްވާޑޭ އެވެ. މެޗުގައި ޖެހި ދެ ލަނޑާއެކު ވިނީޝިއުސް ރެއާލް އަށް ޖަހައިދިން ލަނޑުގެ އަދަދު ވަނީ 100 ފަހަނަ އަޅާފައެވެ. ރެއާލް އިން ފަސް ލަނޑު ޖެހިފަހުން ސަލްޒްބާގްގެ ހަމައެކަނި ލަނޑު ޖެހީ ބިޑްސްޓްރަޕް އެވެ.

މިމޮޅާއެކު ރެއާލް އަށް ޔަގީނުންވެސް ޕްލޭއޮފްގެ ޖާގަ ލިބޭނެއެވެ. ރެއާލް މިވަގުތު އޮތީ 16 ވަނައިގައެވެ. ލީގުގައި އެންމެ ބޮޑު ނާކާމިޔާބީއެއް ކުރިމަތިވީ މެންޗެސްޓަރ ސިޓީ އަށެވެ. ދެ ލަނޑުގެ ލީޑެއް ނަގާފައި ވަނިކޮށް ޕީއެސްޖީ އަތުން ބަލިވެ, ސިޓީ އަށް ޕްލޭއޮފްގެ ފުރުޞަތުވެސް ލިބުން ދުރެވެ. ޕީއެސްޖީ އަތުން ބަލިވީ 4-2 ނެވެ. ސިޓީ އޮތީ 36 ޓީމް ވާދަކުރާ ލީގުގެ 25 ވަނައިގައެވެ.