ހުސައިން އަރީފް (އިބޫ) އަކީ ރާއްޖޭގެ ސާފިންގައި އެއްވަނަ އެވެ. އެންމެ ކާމިޔާބު އެތްލީޓެވެ. ސާފިންގެ ޗެމްޕިއަނެވެ. އެކަމަކު މިހާރު އެއީ ކޯޗެވެ. މިދިޔަ އަހަރު ތުލުސްދޫގައި އޮތް އޭޝިޔަން ސާފިންގ ޗެމްޕިއަންޝިޕްގައި އެއީ ދިވެހި ގައުމީ ޓީމް ލީޑްކުރި ކެޕްޓަނެވެ. ހޮނިހިރު ދުވަހު ތުލުސްދޫގައި ފެށި އޭޝިޔަން ސާފިންގ ޗެމްޕިއަންޝިޕްގައި އެއީ ޓީމްގެ ކޯޗެވެ.solex

އިބޫއަށް ހަގީގަތުގައިވެސް މިއީ ތަފާތު ތަޖުރިބާއެކެވެ. ޓީމެއް ތައްޔާރުކޮށް އޭނާގެ އެތްލީޓުން އެދޫކޮށްލަނީ ތުލުސްދޫ ރާޅުގަނޑަށެވެ.

މިއީ ވަރަށް ތަފާތު އެކްސްޕީރިއަންސެއް. ދެން ޚާއްޞަކޮށް ވަރަށް ހިތްހަމަޖެހޭ މިއޮތް ޓީމް, މިހާރު ރެޑީވެފަ އޮތްވަރާ ދޭތެރޭގައި. އިންޝާالله މިމުބާރާތުގައި މިބަލަނީ ދެންހަމަ ވަރަށް ރަނގަޅު ހިސާބަކަށް, ޕޯޑިއަމް ފިނިޝްއަކަށް އުއްމީދު ކުރަނީ.

މިމުބާރާތަކީ 2026 ވަނަ އަހަރުގެ އޭޝިޔަން ގޭމްސްއަށްވެސް ކޮލިފައިވުމުގެ ފުރުޞަތު ލިބޭ މުބާރާތެކެވެ. އޭޝިޔަން ގޭމްސްގައި ފުރަތަމަ ފަހަރަށް ސާފިންގ ހިމަނާއިރު އެމުބާރާތަށް ކޮލިފައިކޮށްދިނުމުގެ އަޒުމެއްވެސް އިބޫގެ އެބައޮތެވެ. އޭޝިޔަން ގޭމްސްއިން ރާއްޖެއަށް މެޑަލް ހޯދޭނެ އެންމެ ފަހި ކުޅިވަރަކަށް ސާފިންގ ވުމުގެ އުއްމީދު ބޮޑެވެ. އެކަން އިބޫއަށް އިނގެއެވެ. އިބޫގެ އުއްމީދަކީ އޭޝިޔަން ގޭމްސްގެ ޖާގައެއްވެސް ރާއްޖެއަށް ހޯދައިދިނުމެވެ.

ރާއްޖޭގެ ޖޫނިއަތ އެތްލީޓުންނާ މެދުވެސް އިބޫގެ އުއްމީދު ބޮޑެވެ. އޭނާ ބުނީ މިދިޔަ އަހަރާ އަޅާބަލާއިރު ޖޫނިއަރު ކުދިންގެ ލެވެލްވެސް މިއަހަރު ރަނގަޅު ކަމަށެވެ. ރަނގަޅު ފައިޓެއް ދެވެނެ ކަމަށް އިބޫ ހުރީ ގަބޫލުކޮށްގެންނެވެ.

20 ގައުމަކުން މިފަހަރުގެ މުބާރާތުގައި ވާދަކުރެއެވެ. ރާއްޖޭގެ ޓީމް ލީދް ކުރާނީ ތުލުސްދޫ އަހުމަދު އާގިލް (އައްމަޑޭ) އެވެ. މުބާރާތް މިމަހުގެ 24 ވަނަ ދުވަހުގެ ނިޔަލަށް ކުރިއަށް ދާނެއެވެ.