ސްޕެނިޝް ލަލީގާގައި ރޭ އެއްވަނައިގައި އޮތް ބާސެލޯނާ އެއްވަރުވެ, ވާދަވެރި ރެއާލް މެޑްރިޑް މޮޅުވުމުން ދެޓީމްގެ ފަރަގު ދެ ޕޮއިންޓަށް ހަނިވެއްޖެއެވެ. މިނަތީޖާތަޖުގެ ސަބަބުން މެޗުގެ އަދަދު ހަމަކުރާއިރު ޕޮއިންޓެއްގެ ފަރަގަކާއެކު އެއްވަނަ ހޯދުމުގެ ފުރުޞަތުވެސް ރެއާލް އަށް ވަނީ ތަނަވަސްވެފައެވެ. އެއީ ބާސެލޯނާ ރެއާލްއަށްވުރެ އިތުރަށް މެޗެއް ކުޅެފައިވާތީ އެވެ.solex

ލީގުގައި ބާސެލޯނާ އެއްވަރުވީ ރެއާލް ބެޓިސްއާ ވާދަކޮށް 2-2 ނެވެ. މެޗުގައި ދެފަހަރުވެސް ކުރި ހޯދީ ބާސެލޯނާ އިންނެވެ. ފުރަތަމަ ލެވަންޑޯސްކީގެ ލަނޑުންނެވެ. ދެވަނަ ފަހަރަށް ކުރި ހޯދައިދިނީ ފެރަން ޓޮރޭޒްއެވެ.

ރެއާލް ބެޓިސްއިން ފުރަތަމަ ނަތީޖާ ހަމަހަމަ ކުރީ ޕެނަލްޓީ އަކުން ޖިއޮވާނީ ލެ ސެލްސޯ އެވެ. ދެވަނަ ފަހަރަށް ނަތީޖާ ހަމަހަމަ ކުރީ މެޗުގެ އިތުރު ވަގުތުގައި އައްސާން ޑިއާއޯ އެވެ.

ބާސާ މެޗުގެ ފަހުން ރެއާލް މެޑްރިޑުން ވަނީ 3-0 ން ޖިރޯނާ ބަލިކޮށްފައެވެ. ފުރަތަމަ ހާފް ނިމެން ކައިރިވެފައި ވަނިކޮށް ރެއާލް އަށް ލީޑް ނަގައިދިނީ ބެލިންގހަމް އެވެ. ދެވަނަ ހާފްގެ ކުރީކޮޅު ދެވަނަ ލަނޑު ބެލިންގހަމް ތަނަވަސްކޮށްދިން ފުރުޞަތަކުން ޖެހީ ގުލާ އެވެ. ތިންވަނަ ލަނޑު ޖެހީ އެމްބާޕޭ އެވެ.

ލަލީގާ ތާވަލްގެ އެއްވަނައިގައި ބާސެލޯނާ އޮތީ 17 މެޗުން 38 ޕޮއިންޓާއެކުއެވެ. ރެއާލް ދެވަނައިގަ އޮތީ 16 މެޗުން 36 ޕޮއިންޓާއެކުއެވެ.