ރެއާލް މެޑްރިޑާ ބާސެލޯނާގެ ފަރަގު ޕޮއިންޓަކަށް ކުޑަވެއްޖެ އެވެ. ފަރަގު ޕޮއިންޓަކަށް ކުޑަވީ ލީގުގައި ރޭ ގެޓާފޭ އަތުން ރެއާލް މޮޅުވުމުންނެވެ. މެޗު ރެއާލް މެޑްރިޑުން ކާމިޔާބުކުރީ 2-0 ނެވެ.solex

މިނަތީޖާގެ ސަބަބުން ފަރަގު ޕޮއިންޓަކަށް ކުޑަވުމުގެ އިތުރުން މެޗުގެ އަދަދު ހަމަކުރާއިރު އެއްވަނަ އަށް ޖެހިލާ, ދެ ޕޮއިންޓްގެ ލީޑެއް ނެގުމުގެ އަމިއްލަބާރު ވެސް ރެއާލް އަށް އެބައޮތެވެ. މިވަގުތު ބާސެލޯނާ ލީގު ތާވަލްގެ އެއްވަނައިގަ އޮތީ 15 މެޗުން 34 ޕޮއިންޓާއެކުއެވެ. ރެއާލް ދެވަނައިގަ އޮތީ 14 މެޗުން 33 ޕޮއިންޓާ އެކުއެވެ.

ގެޓާފޭ އަތުން މޮޅުވި މެޗުގެ ފުރަތަމަ ހާފްގައި ލީޑް ނަގައިދިނީ ޕެނަލްޓީ އަކުން ބެލިންގހަމް އެވެ. ހާފް ނިމުމުގެ ކުރިން ދެވަނަ ލަނޑު ބެލިންގހަމް ތަނަވަސްކޮށްދިން ފުރުޞަތަކުން ޖެހީ އެމްބާޕޭ އެވެ.