ހަތަރު ލަނޑުން މޮޅުވެ, ބޮޑު ހިތްހަމަ ޖެހުމެއް ލިބުނަސް, މެޗުގައި ފެނުނީ މެންޗެސްޓަރ ސިޓީގެ ހަގީގީ ފެންވަރު ނޫން ކަމަށް ކޯޗު ޕެޕް ގާޑިއޯލާ ބުނެފިއެވެ. އޮކްޓޯބަރު މަހުގެ ފަހުން ފުރަތަމަ ފަހަރަށް  ވިދިވިދިގެން ދެމެޗުން މޮޅުވުމުން ގާޑިއޯލާ ބުނީ ޖެނުއަރީ އެގާރަ ވަނަ ދުވަހު އޮންނަ އެފްއޭއެކަޕް މެޗާ ހަމައަށް ހަމަޖެހިލައިގެން ނިދާލެވިދާނެ ކަމަށެވެ.solex

އެކަމަކު ސިޓީގެ ކުޅުމާ ގުޅޭގޮތުން ގާޑިއޯލާ ބުނީ އަސްލު ސިޓީގެ ކުޅުން އަދިވެސް ނުފެންނަ ކަމަށެވެ. މިދިޔަ ހަތަރު އަހަރު ސިޓީގެ މެޗުތައް ބެލި ކޮންމެ މީހަކަށް އެކަން އިނގޭނެ ކަމަށް އޭނާ ބުންޏެވެ. ގާޑިއޯލާ ބުނީ އަސްލް ސިޓީ ނުފެނުނަސް ޕޮޒިޓިވް ވަރަށްގިނަ ކަންކަން މެޗުން ފެނުނު ކަމަށެވެ.

އިނގިރޭސި ޕްރިމިއަރ ލީގުގައި ޗެމްޕިއަން މެންޗެސްޓަރ ސިޓީ ރޭ ހަތަރު ލަނޑުގެ މޮޅެއް ހޯދީ ވެސްޓް ހޭމް އަތުންނެވެ. މެޗު ސިޓީން ކާމިޔާބުކުރީ 4-1 ނެވެ. މިއީ އޮގަސްޓް މަހުގެ ފަހުން ޕްރިމިއަރ ލީގު މެޗެއްގައި ސިޓީން ހަތަރު ލަނޑު ޖެހި ފުރަތަމަ މެޗެވެ.

މެޗުގައި ސިޓީގެ ފޯވާޑް ހާލަންޑް ދެ ލަނޑު ޖެހިއެވެ. މިއީ ސެޕްތެމްބަރު މަހުގެ ފަހުން ޕްރިމިއަރ ލީގުގެ މެޗެއްގައި ހާލަންޑް ދެ ލަނޑު ޖެހި ފުރަތަމަ މެޗެވެ. މެޗުގައި ފުރަތަމަ ސިޓީއަށް ލީޑް ލިބުނީ ބައިގޯލަކުންނެވެ. ސިޓީގެ ފަހު ލަނޑު ޖެހީ ފޮޑެން އެވެ. ސިޓީން ހަތަރު ލަނޑު ޖެހި ފަހުން ވެސްޓް ހޭމްގެ ހަމައެކަނި ލަނޑު ޖެހީ ފުލްކުރަގް އެވެ.

މެޗުން މޮޅުވިޔަސް ސިޓީ އަދި އޮތީ ލީގު ތާވަލްގެ ހަ ވަނައިގައެވެ. އެކަމަކު ތިންވަނައިގައި އޮތް ނޮޓިންގހަމް ފޮރެސްޓާ ދެމެދު އޮތީ ތިން ޕޮއިންޓްގެ ފަރަގެކެވެ.