ފޯވާޑް ހާލަންޑް މެންޗެސްޓަރ ސިޓީއަށް ކުޅުނު 100 ވަނަ މެޗުން އާސީޒަންގެ ލީގު ޗެމްޕިއަން މެންޗެސްޓަރ ސިޓީން ފަށައިފި އެވެ. ސިޓީން ލީގު ފެށީ މޮޅަކުންނެވެ. އެއީ 2-0 ން ޗެލްސީ ބަލިކޮށްގެންނެވެ.solex

ސިޓީގެ ޖަރޒީގައި ހާލަންޑް ކުޅުނު 100 ވަނަ މެޗުގައި ލީޑް ނަގައިދިނީވެސް އޭނާ އެވެ. 18 ވަނަ މިނިޓްގައި ހާލަންޑް ލީޑް ނަގައިދިނީ ބެނާޑޯ ސިލްވާ ތަނަވަސްކޮށްދިން ފުރުޞަތަކުންނެވެ. މިއީ 100 މެޗުން ހާލަންޑް ސިޓީއަށް ޖަހައިދިން 91 ވަނަ ގޯލެވެ. އޭނާ ސިޓީއާ ގުޅުނީ 2022 ވަނަ އަހަރު އެވެ.

ސިޓީގެ ދެވަނަ ލަނޑު މެޗު ނިމެން ކައިރިވެފައި ވަނިކޮށް ޖެހީ ޗެލްސީގެ ކުރީގެ މިޑްފީލްޑަރ ކޮވަސިޗް އެވެ. ކޮމިއުނިޓީ ޝީލްޑް މެޗުގެ ފުރަތަމަ އެގާރައަށް ލީގުގ މެޗުގައި ސިޓީން ވަނި ގިނަ ބަދަލުތަކެއް ގެނެސްފައެވެ. ކޮމިއުނިޓީ ޝީލްޑް މެޗުގައި ބެންޗުން އެރި ބްރެޒިލް ފޯވަޑް ސަވިންހޯ ރޭގެ މެޗުގައި ފުރަތަމަ އެގާރައިގައި ހިމެނުނެވެ. އެކަމަކު ދެވަނަ ހާފްގެ ފުރަތަމަ މިނިޓްގައި އޭނާގެ ބަދަލުގައި ފޮޑެންއަށް ފުރުޞަތު ދިނެމެވެ. މެޗުގައި ކޯޗު ގާޑިއޯލާ ގެނައި ހަމައެކަނި ބަދަލަކީވެސް އެއީއެވެ.

ކޮމިއުނިޓީ ޝީލްޑް މެޗުގައި ކެވިން ޑި ބުރައިނާވެސް ނިކުތީ ބަދަލަކަށެވެ. އެކަމަކު ރޭ ބޭންޑް އަޅައިގެން މެޗަށް ނިކުތީ އޭނާ އެވެ. މުހިއްމު މިދްފީލްޑަރ ރޮޑްރީ ބެންޗްގައިވެސް ނެތެވެ. އެއީ އޭނާ ޓީމާ ގުޅުން ލަސްވުމުންނެވެ.