ޕްރޮފެޝަނަލް ފުޓްބޯލާރސް އެސޯސިއޭޝަން (ޕީއެފްއޭ) ގެ މިދިޔަ އަހަރުގެ މޮޅު ކުޅުންތެރިއަކަށް ފިލް ފޮޑެން އަދި ޒުވާން ކުޅުންތެރިއަކަށް ކޯލް ޕާމާ ހޮވައިފި އެވެ.solex

މިދިޔަ ސީޒަންގެ މޮޅު ކުޅުންތެރިއަކަށް ހޮވި ފޮޑެން ވަނީ މިދިޔަ ސީޒަންގައި 35 މެޗުން 19 ގޯލް ޖަހާފައެވެ. އޭނާ ވަނީ ސިޓީއާއެކު ހަ ޕްރިމިއަރ ލީގު ކާމިޔާބުކޮށްފައެެވެ. ހަ ފަހަރު ލީގު ކާމިޔާބުކުރި އެންމެ ޒުވާން ކުޅުންތެރިއަކީވެސް ފޮޑެން އެވެ. މިދިޔަ ސީޒަންގެ ޕްރިމިއަރ ލީގުގެ މޮޅު ކުޅުންތެރިއަކީވެސް ފޮޑެން އެވެ.

މިދިޔަ ސީޒަންގައި ސިޓީން ދޫކޮށް ޗެލްސީއަށް ބަދަލުވި ކޯލް ޕާމާ ވަނީ ފުރަތަމަ ސީޒަންގައިވެސް ޗެލްސީގައި ތަފާތު ދައްކާފައެވެ. އެގޮތުން މިދިޔަ ސީޒަންގެ ޕްރިމިއަރ ލީގުގައި ލީގުގައި ދެވަނަ އަށް އެންމެ ގިނަ ލަނޑު ޖެހި ކުޅުންތެރިއަކީ ޕާމާ އެވެ.. އޭނާ ވަނީ ޗެލްސީގައި ހޭދަކުރި ފުރަތަމަ ސީޒަންގައި ލީގުގައި 34 މެޗުން 22 ގޯލް ޖަހާފައެވެ.

މިއީ 2009/2010 ގެ ސީޒަންގެ ފަހުން އިނގިރޭސި ކުޅުންތެރިންނަށް މި ދެ އެވޯޑް ލިބުނު ފުރަތަމަ ފަހަރެވެ. އެސީޒަންގައި މޮޅު ކުޅުންތެރިއަކީ ރޫނީ އެވެ. ޒުވާން ކުޅުންތެރިއަކީ މިލްނާ އެވެ. ޕީއެފްއޭ އިން އެކުލަވާލި މިދިޔަ ސީޒަންގެ ޓީމްގައި އެންމެ ގިނައީ ސިޓީއާއި އާސެނަލް ކުޅުންތެރިންނެވެ. އާސެނަލްގެ 5 ކުޅުންތެރިން އަދި ސިޓީގެ 4 ކުޅުންތެރިން ހިމެނެއެވެ.