މިދިޔަ ސީޒަންގައި މެންޗެސްޓަރ ސިޓީ ދޫކޮށްލި މިޑްފީލްޑަރ ގުންޑޮގާން އެނބުރި ސިޓީއަށް އަތުވެއްޖެ އެވެ.solex

ބާސެލޯނާއަށް އެއް ސީޒަން ކުޅުމަށްފަހު ސިޓީގެ ކުރީގެ ކެޕްޓަން ވަނީ އަލުން ސިޓީއާ ގުޅި އެކްލަބްގެ އެއްބަސްވުމުގައި ސޮއިކޮށްފައެވެ. ޖަރުމަނުގެ މިޑްފީލްޑަރ ސިޓީއާއެކު ސޮއިކުރީ އެއް އަހަރުގެ އެއްބަސްވުމެއްގައެވެ. ނަމަވެސް އިތުރު އެއް އަހަރަށް އެއްބަސްވުން ދަންމާލުމުގެ ފުރުޞަތު ލިބެއެވެ. 2016 ވަނަ އަހަރު ސިޓީއާ ގުޅުނު މިޑްފީލްޑަރަކީ ކޯޗި ޕެޕް ގާޑިއޯލާ ހަވާލުވެ ސިޓީއަށް ގެނައި ފުރަތަމަ ކުޅުންތެރިޔާއެވެ. މިދިޔަ ސީޒަންގައި ކްލަބް ބަދަލުކުރީ 7 އަހަރު ސިޓީއަށް ކުޅެ, 14 ތަށި ކްލަބާއެކު ކާމިޔާބުކޮށްފައެެވެ. 304 މެޗުން 60 ގޯލް ސިޓީއަށް ޖަހައިދިނެވެ.

ގުންޑޮގާން ސިޓީއަށް އަލުން އައުމަށް ކޯޗު ޕެޕް ގާޑިއޯލާ ވަނީ ވަގުތުން 'އޯކޭ' ދީފައެވެ. ގުންޑޮގާން ބުނީ ގާޑިއޯލާއަށް ޚާއްޞަ އިހުތިރާމެއް އޮންނަ ކަމަށާއި, އެއީ ދުނިޔޭގެ އެންމެ މޮޅު ކޯޗު ކަމަށެވެ. ގާޑިއޯލާގެ އިރުޝާދުގެ ދަށުން ކުޅޭ ކޮންމެ ދުވަހަކީ ކުރިއެރުން ލިބޭ ދުވަހެއް ކަމަށް ގުންޑޮގާން ބުންޏެވެ.

ގުންޑޮގާން ބުނީ އަލުން ސިޓީގެ ޖަރޒީ ލާން ކެތްމަދުވެފައި ހުރި ކަމަށެވެ.