ކާވާ މެންސް ވޮލީބޯލް ޗެމްޕިއަންޝިޕްގައި އުޒުބެކިސްތާން އަތުންވެސް ރާއްޖޭގެ ސީނިއަރ ގައުމީ ވޮލީ ޓީމް ބަލިވެއްޖެ އެވެ. މެޗުން ރާއްޖޭގެ ޓީމް ބަލިވީ ސީދާ ތިން ސެޓުން ނެވެ.solex

މެޗުގެ ސެޓްތައް އުޒުބެކިސްތާނުން ގެންދިޔައީ 27-25, 25-14, 25-20 ނެވެ. މެޗުގެ ފުރަތަމަ ސެޓް ނިންމަން ރާއްޖެއަށް ފުރުޞަތު ލިބުނު ނަމަވެސް ފުރުޞަތުގެ ބޭނުން ނުކުރެވި, ޖެހިގެން އައި ދެ ސެޓްގައި އޭގެ ނޭދެވޭ އަރުވެސް ކުރިއެވެ. ފަހު ދެސެޓް ރާއްޖޭގެ ޓީމް ފެނުނީ އާދައިގެ ކޮށެވެ. އުޒުބެކިސްތާނުގައި ކުރިއަށްދާ މުބާރާތުގައި ރާއްޖެއަށް ބާކީ އޮތީ ތަޖަކިސްތާނާ ވާދަކުރާ މެޗެވެ.

މުބާރާތުގައި މިހާތަނަށް ރާއްޖޭގެ ޓީމް ކުޅުނު ހަތަރު މެޗުންވެސް ވަނީ ބަލިވެފައެވެ. ކިރްގިސްތާނާއި, އަފްޣާނިސްތާން އަތުން ބަލިވީ ސީދާ ތިން ސެޓުންނެވެ. ތުރުކެމްނިސްތާން އަތުން ބަލިވީ 3-2 ސެޓުންނެވެ.

މުބާރާތުގައި ރާއްޖޭގެ ޓީމުން ވާދަކުރަނީ ކޯޗު މުޙައްމަދު ޝަރަފްގެ އިރުޝާދުގެ ދަށުންނެވެ.