ވަގުތީ ކޯޗު ނިސްތެލްރޫއީ އާއެކު މެންޗެސްޓަރ ޔުނައިޓެޑް މޮޅަކުން ފަށައިފި އެވެ. solex

ކޯޗު އެރިކް ޓެން ހާގު ވަކިކޮށް, އޭނާގެ އެސިސްޓެންޓަކަށް ހުރި ޔުނައިޓެޑްގެ ކުރީގެ ފޯވާޑް ނިސްތެލްރޫއީގެ އިރުޝާދުގެ ދަށުން ޔުނައިޓެޑް ކުޅުނު ފުރަތަމަ މެޗަކީ އިނގިރޭސި ލީގު ކަޕްގެ ގަދަ 16 ގައި ލެސްޓަރ ސިޓީއާ ވާދަކުރި މެޗެވެ. އެމެޗު 5-2 ން ކާމިޔާބުކޮށް, ނިސްތެލްރޫއީ ވަނީ ޔުނައިޓެޑް ކްއާޓާ ފައިނަލަށް ގެންގޮސްދީފައެވެ.

މެޗުގައި ޔުނައިޓެޑްގެ ހަތަރު ލަނޑުގެ ތެރެއިން ކަސެމީރޯއާއި ބުރޫނޯ ފެނާންޑޭޒް ކުރެ ކޮންމެ ކުޅުންތެރިއަކު ދެ ލަނޑު ޖެހިއެވެ. އަނެއް ލަނޑު ޖެހީ ގާނާޗޯ އެވެ. ލެސްޓަރ ސިޓީގެ ދެ ލަނޑު ޖެހީ ބިލާލް އެލް ހަނޯސް އާއި ކޮނޯ ކޯޑީ އެވެ.

ކްއާޓާ ފައިނަލްގައި ޔުނައިޓެޑް ވާދަކުރަން ޖެހޭނީ ޓޮޓްނަމް އާއެވެ. ޓޮޓްނަމް ކްއާޓާ ފައިނަލަށް ދަތުރުކުރީ 2-1 ން މެންޗެސްޓަރ ސިޓީ ބަލިކޮށްގެންނެވެ. ކްއާޓާ ފައިނަލަށް ދަތުރުކުރި އެހެން ޓީމްތަކުގެ ތެރެއިން ލިވަޕޫލް ވާދަކުރާނީ ސައުތްހެމްޓަން އާއެވެ. އާސެނަލް ވާދަކުރާނީ ކްރިސްޓަލް ޕެލަސްއާއެވެ. އަދި ނިއުކާސަލް ޔުނައިޓެޑް ވާދަކުރާނީ ބްރެންޓްފޯޑާއެވެ.