ތިން ލަނޑުގެ ލީޑެއް ނެގުމުންވެސް, ފަހު ފަނަރަ މިނިޓްގެ ތެރޭގައި ކޮޅަށް ތިން ލަނޑު ވަދެގެން މެންޗެސްޓަރ ސިޓީގެ ދަށް ފޯމަށް ބަދަލެއް ނައިސް ހަވަނަ މެޗެއް ނިމިއްޖެއެވެ.solex

ވިދިވިދިހެން ފަސް މެޗުން ވި ބައްޔަށް ފަހު ހަ ވަނަ މެޗުގައި ރޭ ޗެމްޕިއަންސް ލީގުގައި ނެދަލެންޑްސްގެ ފޭނޫޑްއާ ވީ އެއްވަރެވެ. މެޗުގެ ފުރަތަމަ ހާފްގައި ޕެނަކްޓީ އަކުން އަދި ދެވަނަ ހާފްގެ ކުރީކޮޅު ހާލަންޑް ޖެހި ދެ ލަނޑުން ސިޓީން އިތުބާރު ހޯދިއެވެ. އަދި ގުންޑޮގާންގެ ލަނޑުން ތިން ލަނޑުގެ ލީޑަކާ އެކު ސިޓީން ޔަގީންކަމެއް ހޯދިއެވެ. ނަމަވެސް ސިޓީގެ ހާލަތަށް ބަދަލު ނާންނަކަން ކަށަވަރުވީޫ މެޗުގެ ފަހު 15 މިނިޓްގައެވެ.

ސިޓީގެ އިއްތިހާދު ސްޓޭޑިއަމްގައި ފުރަތަމަ ގޯލް ކޮޅަށް ވަނީ 75 ވަނަ މިނިޓްގައެވެ. ލަނޑު ޖެހީ ޑިފެންޑަރ ގްވާޑިއޯލްއަށް ހެދުނު ގޯހަކުން ހަޖް މޫސާ އެވެ. ދެވަނަ ލަނޑު ޖެހީ ސަންތިއާގޯ ހިމެނޭޒް އެވެ. މެޗުގެ ފަހު މިނިޓްގައި ނަތީޖާ ހަމަހަމަ ކޮށްދިނީ ހަންކޯ އެވެ.

ޗެމްޕިއަންސް ލީގު ތާވަލްގައި ސިޓީ އޮތީ 15 ވަނައިގައެވެ.ފަސް މެޗުން ވަނީ 7 ޕޮއިންޓް ގެއްލުވާލާފައެވެ. ލީގު ތާވަލްގެ އެއްވަނައިގަ އޮތީ ރޭ އާރުބީ ލައިޕްޒިގް އަތުން މޮޅުވި އިންޓަރ މިލާނެވެ. ދެވަނައިގަ އޮތީ 3-0 ން ފްރާންސްގެ ބްރެސްޓް ބަލިކުރި ބާސެލޯނާއެވެ.