ޔުއެފާ ޗެމްޕިއަންސް ލީގުގައި ބަޔާން މިއުނިކް އަތުން ބާސެލޯނާ ބޮޑު މޮޅެއް ހޯދައިފިއެވެ. މެޗު ބާސެލޯނާއިން ކާމިޔާބުކުރީ 4-1 ނެވެ. މެޗުގެ ތަރިއަކީ ހެޓްރިކް ހެދި ބްރެޒިލްގެ ރަފީނިއާ އެވެ.solex

މެޗުގެ 56 ވަނަ ސިކުންތްގައި ލަނޑު ޖަހައިގެން ބާސާއަށް ކުރި ހޯދައިދިނީ ވެސް ރަފީނިއާއެވެ. އެކަމަކު 18 ވަނަ މިނިޓްގައި ކޭން ލަނޑު ޖަހާ ބަޔާންއަށް ނަތީޖާ ހަމަހަމަކޮށްދިނެވެ. އޭގެކިރިން ކޭން އަތުން ޕެނަލްޓީއެއްވެސް ނާކާމިޔާބުވިއެވެ. ބާސާއިން ދެވަނަ ފަހަރަށް ކުރި ހޯދީ ފުރަތަމަ ހާފް ނިމެން ހަ މިނިޓަށް ވެފައި ވަނިކޮށް ލެވަންޑޮސްކީ ޖެހި ލަނޑުންނެވެ. ހާފް ބާސާއިން ނިންމާލީ ފަހު މިނިޓްގައި ރަފީނިއާ ޖެހި ލަނޑާއެކު ދެ ލަނޑުގެ ލީޑެއްގައެވެ. ބާސާގެ ފަހު ލަނޑު އަދި ރަފީނިއާގެ ހެޓްރިކް ފެނުނީ ދެވަނަ ހާފް ފަށައިގެން ހަ ވަނަ މިނިޓްގައެވެ. މިއީ ސީޒަންގައި ރަފީނިއާގެ ދެވަނަ ހެޓްރިކެވެ.

ބެލްޖިއަމްގެ ކުރީގެ ކެޕްޓަން ކޮމްޕެނީގެ އިރުޝާދުގެ ދަށުން ކުޅޭ ބަޔާން މިއުނިކް ޗެމްޕިއަންސް ލީގުގައި އެންމެ ފަހުން ކުޅުނު ދެ މެޗުންވެސް ވަނީ ބަލިވެފައެވެ.