ސީޒަންގެ ފުރަތަމަ އެލް ކްލެސިކޯގައި 36 އަހަރުގެ ލަވަންޑޮސްކީ ވިދާލާ, 17 އަހަރުގެ ޔަމާލް ތާރީޚުގެ ތެރެއަށް ވަދެއްޖެ އެވެ.solex

ސީޒަންގެ ފުރަތަމަ އެލް ކްލެސިކޯ ބާސެލޯނާއިން ކާމިޔާބުކުރީ 4-0 ނެވެ. މެޗުގައި ބާސެލޯނާގެ ހަތަރު ލަނޑުވެސް ޖެހީ ދެވަނަ ހާފްގައެވެ. އަދި ފުރަތަމަ ދެ ލަނޑު ދެ މިނިޓްގެ ތެރޭގައި ޖެހީ 36 އހަަރުގެ ފޯވާޑް ލެވަންޑޯސްކީ އެވެ. މެޗުގެ ތަރިއަކީ ޕޮލެންޑް ކެޕްޓަން ލެވަންޑޯސްކީ އެވެ. ތިންވަނަ ލަނޑު ޖަހާ 17 އަހަރުގެ ޔަމާލް ވަނީ ތާރީޚުން ޖާގަ ހޯދާފައެވެ. އެއީ އެލް ކްލެސިކޯގައި ލަނޑު ޖެހި އެންމެ ޒުވާން ކުޅުންތެރިޔާގެ ގޮތުގައެވެ. އޭނާ އަކީ ސްޕެއިން ގައުމީ ޓީމަށްވެސް ލަނޑު ޖަހައިދިން އެންމެ ޒުވާން ކުޅުންތެރިޔާ އެވެ.

މެޗުން އެންމެ ބޮޑު މާޔޫސްކަމެއް ލިބުނީ ފްރާންސް ކެޕްޓަން އެމްބާޕޭ އަށެވެ. މިއީ އޭނާގެ ފުރަތަމަ އެލް ކްލެސިކޯ އެވެ. ފުރަތަމަ ހާފްގައި އެމްބާޕޭ ލަނޑެއް ޖެހި ނަމަވެސް ވީއޭއާރުން ބެލުމަށްފަހު ނިންމީ އޮފްސައިޑް ކަމަށެވެ.

މިމޮޅާއެކު ބާސެލޯނާއިން ވަނީ ލަލީގާ ތާވަލްގެ އެއްވަނައިގައި ރެއާލްގެ މައްޗަށް 6 ޕޮއިންޓްގެ ލީޑެއްވެސް ނަގާފައެވެ. އަދި މިބައްޔާއެކު ލަލީގާގައި ރެއާލް އިން ދަމަހައްޓަމުން އައި ބަލިނުވުމުގެ ސިލްސިލާއަށްވެސް ނިމުން އައީ އެވެ. އެއީ 43 މެޗަށް ފަހުއެވެ.