އުމުރުފުޅުން 100 އަހަރުގައި އެމެރިކާގެ 39 ވަނަ ރައީސް, ޖިމީ ކާޓާރ އަވަހާރަވެއްޖެއެވެ. ކާޓަރ 2015 އަހަރު ކެންސަރު ބައްޔަށް ޑައިގްނޯޒްކުރެވި ފަރުވާހޯއްދަވަމުން ގެންދެވީ ގޭގައި އޮންނަވައިގެންނެވެ. އަވަހާރަ ވީއިރުވެސް އޮންނެވީ ޖޯޖިއާގެ ޕްލެއިންސްގައި ކާޓަރ ގެ އަމިއްލަ ގެކޮޅުގައެވެ.solex

އެމެރިކާގެ ރައީސްކަމަށް 1976 ވަނަ އަހަރު ވަޑައިގެންނެވި ކާޓަރ ވަޑިގެންނެވި ކާޓަރ އިންތިޚާބު ކާމިޔާބުކުރެއްވީ އޭރުގެ ރައީސް ޖެރަލްޑް ފޯޑް ބަލިކުރައްވާފައެވެ. ނަމަވެސް އެއްދައުރު އޮފީހުގައި ހުންނެވުމަށްފަހު ދެވަނަ ދައުރަށް ކުރިމަތިލެއްވި ކާޓަރ ނާކާމިޔާބުވެވަޑާއިގަތީ ރޮނާލްޑް ރޭގަން އަތުން 1980ގައެވެ. ވެރިކަމުގެ ފަހު 444 ދުވަހު ކާޓަރ ހޭދަކުރެވީ އީރާންގެ ހޮސްޓޭޖް ކްރައިސިސް ހައްލުކުރެވުމުގައެވެ. ވެރިކަން ބީވެގެން ދިޔައީ އެކަން ޙައްލު ނުކުރެއވިއެވެ.

ކާޓަރ އަކީ 100 ވަނަ އުފަންދުވަސް ފާހަގަކުރެއްވި އެމެރިކާގެ ހަމައެކަނި ރައީސްވެ. ކާޓަރ ވަނީ މަދު ދުވަސްކޮޅެއްގެ ތެރޭގައި އެމެރިކާގެ ގިނަ ބައެއްގެ ލޯތްބާއި އިޙްތިރާމް ހޯއްދަވާފައެވެ. ކާޓަރގެ ޙިދުމަތް, ޙާއްސަކޮށް އިންސާނީ ޙައްޤުތަކުގެ ދާއިރާއިން ބޮޑަށް ފާހަގަ ކުރެވިފައިވަނީ ވެރިކަމުގައި ހުންނެވުމުގެ ފަހުންނެވެ. 96 އަހަރުގައި އަވަހާރަވި އަނބިކަނބަލުން, ރޮޒަލިން ކާޓަރ އާއެކު އެޓްލާންޓާރ ގައި 1982 ވަނަ އަހަރު ކާޓަރ ސެންޓަރ އުފައްދަވާ ގިނަ ޚިދުމަތްތަކެއް ހިލޭ ސާބަހަށް ދެއްވިއެވެ.

2002 ވަނަ އަހަރު އިންސާނީ ހިދުމަތުގެ ދާއިރާއިން ކާޓަރ ވަނީ ނޯބަލް ސުލްޙައިގެ އިނާމް ހާސިލްކުރައްވާފައެވެ. މެދުއިރު މަތީގެ މައްސަލަ ޙައްލުކުރެއްވުމަށް ޙާއްސަ އިސްކަމެއް ދެއްވި ކާޓަރ އަކީ އިޒްރާއިލް އާއި މިޞްރުގެ ސުލްޙައިގެ އެއްބަސްވުން (ކޭމްޕް ޑޭވިޑް އެކޯޑް-1978) ގެ މެދުވެރިޔާވެސް މެއެވެ. އެކިފަހަރުމަތިން ފަލަޞްޠީނާއި އިޒްރާއިލްގެ މައްސަލަ ޙައްލުކުރެއްވުމަށް ބޮޑު އަހައްމިޔަތުކަން ވެރިކަމުގެ ފަހުންވެސް އަމިއްލަ ހައިސިއްޔަތުން ކާޓަރ ދެއްވިއެވެ.

ކާޓަރ ގެ މަރާ ގުޅިގެން އެމެރިކާގެ ވައިޓްހައުސްއިން ނެރުނު ބަޔާނެއްގައި ކާޓަރ ގެ ވަކިވުމުގެ ހިތާމައިގައި ޖެނުއަރީ 9 ވަނަ ދުވަހަކީ މުޅި އެމެރިކާގެ ހުރިހާ ސްޓޭޓޭއްގައި ޤައުމީ ހިތާމައިގެ ގޮތުގައި ވަނީ ކަނޑައަޅުއްވާފައެވެ.