އިޒްރާއިލްއިން ފަލަޞްޠީނުގެ ރައްޔިތުން ޣައްޒާއިން ނެރުމަށް ތައްޔާރުވަނީ
February 18, 2025
Share this story

ލިޔުނީ
އަށްޑުވަސް,
ޣައްޒާގެ ރައްޔިތުން 'އަމިއްލައަށް' ފަލަޞްޠީނު ދޫކޮށްދިއުމަށް ބޭނުންވާ އިންތިޒާމްތައް ހަމަޖެއްސުމުގެ ތައްޔާރީތައް ފަށާފައިވާ ކަމުގައި އިޒްރާއިލްގެ ޑިފެންސް މިނިސްޓަރު ބުނެފިއެވެ. އެގޮތުން މިހާރު އިޒްރާއިލް ސަރުކާރުގެ ވަކި އިދާރާއެއް އެކަމަށް ޙާއްސަކޮށް އުފެއްދުމުގެ މަސައްކަތް ކުރަމުން ދާކަމަށްވެސް ވަނީ ބުނެފައެވެ.solex
އިޒްރާއިލްއިން މިހާރުވަނީ ލުބުނާނުގައި ތިބި އަސްކަރިއްޔާގެ ބައެއް ފައުޖުތައްވެސް އަނބުރާ އިޒްރާއިލްއަށް ގެންނަން ފަށާފައި ކަމުގައި އޮފިޝަލުންނާ ހަވާލާދީ އަލްޖަޒީރާގައި ރިޕޯޓްކޮށްފައި ވެއެވެ.
އަރަބި ޤައުމުތަކުން ޤަބޫލު ނުކުރާނެކަން އިއުލާން ކޮށްފައިވާ އެމެރިކާގެ ރައީސް ޑޮނަލްޑް ޓްރަމްޕްގެ ޣައްޒާގެ ނަޞްލު ނައްތާލުގެ ޕްލޭން ކުރިއަށް ގެންދިއުމަށް އަރަބި ޤައުމުގެ ތަކުގެ މަޝްވަރާއަށް މެދުއިރުމަތީގައި މިހާރު ހުރި އެމެރިކާގެ އެންމެ އިސް ޑިޕްލޮމެޓް, ސެކްރެޓަރީ އޮފް ސްޓޭޓް މިވަގުތުވެސް ހުރީ ސައުދީ އެރޭބިއާގައި އެކަމާ ގުޅޭގޮތުން މަޝްވަރަށް ކުރުމަށް ގޮހެވެ.
ސައުދީއަށް ދިއުމުގެ ކުރިން ހޯމަ ދުވަހު އެމެރިކާގެ ސެކްރެޓަރީ އޮފް ސްޓޭޓް މާކޯ ރުބީނޯ ވަނީ ޤުދުސްގައި އިޒްރާއިލްގެ ބޮޑުވަޒިރު ބެންޖަމިން ނަތަންތާހޫއާއެކު ޓްރަމޕްގެ ޕްލޭން ކުރިއަށް ގެންދިއުމާ ގުޅޭގޮތުން މަޝްވަރާކޮށްފައެވެ. އެ ބައްދަލުވުމުގައި ނަތަންޔާހޫ ވަނީ ޓްރަމްޕްގެ އިއުލާންކޮށްފައިވާ ޣައްޒާގެ ރައްޔިތުން ފައްސާލާ އެބިމަށް ވެރިވެގަތުގެ ޕްލޭނަށް އެއްބާރުލުން ދިނުމުގައި އިޒްރާއިލް ދެމިއޮންނާނެ ކަމަށް ވައުދުވެފައެވެ.
15 މަސްދުވަހުގެ ޤަތުލްއާންމުގައި އިޒްރާއިލްއިން ޝަހީދުކޮށްލާފައިވާ ފަލަޞްޠީނުގެ ރައްޔިތުންގެ ރަސްމީކޮށް އަދަދަކީ 48,271 އެވެ. ނަމަވެސް އެ އަދަދު އެތައް ގުނައެއް އިތުރުވާނެކަމަށް މަޞްރަޙް ދިރާސާކުރާ ފަރާތްތަކުން ޤަބޫލުކުރެއެވެ.
އިންސާނީ ހައްޤުތަކަށް މަސައްކަތްކުރާ ގްރޫޕްތަކުން ވަނީ ޓްރަޕްމްގެ ޕްލޭނާއެކު ގަދަކަމުން ފަލަޞްޠީނުގެ ރައްޔިތުން އެބިމުން ނެރެލުމަށް ހިންގާ ކޮންމެ އަމަލަކީ ބައިނަލްއަޤުވާމީ ޤާނޫނާގެ ދަށުން ނަސްލުނައްތާލުން ކަމަށް ބުނެފައެވެ.