މި އަހަރުގެ ރޯދަމަހު ވެސް ފެންބިލާއި ކަރަންޓް ބިލުން ޑިސްކައުންޓް ލިބޭނެކަން ރައީސުލްޖުމްހޫރިއްޔާ ތަކުރާރު ކުރައްވައިފި އެވެ. އެމަނިކުފާނު ވަނީ މިދިޔަ އަހަރުގެ ޑިސެމްބަރު މަހު އއ. މަތިވެރިއަށް ކުރެއްވި ދަތުރުފުޅުގައި ރަމަޟާންމަހު ފެންބިލާއި ކަރަންޓް ބިލުން ޑިސްކައުންޓް ދެއްވާނެކަން އިއުލާނުކުރައްވާފައެވެ.solex

އެވާހަކައަށް އިޝާރާތްކުރައްވާ ރޭ ދ.ކުޑަހުވަދޫގައި ރައީސުލްޖުމްހޫރިއްޔާ ވަނީ ރޯދަމަހުގެ ކަރަންޓާއި ފެން ބިލް، އެހެން މަސްތަކަށް ވުރެ ބޮޑުނުވާނެ ގޮތަކަށް ކަންކަން އިންތިޒާމް ކުރައްވާނެ ކަމުގެ ޔަގީންކަން ދެއްވާފައވެެ. މިދިޔަ އަހަރުގެ ރަމަޟާންމަހުވެސް ސަރުކާރުން ވަނީ ފެން ބިލާއި ކަރަންޓް ބިލުން ޑިސްކައުންޓް ދީފައެވެ.

އަޅުގަނޑު މިވާހަކަ މީގެކުރިންވެސް ވާނީ ދަންނަވާފައި. މިދިޔަ އަހަރު 8 ޑިސެމްބަރުގައި އއ. މަތިވެރީގައި ވާހަކަ ދައްކަމުން އަޅުގަނޑު ދެންނެވިން ކުރީ ރަމަޟާންމަހު ދިންގޮތަށް މި ފަހަރުވެސް ރަމަޟާންމަހުވެސް ކަރަންޓު ބިލުންނާއި ފެން ބިލުން ޑިސްކައުންޓް ދޭނަމޭ. ހަމައެކަން އެގޮތަށް ކުރިއަށްގެންދާނަން- ރައީސުލްޖުމްހޫރިއްޔާ ވިދާޅުވިއެވެ.

ކުރިއަށް އޮތް ރަމަޟާން މަހަށް ކޮންމެ ގޭބީސީ އަކަށް 48 ދަޅުގެ މަސްދަޅު ކޭހެއްވސް ސަރުކާރުން ގެންދަވަނީ ހަދިޔާ ކުރައްވަމުންނެވެ. އެއީވެސް ރައީސުލްޖުމްހޫރިއްޔާ ޑރ.މުޙައްމަދު މުއިއްޒުގެ ވައުދެކެވެ.