މިދިޔަ ސަރުކާރުން ދިން ލުޔެއް ފިޔަވާ އިތުރު ލުޔެއް ނެތްކަމަށް ވިދާޅުވެ, ހުކުމެއްގައި ހުންނެވި ރައީސް ޔާމީނު ކަންބޮޑުވުން ފާޅުކުރައްވައިފިއެވެ.solex

އެމަނިކުފާން މިކަންބޮޑުވުން ފާޅުކުރެއްވީ, އެމަނިކުފާނު ފަހަތުގައި ހުންނަވައި ދަރިކަލުން ޒޭން ޔާމީނުގެ ނަމުގައި އުފައްދަވާ އާ ސިޔާސީ ޕާޓީ ޕީއެންއެފް އަށް ސޮއިކުރެއްވުމަށްފަހު ސަޕޯޓަރުންނާ ވާހަކަ ދައްކަވަމުންނެވެ. ސޮއިކުރި މަންޒަރު ބައެއް ވަސީލަތްތަކުން ދެއްކި ނަމަވެސް ރައީސް ޔާމީން ވާހަކަދެއްކެވީ ލައިވްއާއި, ރެކޯޑިންގތައް ކަނޑާލެއްވުމަށްފަހު އެތަނުގައި ތިބި ސަޕޯޓަރުންނާ މުހާތަބު ކޮށެވެ.

އެމައުލޫމާތު އެނގިހުރި ފަރާތަކުން ބުނީ ސަރުކާރާ މެދު ނުރުހުންވެ, ދުރަށް ވަޑައިގެންނެވި ސަބަބުތައް ރައީސް ޔާމީން ހިއްސާކުރެއްވި ކަމަށެވެ. އެގޮތުން ވޯޓަކީ އަމާނާތެއް ކަމަށާއި, އެއީ ރައްޔިތުންނާ ވެވޭ ކޮންޓްރެކްޓެއް(އެއްބަސްވުމެއް) ކަމަށް ރައީސް ޔާމީނު ވިދާޅުވި ކަމަށެެވެ. އޭގެއިތުރުން މިސަރުކާރުން ކެމްޕެއިންގައި ބޭނުންކުރެއްވީ 2018 ން 2023 އަށް ރައީސް ޔާމީނު ވާދަކުރައްވަން ތައްޔާރުކުރެއްވި މެނިފެސްޓޯއާއި ސްލޯގަންކަމަށްވެސް ވިދާޅުވިއެވެ. ދިވެހީންގެ ރާއްޖެ ސްލޯގަން އަކީ ސިޔާސީ އަދި އިޤްތިޞާދީ ގޮތުން ދިވެހި ޤައުމަށް ފުރިހަމަ މިނިވަންކަން އޮތުންކަން ރައީސް ޔާމީން ފާހަގަކުރެއްވި ކަމަށް އޭނާ ބުންޏެވެ.

ތަފްސީލަށް ވަޑައިގެން ރައީސް ޔާމީނު ވިދާޅުވިކަމަށް ވަނީ އިންޑިއާ އެކު ވެފަހުރި އެއްބަސްވުންތަކުގައި ދިވެހިންގެ އިޤްތިޞާދީ ވަޞީލަތްތައް، އެއްގަމާ ކަނޑާ ވައިގެ ވަޞީލަތްތައް ރިސޯސެސް ކޮމްޕްރޮމައިޒްވާ ކަންކަން އެބަހުރި ކަމަށެވެ.

އޭއްޗިިހި ހާމަކުރަން ވަޢުދުވީމަ ދެއްތޯ ރައްޔިތުން ވޯޓްދިނީ. އެ އެއްބަސްވުންތައް ހާމަކުރުން އަވަސްވާން އެބަޖެހޭ. ގެއްލުނު ކަނޑުގެ ސަރަޙައްދު ހޯދުން އަވަަސްކުރަން އެބަޖެހޭ. އިންޑިއާ ސިފައިން ރާއްޖޭގަ ތިބޭކަށް ނުޖެހޭ. އިންޑިއާ ސިފައިން ފޮނުވާލުމުގެ ކަންތައް އޮތް ހިސާބެއް ރައްޔިތުންނަށް އެނގެން އެބަޖެހޭ.

މީގެއިތުރުން ރައީސް ޔާމީނު ވިދާޅުވިކަމަށް ވަނީ އިންޑިއާ މިލިޓްރީ އައުޓް ނުކިޔޭގޮތަށް އޮތް ގަރާރަކީ ރިޔާސީ ސިޔާސީ ގަރާރެއް ކަމަށެވެ. ސަރުކާރު ބަދަލުވުމުންވެސް އެ ގަރާރު އަދިވެސް އޮތްގޮތަށް އޮތުމުގެ ކަންބޮޑުވުން ފާޅުކުރެއްވިއެވެ. ވިދާޅުވީ އެ ގަރާރު މިހާރުގެ ރައީސުލްޖުމްހޫރިއްޔާ ބާޠިލްނުކޮށް ބާއްވާ ސަބަބު އެނގެން އެބަޖެހޭ ކަމަށެވެ.

ރައްޔިތުންގެ މަޖިލިސް މެމްބަރުންނަށް އިސްލާމްދީނުގެ އަސްލަކާ ޚިލާފް ނުވާނޭހެން ވާހަކަދެއްކުމުގެ އަސާސީ ޙައްޤު އޮންނަ ގޮތަށް ރައްޔިތުންނަށްވެސް އެ ޙައްޤު އޮންނަންވާނެކަމަށްވެސް ރައީސް ޔާމީނު ވިދާޅުވިއެވެ.

އަޅުގަނޑު އަޅުގަނޑުގެ ސަޕޯޓަރުންނާ ދައްކަން ބޭނުންވާ ވާހަކަ, އަޅުގަނޑުގެ އަޑު ރައްޔިތުންނަށް އިއްވުން ވަނީ ކަރެކްޝަނުން މަނާކޮށްފަ. އެކަމުގެ ހުއްދައަށްއެދި މިވެރިކަމުގަ އަޅުގަނޑު ދެސިޓީ ލައިފިން. ނުދެއްވި ހުއްދައެއް.

ޖަގަހަ ޖަލްސާއެއްގަ ވާހަކަދައްކާލަންވެސް ހުއްދަ ނެތްކަމަށާއި, އެއްވެސް ބާވަތެއްގެ އިންތަރވިއުއެއް ދެންވެސް ހުއްދަ ނެތްކަމަށް ވިދާޅުވެ ރައީސް ޔާމީނު ކަންބޮޑުވުން ފާޅުކުރެއްވި ކަމަށް އެބައްދަލުވުމުގައި ބައިވެރިވި މީހަކު ބުންޏެވެ. ރައީސް ޔާމީނުގެ ފަރާތުން ހުއްދައަށް އެދި ސިޓީ ފޮނުވާފައިވޭތޯ ކަރެކްޝަންގައި ސުވާލުކުރުމުން ސިޓީއެއް ލިބުން ކަމަކަށްވެސް, އަދި ނުލިބޭ ކަމަކަށްވެސް ނުބުނެއެވެ.

ރައީސް ޔާމީނާ ވިދާޅުވިކަމަށް ވަނީ އެމަނިކުފާނު އިސްކުރަސއްވަނީ ޤައުމީ މަސްލަޙަތު ކަމަށެވެ. ޕީއެންއެފް އުފައްދަވަނީ އެއަސާސްތައް ނަގަހައްޓަން ކަމަށެވެ.