ބައިޕޯލާއަކި މިބަލީގެ ވޭން ތަހައްމަލުކުރަމުންދާ މީހުންނަށް  ވަރަށް ދަތި އުދަގޫ ހާލަތެއް މެދުވެރި ކުރުވާކަމެކެވެ. މިބަލީގެ ސަބަބުން މީހުންގެ މަލާމާތްލިބެއެވެ.ދޭދޭގުޅުންތައްހަލާކުވެ އާއިލާތައް ރޫޅެން މެދުވެރިވެއެވެ. މިބަލި ތަހައްމަލުކުރަމުންދާމީހުންނަކީ މުޖްތަމަޢު ބަލައިގަންނަބަޔެއް ނޫނެވެ. ބައްޔާ ގުޅިން އިތުރު ޖިސްމާނީ ބަލިތައް ޖެހުމުގެ އިތުރުން   އަށަގެންވާ ނުބައި އާދަ ތަކުގެ ސަބަބުން ބައެއް މީހުނަށް އަތްމަތި ދަތިވުމުންފަދަ ކަންކަން ކުރިމަތި ވުމަކީވެސް ވަރަށް އާއްމު ކަމެކެވެ. 

ލިޔުނީ : ޑޮކްޓަރ ނަފްޚާ މުޙައްމަދު ރަޝީދު

ބައިޕޯލާ ތަހައްމަލު ކުރަމުންދާ މަޝްހޫރު ސެލެބްރިޓީންގެ ތެރޭގައި ކާންޔޭ ވެސްޓް، މަރަޔާ ކްރޭ، ސެލީނާގޯމޭޒް ގެ އިތުރުން ސްޓާވޯސް ފިލްމުތަކުން ވިދާލި ކެރީ ފިޝަރ ފަދަމީހުން ހިމެނެއެވެ. ހަމައެހެންމެ ލިޔުންތެރިޔާ ވާޖީނިޔާ ވުލްފާއި ވަރަށް ފަހުން ޒުވާން އުމުރުގައި ނިޔާވި އާރޮން ކާޓަރ ގެ އިތުރުން އިންޑިޔާގެ ލަވަކިޔުންތެރިޔާ ޔޯޔޯ ހަނީ ސިންގް އަކީވެސް މިބަލީގައި ދުވަސްތައްވޭތުކުރާ ފަރާތެކެވެ. 

ބައިޕޯލާއަކީ މައިގަނޑު ގޮތެއްގައި މީހާގެ މިޒާޖު ނުވަތަ މޫޑަށް އަންނަ ބަދަލު ތަކެކެވެ. މިފަދަ ނަފްސާނީ ބައްޔެއް ކަމުގައިވާ ސްކިޒޮފުރޭނިޔާ އަކީ މީހާގެވިސްނުމަށް އަންނަ ބަދަލުތަކެކެވެ. މިޒާޖަކީ މީހާގެ ސިކުނޑިޔާވިސްނުމަށް އަންނަ ބަދަލުތަކުގެ އަލާތްތައް ބޭރުފުށަށް ފެންނަ ގޮތެކެވެ. މި ބަލީގެ އުނދަގޫ އުފުލާ މީހުންގެ މޫޑު އާދަޔާ ޚިލާފަށް މަތިވުން ނުވަތަ މޭނިޔާގައި އުޅޭދުވަސް ކޮޅަކާއި މޫޑު ވަރަށް ބޮޑަށް ދައްވެ ޑިޕްރެޝަން ގައި އުޅޭދުވަސް ކޮޅެއްވެސް ދެއެވެ. ބަޔެއްދުވަސްވަރު މުޅިން ރަނގަޅު ވެއްޖެކަމަށް ހީވާވަރަށް  ރަނގަޅުވެފައިވެސް ހުރެއެވެ. 

ބައިބޯލާ މީހަކަށް ޖެހިފައިވާކަން ގިނަފަހަރަށް ދެނެގަނެވޭ މިންވަރަށް  މިޒާޖަށް ބަދަލުއަންނަށް ފަށަނީ އެފަދަ މީހަކަށް ދިރިއުޅުމުގައި ތަޙައްމަލު ކުރަން އުނދަގޫ ޙާލަތްތަކެއް މެދުވެރި ވުމާއި ގުޅިގެންނެވެ. މީގެ ތެރޭގައި މާބޮޑަށް ހާސްވެ ހިތްދަތިވާކަމެއްދިމާވުން ،  ޖިސްމާނީ ނުވަތަ ޖިންސީ އަނިޔާޔެއްލިބުން، ހަމަނިދި ނުލިބުން، މަސްތުވާތަކެތި ބޭނުންކުރުން ، ބަޔެއް ވައްތަރުގެ ނާރުގެ ބަލިބަލި ހުރުން ފަދަ ކަންކަން ހިމެނެއެވެ. ބަޔެއް ޙަލަތުގައި ވިހެއުމަށްފަހުވެސް  ބައިޕޯލާ ބަލީގެ ފުރަތަމަ އަލާމަތްތައް ފެންނަންފަށައެވެ. މިބަލި އާންމުގޮތެއްގައި ދިމާވަނީ އުމުރުން 15  އާއި 35 ދެމެދު އުމުރު ފުރާގެ މީހުންނަށެވެ.

މިބަލީގައި ފުރަތަމަ ޙާލަތުގެ އަލާމާތްތައް:

-	ޢެއްވެސް ކަމަކަށް ސަމާލުކަން ނުދެވުން 

-	ނިދިމަދުވުން ނުވަތަ ނުނިދުން

-	އާދަޔާ ޚިލާފުބާރެއް ލިބިފައި ހުންނަހެން ހީވެ އާއްމު މީހުންނަށް ވުރެ ބޮޑަށް މަސަތްކަތްކުރަން އުޅުން

-	ގިނައިން ޚަރަދު ކުރުން

-	އާދަޔާހިލާފަށް ވާހަކަ ގިނަވުން/ އަގަގަދަވުން

-	ފަސޭހައިން ރުޅިއައުން

-	 މާގިނައިން ޖިންސީ އަމަލުތައްކުރުމާއި ކުރާހިތްވުން

-	ވިސްނުމެއްނެތި ކަންކަން ކޮއްލުން

-	އެހެން މީހުންނާއި މެދު ޝައްކުގެ ނަޒަރުން ބެލުން

-	ތިމާޔަކީ ވަރަށް ޚާއްސަމީހެކޭ ނޫނީ ބާރުގަދަ މީހެކޭ ހީވުން ނުވަތަ ރޫހާނީ ބާރުވެރިކަމެއް ލިބޭކަމަށް ގަބޫލުކުރުން 

މިބަލީގައި އަންނަދެވަނަ ހާލަތުގެ އަލާމާތްތައް:

-	ހިތާމަކުރުން ނުވަތަ ވަރަށް ބޮޑަށް ދެރަވެފައި ހުރުން

-	ވަރުބަލިވުން ގައިގައި ހަކަތަޔެއް ނެތުން

-	ބަލިމީހާޔަކީ ވަރަށް ދެރަމީހެކޭހީވުން

-	މާދިނައިން ނިދުން ނުވަތަ ނިދަން އުދަގޫވުން

-	ކާހިތް ނުވުމާއި ނުކެވުން ނުވަތަ އާދަޔާހިލާފަށް ގިނައިން ކެއުން

-	މަރުވާން ބޭނުންވުން އަދި އަމިއްލަޔަށް މަރުވުމުގެ ހިޔާލުތައް ކުރެވުން

ކޮށްމެ ބަލިމީހެއްގެ ހުރިހާ އަލާމަތް ތައް ނުފެނުން އެކަށީގެންވެއެވެ. އެހެންނަމަވެސް މަތީގައި ދެންނެވި ފަދައަލާމަތް ތަކެއް ގާތްމީހެއްގެ ފަރާތންފެންނަނަމަ ސައިކޭޓްރިސްޓަކަށް ދައްކާ ފަރުވާހޯދުން މުހިންމެވެ. މިބައްޔަކީވެސް ދާއިމީ ކޮއްފަރުވާ ހޯދަން ޖެހޭބައްޔެކެވެ. ފަރުވާކުޑަ ނުކޮށް މެދުކެނޑުމެއްނެތި ފަރުވާކުރަމުންދާތީ   ރަނގަޅުދިރި އުޅުމެއް އުޅެމުންދާ ވަރަށް ގިނަ ފަރާތްތައް ތިބި ކަން ފާހަގަކުރަމެވެ. ބަލިގެ ނުރައްކަތެރި މަރުޙަލާއަށް ދިޔުމުން އަމިއްލައަށް ފަރުވާހޯދުމަށް މަސައްކަތްކުރުމުގެ ވިސްނުމާއި ޤާބިލުކަން ގިނަފަހަރަށް ނެތިދެއެވެ. އެޙާލަތު ދެނެގަނެ ބަލިމީގެ ގާތްފަރާތަކުން ފަރުވާ ގެ އިންތިޒާމްތައް ކުރިޔަށް ގެންދިޔުމަކީ އެފަރާތްތަކުގެ ދިރިތިބުމަށްތަކައި ކޮށްމެހެން ލާޒިމް ކަމެކެވެ.   

ނަފްސާނީ ބަލިތަކުގެތެރެއިން: ބައިޕޯލާ 

ދިވެހި މުޖްތަމައު ނަފްސާނީ ބަލިތައްގައި އާދަޔާ ޚިލާފަށް  އިތުރުވަމުން އަންނަކަން  ވަނީ ފާހަގަކުރެވިފައެވެ.    މި ސިލްސިލާގެ ލިޔުން ތަކުގައި  ނަފަސާނީ މައްސަލަތަކާ، މައްސަލަތައް ދެނެގަންނާނެ ގޮތާއި އަދި މިފަދަ މައްސަލަތަކަށް ފަރުވާ ހޯދުމުގެ މުހިންމު ކަމާމެދު އަލި އަޅުވައިލަން ޤަޞްދުކުރަމެވެ .  
މިލިޔުމަކީ ސައިކޭޓްރިކް ހާއްސަ ޑޮކްޓަރަށް ނުދައްކާހުރުމަށް ބާރުއަޅާ ނުވަތަ އެފަދަ ޑޮކްޓަރުންގެ ލަފާ ނުހޯދުމަށް ބާރު އަޅަން ދޭ އިރުޝާދުތަކެއް ނޫން ކަމުގައި ފަށަމުން ވެސް ދަންނަވަމެވެ.  މިލިޔު މަކީ މުޖްތަމައު ހޭލުން ތެރި ކުރުމު ގެ ގޮތުން ހުށައަޅާ  ލިޔުންތަކެކެވެ. އަޅުގަނޑު ލިޔުންތައް ނަފްސާނީ ބަލިތަކުގެ ތަފާތު ބައިތަކަށް ބަހާލަން ޤަޞްދުކުރަމެވެ. 


ޑޮކްޓަރ ނަފްޙާ މުޙައްމަދު ރަޝީދު

ދިވެހި މުޖްތަމައު ނަފްސާނީ ބަލިތައްގައި އާދަޔާ ޚިލާފަށް  އިތުރުވަމުން އަންނަކަން  ވަނީ ފާހަގަކުރެވިފައެވެ.    މި ސިލްސިލާގެ ލިޔުން ތަކުގައި  ނަފަސާނީ މައްސަލަތަކާ، މައްސަލަތައް ދެނެގަންނާނެ ގޮތާއި އަދި މިފަދަ މައްސަލަތަކަށް ފަރުވާ ހޯދުމުގެ މުހިންމު ކަމާމެދު އަލި އަޅުވައިލަން ޤަޞްދުކުރަމެވެ .  

މިލިޔުމަކީ ސައިކޭޓްރިކް ހާއްސަ ޑޮކްޓަރަށް ނުދައްކާހުރުމަށް ބާރުއަޅާ ނުވަތަ އެފަދަ ޑޮކްޓަރުންގެ ލަފާ ނުހޯދުމަށް ބާރު އަޅަން ދޭ އިރުޝާދުތަކެއް ނޫން ކަމުގައި ފަށަމުން ވެސް ދަންނަވަމެވެ.  މިލިޔު މަކީ މުޖްތަމައު ހޭލުން ތެރި ކުރުމު ގެ ގޮތުން ހުށައަޅާ  ލިޔުންތަކެކެވެ. އަޅުގަނޑު ލިޔުންތައް ނަފްސާނީ ބަލިތަކުގެ ތަފާތު ބައިތަކަށް ބަހާލަން ޤަޞްދުކުރަމެވެ.   

-	ސައިކޮލޮޖިކަލް މައްސަލަތައް ( މުޖްތަމައެގައި އެމައްސަލަތައް ގިނަ )  

-	އެންމެ އުދަގޫ ނަފްސާނީ މައްސަލަތައް ( ބޭސްފަރުވާ ކުރުމަށްވެސް  އަދި ބަލި މީހާޔަށްވެސް ތަހައްމަލު ކުރަން އުދަގޫ މައްސަލަތައް)

-	މައިންނަށް ދިމާވާ މައްސަލަތައް ( ހާއްސަކޮއް ވިހުމާއި ގުޅިގެން) 

-	 މުސްކުޅިންގެ ހާއްސަ ނަފަސާނީ މައްސަލަތަށް ، 

-	ކުޑަކުދިންގެ މައްސަލަތައް އަދި ބަޔެއް 

-	މީހުންގެ މިޒާޖާއި ޝަޚްޞިއްތަތު ނުވަތަ  ޕާސަނަލިޓީ ގައި ހިމެނޭ ސައިކޭޓްރިކް މައްސަލަ ތައް  

އެންމެ އުދަގޫ ނަފަސާނީ މައްސަލަތައް:

މީގައި ފާހަގަ ކޮއްލާނީ މައިގަނޑު ތިންމަސަލައެކެވެ. އެއީ ސްކިޒޮފްރީނިއާ، ސިވިއަރ ބައިޕޯލާ ބަލި އަދި ސިވިއަރ ޑިޕްރެޝަން އެވެ.

މި ބައްޔަކީ އާއްމު ގޮތެއްގައި އާދަޔައި ޚިލާފަށް ވިސްނުންތޫނު ބައެއް މީހުންނަށް ޖެހޭ  ވިރާސީ ބައްޔެއް ކަން ފާހަގަކުރެވެއެވެ.  މިބަލީގައި މައިގަނޑު ގޮތެއްގައި ދެކަމެއް ފާހަގަކުރެވެއެވެ. މި ބަލީގެ ޝިކާރައަކަށް ވާ މީހުން މޮޔަވުން ނުވަތަ ސައިކޯވުން ޙާލަތު ކުރިމަތިވެއެވެ.  ހަގީގަތެއްނެތް ގަބޫލުކުރުންތަކާއި އަޑުތައް އިވުމާއި  އަދި އެތަނެއްގައި ނުވާތަކެތި ނުވަތަ ޚިޔާލީ ތަކެތި ފެނުން ހިމެނެއެވެ. ދެވަނަކަމަކީ އަމިއްލަ ހާލައިގެން ދިރިއުޅެން ދަތި ވުމެވެ. ( އަމިއްލަޔަށް އެއްވެސް މަސަތްކަތެއް ނުކުރެވުން، އެއީ ކާންބޯން ކުރާ މަސައްކަތް ކަމުގައި ވިޔަސް ނުވަތަ ކައި ބޮއި ފެންވަރާ ހެދުން  ފަދަ ކައްތައް ތައްވެސް ބަލިބޮޑުވާ ދުވަސް ވަރު ނުކުރެވުން އެކަށީ ގެންވެއެވެ.) 

މިބަލި ތަހައްމަލު ކޮއްފައިވާ މަޝްހޫރު މީހުންގެ ތެރޭގައި ހިސާބު ޢިލްމުގެ ޕްރޮފެސަރ ޖޯން ނޭޝް ޖޭއާރު ހިމެނެއެވެ. މީނާޔަކީ އެކޮނޮމިސްއިން ނޯބެލް އިނާމު ހާސިލް ކޮއްފައިވާ އެމެރިކާގެ ރައްޔިތެކެވެ. 

އިކޮނަމިކްސް މަޝްހޫރު ގޭމް ތިއަރީއަކީ އުފެއްދި ޖޯން ނޭޝްއަކީ އެތަކެއް އެވޯޑެއް ލިބިފައިވާ ޝަޚްޞިއްޔަތެކެވެ. ރަސަލް ކްރޯވ ބަޠަލެއްގެ ބައި އަދާކުރި އަ ބިޔުޓިފުލް މައިންޑް،  މިފިލްމު ބިނާ ކޮއްފައިވަނީ ޖޯން ނޭޝް ގެ ހަޔާތުގެ މައްޗަށެވެ. 

ކުރެހުމުގެ ދާއިރާއިން މައްޝޫރު ވިންސެންޓް ވެން ގޯރ އަކީވެސް މިބަލި ތަހައްމަލު ކުރިމީހެއް ކަމަށް ބެލެވެއެވެ.  އެލްބަޓް އެއިންސްޓައިން ގެ ދަރިފުޅު އެޑްވަޑް އެއިންސްޓައިން، އަދި ބޮލީވުޑްގެ މައްޝޫރު ބަތަލާ ޕަރުވީން ބާބީވެސް ވަރަށް ގިނަދުވަސް ވަންދެން ސްކިޒޮފްރީނިއާގެ ވައްތަރެއް ކަމަށްވާ ޕެރެނޮއިޑް ސްކިޒޮފްރީނިއާ ތަހައްމަލު ކުރަން ޖެހުނެވެ. 

މިބައްޔަށް ބިނާ ކޮއްހެދިފައިވާ  ފިލްމު ތަކުގެ ތެރޭގައި  އަ ބިޔުޓިފުލް މައިންޑް ގެ އިތުރުން ކްލީން ޝޭވަން، ސްޕައިޑަރ، ޝަޓަރ އައިލެންޑު، ޓޭކް ޝެލްޓަރ، އަދި ހިންދީ ފިލްމު ކާތިކް ކޯލިން ކާތިކް ހިމެނެއެވެ. 

ސްކިޒޮފްރީނިއާ ބައްޔަކީ އޭގެޒާތުގައި ބަޔެއް ފަހަރު ބަލި ކުޑަކޮއް ރަނގަޅުވެ އަދި ދުވަސް ކޮޅަކުން ބަލި ބޮޑުވާ ޒާތުގެ ބައްޔެކެވެ. އަދި ގިނަފަހަރައް މި ބައްޔަށް ދާއިމީ ގޮތެއްގައި ބޭސް ފަރުވާ ކުރަން ޖެހެއެވެ. މިބަލީގައި ކުއްލިޔަކަށް ނުވަތަ އެކިޔުޓް ފޭސްގައި ފެންނާނެކައްތައް ތަކަކާއި ދާއިމީ ގޮތެއްގައި ފެންނާނެ ކަންތައްތަކެއް ހުރެއެވެ. ކުއްލިޔަކަށް ފެންނާނޭ ކަންތައް ތަކަށް ބަލީގެ ނައްސި ސިފަތަކޭވެސް ކިޔައެވެ.

Nafsaanee Balithah

ނަފްސާނީ ބަލިތައް 

ސާފު، ސިއްހަތަށްރައްކާތެރި އަދި ދެމެހެއްޓެނިވި ތިމާވެއްޓަކީ އިންސާނީ ހައްގެއްކަމުގައި އދ އިން ކަނޑައަޅައިފިއެވެ. މި ނިންމުން ނިންމީ 28 ޖުލައި 2022 ގައި ބޭއްވުނު އދގެ އާންމު މަޖިލީހުގެ ބައްދަލުވުމުގައެވެ. އދގެ މެމްބަރު 193 ގައުމު ހިމެނޭ ހަމައެކަނި ފޯރަމް ކަމުގައިވާ އދ ގެ އާންމު މަޖިލީހުގެ މި ތާރީޚީ ނިންމުމަކީ ހަގީގީ ބަދަލުތަކެއް ގެނުވާނެ ނިންމުމެއްކަމަށް ބެލެވެއެވެ.


ސާފު، ސިއްހަތަށްރައްކާތެރި އަދި ދެމެހެއްޓެނިވި ތިމާވެއްޓަކީ އިންސާނީ ހައްގެއްކަމުގައި އދ އިން ކަނޑައަޅައިފިއެވެ. މި ނިންމުން ނިންމީ 28 ޖުލައި 2022 ގައި ބޭއްވުނު އދގެ އާންމު މަޖިލީހުގެ ބައްދަލުވުމުގައެވެ. 

އދގެ މެމްބަރު 193 ގައުމު ހިމެނޭ ހަމައެކަނި ފޯރަމް ކަމުގައިވާ އދ ގެ އާންމު މަޖިލީހުގެ މި ތާރީޚީ ނިންމުމަކީ ހަގީގީ ބަދަލުތަކެއް ގެނުވާނެ ނިންމުމެއްކަމަށް ބެލެވެއެވެ. މިއީ އދ ގެ 2030 ގެ އެޖެންޑާއަށް ވާސިލްވުމަށް މުހިންމު ނިންމުމެއްކަމުގައި ވެގެންދާނެއެވެ. ހަމަ މިއާއެކު ދުނިޔެ ތަހައްމަލްކުރަމުންދާ ބޮޑުތި މައްސަލަތައްކަމުގައިވާ، ތަޅާފޮޅުމާއި، ބަލިމަޑުކަމުގެ ކާރިސާއާއި، ދަރަނިބޮޑުވުމާއި، ތަކެތީގެ އަގުބޮޑުވުމާއި، ތިމާވެއްޓަށް ގެއްލުންދިނުމާއި، ތިމާވެށި ތަގައްޔަރުވުމާއި ތިމާވެއްޓަށް އަންނަ ބަދަލުވުންތަކުން އިންސާރީ ރައްކާތެރިކަމާއި ތަރައްގީއަށް ކުރިމަތިވާ ގޮންޖެހުންތަކަށް މީގެ އަސަރުކުރާނެކަމަށް ބެލެވެއެވެ. 

އިންސާނީ އަދި ގުދުރަތީ ކާރިސާތަކުގެ ސަބަބުން އެތައްބަޔަކު ދިރިއުޅުމާ ހަނގުރާމަކުރަންޖެހިފައިވެއެވެ. 2020ގައި އެކަނިވެސް، ގުދުރަތީ ކާރިސާތަކުގެ ސަބަބުން 30 މިލިއަނަށްވުރެ ގިނަ މީހުން ގެދޮރުނެތިގެން ދިޔައެވެ. ވައި ނުސާފުވުމުގެ ސަބަބުން އަހަރަކު 7 މިލިއަން މީހުން މަރުވާކަމަށް އަންދާޒާކުރެވެއެވެ. މެދުއިރުމައްޗާއި އުތުރު އެފްރިކާގައި ވާރޭވެހޭ މިންވަރު ދަށްވުމުގެ ސަބަބުން އެތައް މިލިއަންމީހުންނަށް ސާފު ފެންލިބުމުގައި ދަތިތަކާކުރިމަތިލާންޖެހެއެވެ. 

ސާފު، ސިއްހަތަށް ރައްކާތެރި، ދެމެހެއްޓެނިވި ތިމާވެއްޓަކީ އިންސާނީ ދިރިތިބުމަށް ބޭނުންވާ އަސާސީ ބަހާއެކެވެ. އަދި މޫސުމީ ރައްކާތެރިކަމަކީ، ދަނޑުވެރިކަމާއި، ކާނާގެ ރައްކާތެރިކަމާއި، އިގްތިސާދީ ދުޅަހެޔޮކަމާއި އިންސާނީ ތަރައްގީއަށް ކޮންމެހެން ބޭނުންކަމެކެވެ. އަދި ރައްކާތެރި މާހައުލެއް ދެމެހެއްޓެނިވިގޮތެއްގައި ބަލަހައްޓައި، ރައްކާތެރިކޮށް، އާލާކޮށް، ދުޅަހެޔޮ ދިރިއުޅުމަކަށް މަގުފަހިކުރުމަކީ، އެކަކުވެސް ބާކީނުވާނެގޮތުން ތަރައްގީ ގެނައުމަށް މުހިންމުކަމެކެވެ. 

މި ނިންމުގެ ނަތީޖާއަކަށްވާނީ ކޮންކަމެއްހެއްޔެވެ؟ މި ނިންމުމާއެކު، ސިއްހަތަށް ރައްކާތެރި ވެއްޓެއް ގާއިމުކޮށް، ރައްކާތެރިކުރުމަކީ ދައުލަތްތަކަށް ލާޒިމު ކަމެކެވެ. މިއީ އަދުލުއިންސާފުގެ ތެރޭގައި ހިމެނޭ ކަމެކެވެ. އެއާއެކު، މިހައްގު ހޯދުމަށް ވަކާލާތުކޮށް، ހައްގު ގެއްލޭ ފަރާތްތަކުން ބަދަލު ހޯދުމަށް މަގުފަހިވެގެންދާނެކަމެކެވެ. މިއާއެކު، ދައުލަތްތަކާއި ވިޔަފާރިތަކުން ޖަވާބުދާރީވުން ބޮޑުކޮށް، ތިމާވެއްޓަށް ކުރާ ގެއްލުމަށް ޒިންމާދާރުވާން މަޖުބޫރުވާނެކަމެކެވެ. 

dhuniye

ސިއްހަތަށް ރައްކާތެރި ވެއްޓަކީ އިންސާނީ ހައްގެއް!

ބަދިގެއެއްގެ އެންމެ މުހިއްމު ރޯލެއްއަދާކުރާ އެއްބާވަތަކީ ރީނދޫ ކަމުގައި ހަމަގައިމުވެސް ވާނެއެވެ. ކެއްކުމުގައި ރަހަތައް ފުރިހަމަކޮށް ކުލަ ރީތިކޮށްލުމަށްވެސް އަހަރެމެން ރީނދޫ ބޭނުންކުރަމުއެވެ. އެކަމަކު އެއިން ސިއްހީ އެތައް ފައިދާއެއް ލިބިދޭކަން އެނގެނީ ކިހާވަރަކަށް ހެއްޔެވެ؟  

ރީނދޫ ހިމަނައިގެން ދުނިޔޭގެ އެކި ހިސާބުތަކުގައި ބޭނުންކުރަމުން އަންނަ އެތައް ފަރުވާއެއްވެއެވެ.

އިންޑިޔާގައި ނަމަ ހަލްދީދޫދް، ވެސްޓަން ނަމުންނަމަ ޓަރމެރިކް ލާޓޭ ނުވަތަ ގޯލްޑަން މިލްކްގެ ނަމުން މަޝްހޫރުވެފައިވާ މި ބުއިމުގެ މައިގަނޑު ބާވަތްތަކަކީ ރީނދުލާއި ކިރެވެ. ރަހަ ހެޔޮވަރުކޮށް ބެލެންސްކޮށްލުމަށް ފޮނިތޮއްޓާއި އިނގުރެވެ.

އިންޑިޔާގެ އެކި ހިސާބުތަކުގައި ބޭސްފަރުވާގެގޮތުގައި ބޭނުންކުރަމުން އަންނަތާ އެތައް ގަރުނެއްވީ މި ބުއިން ޚާއްސަވަނީ އަރިދަފުސްރޯގާ، އިންފްލެމޭޝަން، އާތުރައިޓިސް، ގައިގެރިހުންތަކާއި ނަފްސާނީ އުނދަގޫތަކާއި މިނޫންވެސް އެތައް ކަމެއްގެ ހައްލު ލިބގަތުމަށް ކާބަފައިން ބޭނުންކުރަމުން އަންނަ "މުޖައްރިބު ޖާދޫ" އަކަށްވާތީއެވެ.

ގޯލްޑަން މިލްކުން ލިބިދޭ ގިނަގުނަ ސިއްހީ ފައިދާތައް އެތައް ދިރާސާތަކުން ވަނީ ހާމަވެފައެވެ.މިގޮތުން އެމެރިކާގެ ޕަބްމެޑް ސެންޓްރަލް އިން ހަދާފައިވާ ދިރާސާއަކުން ހާމަވިގޮތުގައި  އާދަވެ ދުވާލަކު 500މގ ރީނދޫ ބޭނުންކުރުމުން އާތްރައިޓިސްއަށް 50މގ ޑޮކްޓަރީބޭސް ބޭނުންކުރާ މީހުންނާ އެއްވަރަށް ފަރުވާ ލިބެއެވެ.

ޔުނިވަރސިޓީ އޮފް ނިއުކާސްލްގެ ޕްރޮފެސަރ އޮފް ނިއުޓްރިޝަން މަނޯހަރް ގާގް ވިދާޅުވަނީ ކާބޯތަކެތީގެ ތެރެއިން ހަށިގަނޑުގެ އިންފްލެމޭޝަންއަށް ރީނދުލަށްވުރެ މުހިއްމު ދައުރެއް އަދާކުރާ އެހެން އެއްވެސް އެއްޗެއް ނެތްކަމުގައެވެ. މޫޑާގުޅިފައިވާ ބަލިތަކަށް ފަރުވާލިބޭ އެއްޗެއްކަމުގައި ރީނދުލުގައި ހިމެނޭ އެންމެ މުހިންމު މާއްދާ ކަރކިޔުމިންގައި ވާކަމަށް ދިރާސާތަކުން އެނގެއެވެ.

މިގޮތުން "ޖަރނަލް އޮފް އެފެކްޓިވް ޑިސޯޑަރސް" ގައި ޕަބްލިޝްކޮށްފައިވާ ދިރާސާއެއްގައި ކަމާބެހޭ މާހިރުން ހާމަކޮށްފައިވާގޮތުގައި މޭޖަރި ޑިޕްރެޝަންއަށް ފަރުވާހޯދަމުންދިޔަ 56 ޕޭޝަންޓުން ބައިވެރިކޮށްގެން 8 ހަފްތާ ތެރޭގައި ހެދި މި ދިރާސާގައި ދުވާލަކު ދެއިރު 500މގ ރީނދޫ ދީގެން ނިކުތް ނަތީޖާއަކީ ނަފްސާނީ ބަލިތަކަށްދޭ " ޕްލެސީބޯ" ކިޔާ ބޭހަށްވުރެ ބޮޑަށް އިންސާނާގެ މޫޑާގުޅޭ އެތައްކަމެއް ރަނގަޅުކޮށްދިނުމަށް ރީނދޫ ކުރިހޯދާފައިވާކަމެވެ.

އާދަވެ ރީނދޫ ބޭނުންކުރާ ނަމަ މޫޑް ރަނގަޅުކޮށްދިނުމަށް އެހީވެދޭކަމަށް މިނޫންވެސް ގިނަ ދިރާސާތަކުން އެނގެއެވެ. އަދި ނިދާގަޑީގައި ގޯލްޑަންމިލްކް ބޭނުންކުރުމަކީވެސް މޫޑް ރަނގަޅު ކޮށްދޭ ކަމެެެކެވެ. 

ރީނދޫގައި ހިމެނޭ އެންޓިއޮކްސިޑަންޓް މާއްދާގެ ސަބަބުން ހަށިގަނޑުގެ ސެލްތައް ހަލާކުވުމުން ދުރުކޮށްދީ، ގިނަ ބަލިތަކުން ރައްކާތެރިވުމަށް އެހީވެދޭކަމަށް ދިރާސާތަކުން ދައްކައެވެ. ކެންސަރާއި ހިތުގެބަލިތަކާއި،ބްލަޑްޝުގަރ ލެވެލް ދަށްކޮށްދިނުމަށްވެސް އެހީތެރިވެދިނުމުގެ އިތުރުން ހަޖަމުގެ މައްސަލަތަކާއި، މޭނުބައިކުރުން އަދި ހޮޑުލެވުންފަދަ ކަންކަމަށްވެސް މިއީ ކަށަވަރު ފަރުވާއެކެވެ.

ގޯލްޑަންމިލްކްގައި ހިމެނޭ އިނގުރާއި ފޮނިތޮށީގެ ސަބަބުން ހަނދާންވަރުގަދަ ކޮށްދީ، ޕަރކިންސަންސް ފަދަ ބަލިތަކުން ދިފާއުކޮށްދީ، ހިތުގެ ބަލިތަކުން ރައްކާތެރިވުމަށް އެހީވެދެއެވެ.

އަދި މީގައި ހިމެނޭ އެންޓި ބެކްޓީރިއަލް، އެންޓިފަންގަލް އަދި އެންޓި ވައިރަލްގެ މާއްދާތަކުގެ ސަބަބުން އިންފެކްޝަންތަކާ  ދުރުކޮށްދިނުމަށް އެހީއަކަށްވެއެވެ.

ހަމައެހެންމެ އިނގުރާއި ފޮނިތޮއްޓަކީ އަރިދަފުސް ރޯގާއަށާއި ދިފާއީބާރު ވަރުގަދަކުރުމަށްވެސްވެސް ޒަމާނުއްސުރެ ބޭނުންކުރަމުން އަންނަ  ބާވަތްތަކެވެ.އަދި ބަރުދަންލުއިކޮށްދޭ މާއްދާތައްވެސް ރީނދޫ،އިނގުރު،ފޮނިތޮށީގައި ހިމެނިގެންވެއެވެ.

އެހެންވީމާ ގޯލްޑަން މިލްކަކީ ނުބޮއެ ދޫކޮށްލާވަރު އެއްޗެއްނޫންދޯއެވެ! 

މި މީރު ފައިދާހުރި ބުއިން ތައްޔާރު ކޮށްލާނެގޮތް:

2/1 ޖޯޑު އާމަންޑް މިލްކް/ ކާށިކިރު ނުވަތަ ބޭނުން ވައްތަރެެއްގެ ކިރެއް

1 ސ.ސަމުސާ  މުގުރި ރީނދޫ

1 ސ.ސަމުސާ ގާނާފައިހުރި އިނގުރު

2/1 ސ.ސަމުސާ މުގުރި ފޮނިތޮށި

ކުޑަ އަސޭމިރުސްކޮޅެއް (ބޭނުންނަމަ)

ކުޑަ ތެއްޔެއްގައި މާމުއި ނޫން ހުރިހާ ބާވަތެއް އެއްކޮށްލާށެވެ.

ކައްކާނީ މެދުމިނެއްގައި ހުޅުގަނޑު ބަހައްޓައިގެންނެވެ.

ކެކިގަތުމުން ގިނިމަޑުކޮށްލާށެވެ.މަޑުގިނީގައި 5 މިނިޓްވަންދެން ކެއްކުމަށްފަހު ބާލާށެވެ.

ފުރާނާލުމަށްފަހު މާމުއި އެއްކޮށްލާށެވެ!

ހޫނުކޮށް ބޭނުންކޮށްލުން އެދެވިގެންވެއެވެ.ފަހުން ބޭނުންކޮށްލުމަށް ފްރިޖްގައި 3 ދުވަހުގެ މުއްދަތަކަށް ރައްކާކުރެވިދާނެއެވެ.

-މަޢުލޫމާތު: މެޑިކަލް ނިއުސް ޓުޑޭ،ޓީ އިންޑިޔާ.ކޯ.ޔޫކޭ

ޚަބަރު

ނަފްސާނީ ބަލިތަކުގެތެރެއިން: ބައިޕޯލާ

ނަފްސާނީ ބަލިތައް

ސިއްހަތަށް ރައްކާތެރި ވެއްޓަކީ އިންސާނީ ހައްގެއް!

ރީނދުލާއި ގޯލްޑަންމިލްކްގެ ޖާދޫ! އަޖުމަ ބަލާލަމާ!