Redraw

އީރާނުގެ ރައީސް، އިބްރާހިމް ރައިސީ ދަތުރުކުރެއްވި ހެލިކަޕްޓަރު ވެއްޓުނު ހާދިސާގައި އެމަނިކުފާނާއި، އެ ޤައުމުގެ އިތުރު ބައެއް އޮފިޝަލުން އަވަހާރަވެފައިވާކަން އެ ޤައުމުން އިއުލާންކޮށްފިއެވެ.

އީރާނުގެ ރައީސް، އިބްރާހިމް ރައިސީ އާއި އެގައުމުގެ ފޮރިން މިނިސްޓަރ، ހުސެއިން އާމިރު ދަތުރު ކުރެއްވި ހެލިކަޕްޓަރު ވެއްޓުމުގެ ހާދިސާ ހިނގާފައިވަނީ އުތުރުގައި އޮންނަ އަޒަރުބައިޖާން ސަރަހައްދުގައި ޑޭމް ޕްރޮޖެކްޓެއް އިފްތިތާހު ކުރެއްވުމަށްފަހު އެނބުރި ވަޑައިގެންނެވި މަގުމަތީގަ އެވެ. އާޒަރުބައިޖާންގައި އިއްޔެ އެ ގައުމާއި އިރާން ގުޅޭ ސަރަހައްދުގައި ހެދި ޑޭމްއެއް ދެ ގައުމުގެ ވެރިން އިފްތިތާހު ވެސް ކޮށްދެއްވި އެވެ.

އިރާނުގެ ރެޑްކްރެސެންޓާއި ހަވާލާދީ އަލްޖަޒީރާއިން ބުނިގޮތުގައި ހެލިކަޕްޓަރު ވެއްޓުނު ސަރަހައްދުގެ ގޮތުން މޫސުން ގޯސްވުމުގެ ސަބަބުން ހެލިކޮޕްޓަރާ ހަމައަށް ރެސްކިއު ޓީމުތައް ދާން 15 ގަޑިއިރަށް ވުރެ ގިނަ އިރު ހޭދަވިއެވެ. އަދި ރެޑް ކްރެސެންޓުގެ ރެސްކިއު ޓީމުތަކަށް އެ ސަރަހައްދަށް ދެވުނުއިރު، ރައީސީ ދަތުރު ކުރެއްވި ހެލިކޮޕްޓަރުގެ ބޮޑު ބައި ވަނީ އަނދައި އަޅިއަށް ވެފައެވެ.  ހެލިކަޕްޓަރު ފެނުނު ސަރަހައްދުން ދިރިހުރި އެއްވެސް މީހެއްގެ ނީޝާނެއް ފެންނަން ނެތް ކަމަށްވެސް އަލްޖަޒީރާއިން ވަނީ ރިޕޯޓްކޮށްފައެވެ. 

މިއާއިއެކު އީރާނުގެ ސަރުކާރުން ރަސްމިކޮށް މިހާރު މިވަނީ އެ ޤައުމުގެ ރައީސް، އިބްރާހިމް ރައިސީ އާއި އެގައުމުގެ ފޮރިން މިނިސްޓަރ، ހުސެއިން އާމިރު އަވަހާރަވެފައިވާކަން އިޢުލާނު ވެސް ކޮށްފައެވެ.  

އިރާނުގެ ޤާނޫނުއަސާސީ ބުނާގޮތުން ރައިސީ އަވަހާރަވުމާއި ގުޅިގެން، އޭނާގެ ޒިންމާތަކާއި ވަގުތީ ގޮތުން ހަވާލުވެވަޑައި ގަންނަވާނީ ނައިބު ރައީސް މުހައްމަދު މޮޚްބެރް އެވެ. އަދި 50 ދުވަހުގެ ތެރޭގައި އިންތިހާބެއް ބާއްވައި އާ ރައީސަކު އިންތިހާބު ކުރަންޖެހެއެވެ.

އިރާނުގެ ރައީސް އަވަހާރަވިކަން އިއުލާނު ކުރުމާއި ގުޅިގެން ދުނިޔޭގެ ގިނަ ލީޑަރުން ގެންދަވަނީ އެކަމާއި ހިތާމަފާޅު ކުރައްވަމުންނެވެ. 

Helicopter ventunu haadhisaagai Iran ge raees avahaaravefaivaakah egaumun iulaankohfi

ހެލިކޮޕްޓަރު ވެއްޓުނު ހާދިސާގައި އިރާނުގެ ރައީސް އަވަހާރަވެފައިވާކަން އެ ޤައުމުން އިއުލާންކޮށްފި

.އަށްޑުވަސް މަޖައްލާގެ ފުރަތަމަ އަދަދު

އަށްޑުވަސް މަޖައްލާގެ ފުރަތަމަ އަދަދު

 އަށްޑުވަސް ފުރަތަމަ އަދަދު ވިދާޅުވުމަށް ތިރީގައިވާ ލިންކަށް ފިތާލައްވާ: 

https://issuu.com/adduvasnews.com/docs/adduvas_issue_1

 އަށްޑުވަސް ޖެނުއަރީގެ އަދަދު ވިދާޅުވުމަށް ތިރީގައިވާ ލިންކަށް ފިތާލައްވާ

https://issuu.com/adduvasnews.com/docs/to_issue_adduvas

adduvas

އަށްޑުވަސް ޖެނުއަރީގެ އަދަދު

އިބްރާހިމް ނާސިރު  (ސުމުއްވުލް އަމީރު އިބްރާހިމް ނާސިރު ރަންނަބަނޑޭރި ކިލެގެފާނު) އަކީ ރާއްޖޭގެ މިނިވަންކަމުގެ ބާނީ އަދި ދެވަނަ ޖުމްހޫރިއްޔާގެ ފުރަތަމަ ރައީސެވެ. ދިވެހި ސަރުކާރުގެ އެންމެ އިސް މަގާމު 19 އަހަރު ވަންދެން ނާސިރު ފުރުއްވިއެވެ. އިބްރާހިމް ނާސިރަކީ ރާއްޖޭގެ ބޮޑުވަޒީރުކަމާއި، ތަފާތު އެތައް ވުޒާރާއެއްގެ ވަޒީރުކަން ފުރުއްވި ސްޓޭޓްސްމަނެކެވެ. 

އިބްރާހިމް ނާސިރު  (ސުމުއްވުލް އަމީރު އިބްރާހިމް ނާސިރު ރަންނަބަނޑޭރި ކިލެގެފާނު) އަކީ ރާއްޖޭގެ މިނިވަންކަމުގެ ބާނީ އަދި ދެވަނަ ޖުމްހޫރިއްޔާގެ ފުރަތަމަ ރައީސެވެ. ދިވެހި ސަރުކާރުގެ އެންމެ އިސް މަގާމު 19 އަހަރު ވަންދެން ނާސިރު ފުރުއްވިއެވެ. އިބްރާހިމް ނާސިރަކީ ރާއްޖޭގެ ބޮޑުވަޒީރުކަމާއި، ތަފާތު އެތައް ވުޒާރާއެއްގެ ވަޒީރުކަން ފުރުއްވި ސްޓޭޓްސްމަނެކެވެ. އަދި ރާއްޖޭގެ ތަރައްގީގެ މުހިންމު ތަނބުތަކެއް ގާއިމްކުރެއްވި އިގްތިސާދީ މާހިރެކެވެ. 

26 ޖުލައި 1965 ގައި އިނގިރޭސިންގެ ޙިމާޔަތުގެ ދަށުން ރާއްޖެއަށް ފުރިހަމަ މިނިވަންކަން ހޯއްދަވައިދެއްވިއެވެ. އެ މިނިވަންކަމުގެ އެއްބަސްވުމުގައި އިނގިރޭސި ސަރުކާރާއެކު ސޮއިކުރެއްވީ އެމަނިކުފާނެވެ. އައްޑުއަތޮޅު ގަމުގައި ހިންގަމުން ގެންދިޔަ އިނގިރޭސިންގެ ޢަސްކަރީ ބޭސް ހިންގުން ނިމުމަކަށް ގެންނެވީވެސް އެމަނިކުފާނުގެ ވެރިކަމުގައެވެ. ރާއްޖޭގައި ފަތުރުވެރިކަން ފެށްޓެވީވެސް އެމަނިކުފާނުގެ ވެރިކަމުގައެވެ. އަދި ރާއްޖޭގައި އިނގިރޭސި މީޑިއަމަށް ކިޔަވައިދެއްވަން ފެށްޓެވީވެސް އެމަނިކުފާނެވެ.

އިބްރާހިމް ނާސިރު އުފަންވެ ވަޑައިގަތީ 2 ސެޕްޓެމްބަރު 1926 ގައެވެ. އަވަހާރަވީ 22 ނޮވެމްބަރު 2008 ގައެވެ. 

ނާސިރު ކުޑަ ދުވަސްކޮޅަކު ސިލޯނަށް ވަޑައިގެން ކިޔަވާ ވިދާޅުވިއެވެ. އެއަށްފަހު އަނބުރާ ވަޑައިގެން އުޅުއްވީ ބޮޑަށް ސަރުކާރުގެ އެކި މަގާމު އަދާކުރެއްވުމުގައެވެ. 

ރާއްޖޭގެ ފުރަތަމަ ޖުމްހޫރިއްޔާގެ ނިމުމަށްފަހު ވެރިކަމަށް ވަޑައިގަތީ ވެލާނޭގޭ އިބްރާހިމް މުހައްމަދު ދީދީއެވެ. އޭގެ މާ ގިނަ ދުވަހެއް ނުވެ، 1955ގައި އިބްރާހިމް މުހައްމަދު ދީދީ އާލާސްކަންފުޅަކަށް ފަރުވާއަކަށް ސިލޯނަށް ވަޑައިގަންނަވަން ޖެހި ވަޑައިގަތެވެ. އެއަށްފަހު ދިވެހި ދައުލަތުގެ ކަންކަން ހިންގެވުމާ ހަވާލުވެވަޑައިގަތީ ނާސިރެވެ. ނާސިރު ބޮޑު ބޭބޭފުޅަށް އެންގެވީ އަނބުރާ ރާއްޖެ ވަޑައިނުގަތުމަށެވެ. އެއަށްފަހު، ދިވެހި ދައުލަތުގެ އެންމެ ބާރުގަދަ ބޭފުޅަކަށް ނާސިރު ވެވަޑައިގަތެވެ.

އިބްރާހިމް ނާސިރުގެ އުމުރުން 31 އަހަރުފުޅުގައި (12 ޑިސެމްބަރު 1957) ގައި ރާއްޖޭގެ ބޮޑުވަޒީރުކަން ލިބިވަޑައިގަތެވެ. 26 ޖުލައި 1965ގައި އިނގިރޭސި ހިމާޔަތުގެ ދަށުން ރާއްޖެއަށް ފުރިހަމަ މިނިވަންކަން ހޯއްދަވައިދެއްވީ ނާސިރެވެ. އެ އެއްބަސްވުމުގައި ދިވެހި ދައުލަތުގެ ފަރާތުން ސޮއިކުރެއްވީ ނާސިރެވެ. 

ރާއްޖޭގެ ދެވަނަ ޖުމްހޫރިއްޔާގެ ފުރަތަމަ ރައީސްކަމާ ނާސިރު ހަވާލުވެ ވަޑައިގަތީ 11 ނޮވެމްބަރު 1968 ގައެވެ. މި މަގާމުގައި 10 އަހަރު ހުންނެވުމަށްފަހު 11 ނޮވެމްބަރު 1978 ގައި މަގާމުން އިސްތިއުފާ ދެއްވިއެވެ. 

ނާސިރުގެ މުހިންމު ޚިދުމަތްތައް

-	26 ޖުލައި 1965 ގައި ރާއްޖެއަށް މިނިވަންކަން ހޯއްދަވައިދެއްވުން

-	އިނގިރޭސި ތައުލީމު ފެއްޓެވުމާއި އޭލެވެލް ތައާރަފްކުރެއްވުން

-	އަތޮޅު ތައުލީމީ މަރުކަޒުތައް ގާއިމްކުރެއްވުން

-	އަންހެނުންނަށް ވޯޓުލުމުގެ ފުރުސަތު

-	ނަރުހުން ތަމްރީނުކުރަން ފެއްޓެވުން

-	ހެލްތު ސެންޓަރުތައް ގާއިމްކުރެއްވުން

-	ފުރަތަ ހޮސްޕިޓަލް ގާއިމްކުރެއްވުން

-	ފުރަތަމަ އެއާޕޯޓު ގާއިމްކުރެއްވުން

-	ޓުއަރިޒަމް އިންޑަސްޓްރީ ތައާރަފްކުރެއްވުން

-	އިންޖީނުލީ މަސްދޯނި ތައާރަފްކުރެއްވުން

-	ފެލިވަރު މަސްބަންދުކުރާ ކާރުހާނާ ގާއިމްކުރެއްވުން

-	މޯލްޑިވްސް ޝިޕިންގ ލިމިޓެޑު ގާއިމްކުރައްވައި، ޝިޕިން ލައިން ފުޅާކުރެއްވުން

އިބްރާހިމް ނާސިރަކީ ވެލާނާގޭ މުހައްމަދު ދީދީގެ އަހުމަދު ދީދީގެ ބޭފުޅެކެވެ. މަންމާފުޅަކީ ފުވައްމުލަކު އައިޝަތު މޫސާ ދީދީއެވެ. ނާސިރުގެ ބައްޕަ ފަރާތު ބޮޑުބޭބޭފުޅަކީ ފުރަތަމަ ޖުމްހޫރިއްޔާގެ ނައިބުރައީސް ވެލާނާގޭ އިބްރާހިމް މުހައްމަދު ދީދީއެވެ. 

އިބްރާހިމް ނާސިރު ތިން ބޭފުޅަކާ ކައިވެނި ބައްލަވައިގެން، 5 ބޭފުޅުން ލިބިވަޑައިގެންނެވިއެވެ. 

ސޯސަންގޭ ތުއްތުދޮންގޮމާ (އައިޝަތު ޒުބައިރު) އާއި ކައިވެން ބައްލަވައިގެން ލިބިފަޑައިގެންނެވި ބޭފުޅަކީ އަހުމަދު ނާސިރެވެ. 

ބަގީޗާގޭ މަރިޔަމް ސައީދުއާއި ކައިވެނި ބައްލަވައިގެން ލިބިވަޑައިގެންނެވި ބޭފުޅުންނަކީ، މުހައްމަދު ނާސިރާއި އަލީ ނާސިރެވެ. 

ހިކިފިނިވެންމާގޭ ނަސީމާ މުހައްމަދު ކަލޭގެފާނާއި ކައިވެނި ބައްލަވައިގެން ލިބިވަޑައިގެންނެވި ބޭފުޅުންނަކީ، އިސްމާއީލް ނާސިރާއި އައިޝަތު ނާސިރެވެ. 

meehun

އިބްރާހިމް ނާސިރު

ދިވެހިރާއްޖޭގެ ފިލްމީ ދާޢިރާއިން ގިނަބައެއްގެ މަޤްބޫލްކަން ހޯދާފައިވާ، އިބްރާހީމް ޝާކިރު(ޝާކިރުބެ) ނިޔާވެއްޖެއެވެ.

މަޢުލޫމާތު ލިބިފައިވާ ގޮތުގައި ޝާކިރުބެ ނިޔާވެފައިވަނީ ސްޓްރޯކެއް ޖެހިގެން ހޮސްޕިޓަލުގައި ފަރުވާދެމުން ދަނިކޮށެވެ. ނިޔާވި އިރު އުމުރަކީ 85 އަހަރެވެ.

ޝާކިރުބެއަކީ ނުވަދިހައިގެ އަހަރުތަކުން ފެށިގެން ދިވެހި ގިނަ ފިލްމުތަކަކުން ފެނިގެން ގޮސްފައިވާ ދިވެހިން ދަންނަ ފަރިތަ މޫނެކެވެ. ފިލްމު ކުޅުމުގެ އިތުރުން ޝާކިރުބެ ވަނީ ޓީވީއެމުން ރޯދަމަަހަށް ހާއްޞަކޮށްގެން ގެނެސްދޭ  މުހައްމަދުރަސޫލުﷲ ގައި ހިމެނޭ މުހިންމު ބައެއް ކެރެކްޓާތަކަށް އަޑުވެސް އަޅަދީފައެވެ. 

ޝާކިރުބެ އަކީ ވަރަށް ގިނަދުވަސްތަކެއް ވަންދެން ޓެލެވިޒަން މޯލްޑިވްސް (ޓީވީއެމް)ގައި މަސައްކަތް ކުރައްވާފައިވާ ފަރާތެކެވެ. 35 އަހަރަށް ވުރެ ގިނަދުވަހު ޝާކިރުބެ ސަރުކާރަށް ޚިދުމަތް ކޮށްެދެއްވާފައި ވެއެވެ.

ކުރީގެ ޗީފް އޮފް ޑިފެންސް ފޯސް އަހުމަދު ޝިޔާމްގެ ބައްޕާފުޅު، ޝާކިރުބެގެ މައްޗަށް ކުރެވޭ ކަށުނަމާދު އޮންނާނީ މިއަދު މެންދުރު ނަމާދަށްފަހު މަސްޖިދުލް ޒައިދު ބިން ޘާބިތު (ހުޅުމާލެ ސަހަރާ މިސްކިތް) އެވެ. 

Shakirbe niyaa vejje

ޝާކިރުބެ ނިޔާވެއްޖެ

ކެޔޮފީނި އެޕިސޯޑް 2

Keyofeeni Episode 1 

ކެޔޮފީނި އެޕިސޯޑް 1

މާފަންނު ގެއެއްގެ ތެރޭގައި ނިޔާވެފައި އޮއްވާ މިއަދު ފެނުނީ ގެއްލިގެން ހޯދަމުން ދިޔަ ޒުވާނާކަމަށް ދިވެހި ފުލުހުން ވިދާޅުވެއްޖެއެވެ. 

ދިވެހި ފުލުހުން ވިދާޅުވީ މއަދުގެ ވަގުތެއްގައި މ.ރަބީޢުވިލާއިން މަރުވެފައި އޮއްވާ ފެނުނީ ގެއްލިގެން ހޯދަމުން ދިޔަ މއ. ބޯޅަކިންކިރިމާގެ، އުމުރުން 30 އަހަރުގެ އަހުމަދު އައިމަން އަޙްމަދު ކަމަށް ޔަޤީން ކުރެވިފައިވާ ކަމަށެވެ.

އައިމަންގެ އާއިލާއަށް އޭނާގެ ހަބަރެއްނުވެގެން ފުލުހުންނަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ދިވެހި ފުލުހުން ފަށާފައި ވަނީ މިއަދުއެވެ. އޭރު އައިމަން އާއިލާ އާއި ހަވާލާދީ ފުލުހުން ބުނީ އައިމަން އެންމެ ފަހުން ފެނިފައިވަނީ މި މަހުގެ 16ވަނަ ދުވަހުގެ ރޭގަނޑު 9:30 ހާއިރު، އޭނާ ދިރިއުޅޭ ގެއިން ކަމަށެވެ. 

މިއަދު ޒުވާނަކު ނިޔާވެފައިވާ އިރު، މިދިޔަ ބުދަ ދުވަހު ހުޅުމާލޭގައި އޮތް ވޭނެއްގެ ތެރެއިންވެސް ބިދޭސީއަކު މަރުވެފައި އޮއްވައި ވަނީ ފެނިފައެވެ. އޭގެ އިތުރުން މި މަހުގެ 13 ވަނަ ދުވަހު ބަނޑޭރި ކޮށީގައި ހުރި ގެއެއްގެ ތެރެއިން ނިޔާވެފައި އޮތް މީހަކު ވަނީ ފެނިފައެވެ.

މިއަދު ނިޔާވެފައި އޮއްވައި ފެނުނު ޒުވާނޭގެ މައްސަލަ ތަޙްޤީގު ކުރަމުން ގެންދާކަމަށް  ފުލުހުންގެ  ޚިދުމަތުން ވިދާޅުވިއެވެ. 

Niyaavefai oiyvaa fenunee gehligen hoadhaa zuvaanaa: Fuluhun

ނިޔާވެފައި އޮއްވާ ފެނުނީ ގެއްލިގެން ހޯދާ ޒުވާނާ: ފުލުހުން

އަނެއްކާވެސް ގެއެއްގެ ތެރެއިން މަރުވެފައި އޮތް މީހަކު ފެނިއްޖެ އެވެ.

ފުލުހުން ބުނީ މަރުވެފައި އޮތް މީހަކު ފެނުނީ މ.ރަބީއު ވިލާ އިން ކަމަށެވެ. އެމީހާ ފެނިފައިވަނީ އެގޭގެ އެންމެ ތިރީ ފަންގި ފިލާއިން ނެވެ. ފުލުހުން ބުނީ އެމައުލޫމާތު ލިބުނީ މިއަދު 14:20 ހާއިރު ކަމަށެވެ. ފުލުހުން ދަނީ ސީންގައި ހަރަކާތްތެރި ވަމުންނެވެ.

މިދިޔަ ހަފްތާގައި ބަނޑޭރި ކޮށީގެ އެޕާރޓްމަންޓަކުން ވެސް ވަނީ މަރުވެފައި އޮތް ދިވެހި ޒުވާނަކު ފެނިފައެވެ. އޭނާގެ މަރުގެ ހަގީގަތް ދެނެގަތުމަށް ޕޯސްޓްމޯޓަމް ހެދުމުގެ މަރުހަލާ ފުލުހުން ވަނީ ފަށާފައެވެ.

Nahekka ves ge eh ge there in maruvefa oi meehaku fenijje

އަނެއްކާވެސް ގެއެއްގެ ތެރެއިން މަރުވެފައި އޮތް މީހަކު ފެނިއްޖެ

ޅ. އަތޮޅުގެ ފަޅުރަށެއް ކަމަށްވާ ގާއެރިފަރުގައި ވަޅުލާފައިވާ ގިނަ އަދަދެއްގެ ބަނގުރާ ހޯދާ ދިވެހި ފުލުހުންގެ ބެލުމުގެ ދަށަށް ގެންގޮސްފި  އެވެ. 

ދިވެހި ފުލުހުންގެ ޢިދާރާއިން ވިދާޅުވީ ޅ. ގާއެރިފަރުގައި ބަނގުރާ ވަޅުލާފައި ހުރިކަމަށް ހިންނަވަރު ޕޮލިސް ސްޓޭޝަނަށް ލިބުނު މައުލޫމާތަކާއި ގުޅިގެން ހިންގި އޮޕަރޭޝަނުގައި ބަނގުރާ ހޯދާ، އެ އިދާރާގެ ބެލުމުގެ ދަށަށް ގެންގޮސްފައިވާ ކަމަށެވެ. 

މެއި 19 ވަނަ ދުވަހު ހިންނަވަރު ޕޮލިސް ސްޓޭޝަނުން ހިންގި އެ އޮޕަރޭޝަނުގައި، އެ ރަށުގައި ބަނގުރާ ވަޅުލާފައި ހުރި ކަމަށް ބުނާ ސަރަހައްދު ބަލައިފާސްކުރި އިރު 91 ދަޅު ބަނގުރާ އަދި 59 ފުޅި ބަނގުރާ ފެނިފައިވާކަމަށް ވެސް ދިވެހި ފުލުހުންގެ ޢިދާރާއިން ވިދާޅުވިއެވެ.

މި މައްސަލަ އާއި ގުޅިގެން މިހާތަނަށް އެއްވެސް މީހަކު  އަދި ހައްޔަރެއް  ނުކުރެއެވެ. ހިންނަވަރު ޕޮލިސް ސްޓޭޝަނުން  ދަނީ މި މައްސަލަ ތަޙްޤީގު ކުރަމުން  ނެވެ. 

ފަޅުރަށަކުން ވަޅުލާފައިވާ ބަނގުރާތަކެއް ފެނިފައިވާއިރު މީގެ ކުރިން ރާއްޖޭގެ ބައެއް ފަޅު ރަށްރަށުން ގިނަ އަދަދެއްގެ މަސްތުވާ ތަކެތިވެސް ވަޅުލާފައި ހުއްޓައި ވަނީ ފެނިފައެވެ. 

Falhurashakun gina adhadhenge baguraa hoadhaa fuluhunge belumuge dhashah gengosfi

ފަޅުރަށަކުން ގިނަ އަދަދެއްގެ ބަނގުރާ ހޯދާ ފުލުހުންގެ ބެލުމުގެ ދަށަށް ގެންގޮސްފި

ގދ. އަތޮޅުގައި އޮންނަ ރަފެލްސް މޯލްޑިވްސް މެރަދޫ ރިސޯޓުން ކަޔަކެއްގައި މޫދަށް އެރި އުޅެނިކޮށް ޚަބަރެއް ނުވެގެން ހޯދަމުންދިޔަ މީހާ ފެނިއްޖެއެވެ.

ޤާއުމީ ދިފާޢީ ބާރު (އެމްއެންޑީއެފް) އިން މައުލޫމާތުދިން ގޮތުގައި އުމުރުން 32 އަހަރުގެ ބަންގްލަދޭޝްގެ ރައްޔިތެއްކަމުގައިވާ މުޙައްމަދު ސަވަން ފެނިފައި ވަނީ މިއަދުގެ 09:25 ހާއިރު ގއ. ރެސިޑެންސް މޯލްޑިވްސް ރިސޯޓްގެ މޫދުން އެ ރިސޯޓްގެ މުވައްޒަފުންނަށެވެ.

ފެނުނުއިރު، އޭނާގެ ހާލު ރަނގަޅު ކަމަށާއި، އަދި، އޭނާ މަސައްކަތްކުރާ ރިސޯޓަށް ގެންދިއުމުގެ މަސައްކަތް ރެސިޑެންސް މޯލްޑިވްސް ރިސޯޓުން މިހާރު ކުރަމުންދާކަމަށް އެމްއެންޑީއެފުން ބުނެއެވެ. 

ބަންގްލަދޭޝްގެ މި މީހާ ގެއްލިގެން އޭނާ ހޯދުމުގެ މަސައްކަތް އިއްޔެއިން ފެށިގެން އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑް ފޯތު ސްކޮޑްރަންއިން ދިޔައީ ކުރަމުންނެވެ.

މިދުވަސް ވަރަކީ މުޅި ރާއްޖެއަށްވެސް މޫސުން ވަރަށް ގޯސް ދުވަސްވަރަކަށް ވާތީވެ ކަނޑު ދަތުރުފަތުރު ކުރުމުގައި ހާއްޞަ ސަމާލުކަމެއް ދިނުމަށާއި، އަދި ކޮންމެހެން ކުރަންޖެހޭ ދަތުރެއް މެނުވީ މިދުވަސްކޮޅު ނުކުރުމަށް އެމްއެންޑީއެފުން ވަނީ އިލްތިމާސް ކޮށްފައެވެ.

އިއްޔެވެސް މުޅިރާއްޖެއަށް ރީދޫ ސަމާލު ނެރެފައިވާއިރު މިހާރު ރާއްޖެއަށް ކުރަމުން މިދަނީ ހުޅަނގު މޫސުމުގެ ވިއްސާރަކަމަށް ޤާއިމީ މޫސުމާއި ބެހޭ ޢިދާރާ (މެޓް އޮފީސް) އިން ވަނީ ހާމަކުރައްވާފައެވެ. 

ރާއްޖެގެ މޫސުން ރަނގަޅުވާން ފަށާނީ އަންނަ ބުދަ ނުވަތަ ބުރާސްފަތި ދުވަހުން ފެށިގެން ކަމަށްވެސް މެޓް އޮފީހުން ހާމަކުރައްވައެވެ. 

Meradhoo resort in moodhah eri unlhenikoh genlunu meehaa fenijje

މެރަދޫ ރިސޯޓުން މޫދަށް އެރި އުޅެނިކޮށް ގެއްލުނު މީހާ ފެނިއްޖެ

ދިވެހި ޒުވާނަކު ގެއްލިގެން އޭނާގެ ޢާއިލާއިން ހޯދާތާ ފަސްދުވަސް ވީއިރުވެސް ފެނިފައި ނުވާތީ އެ ޒުވާނ ހޯދުމުގެ މަސައްކަތް ދިވެހި ފުލުހުންގެ ޢިދާރާއިން ފަށައިފިއެވެ. 

ދިވެހި ފުލުހުން އިދާރާއިން ބުނިގޮތުގައި ވީ ގޮތެއް ނޭނގި ގެއްލިގެން ހޯދަމުން އަންނަނީ މއ. ބޯޅަކިންކިރިމާގެ، އުމުރުން 30 އަހަރުގެ އަހުމަދު އައިމަން އަޙްމަދު ކަމަށެވެ.

އައިމަންގެ އާއިލާއަށް އޭނާގެ ހަބަރެއްނުވެގެން ފުލުހުންނަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް މިހާރު ކުރަމުން އަންނަ ކަމަށް ދިވެހި ފުލުހުން ބުންޏެވެ. 

އައިމަންގެ އާއިލާއާ ހަވާލާދީ ފުލުހުން ބުނީ އައިމަން އެންމެ ފަހުން ފެނިފައިވަނީ މި މަހުގެ 16ވަނަ ދުވަހުގެ ރޭގަނޑު 9:30 ހާއިރު، އޭނާ ދިރިއުޅޭ ގެއިން ކަމަށެވެ. 

އައިމަންގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ގުޅައި މައުލޫމާތު ހިއްސާކުރެއްވުމަށް ވެސް ދިވެހި ފުލުހުން  ވަނީ އެދިފައެވެ. 

މިފަހަކަށް އައިސް މިގޮތަށް މީހުން ގެއްލިގެން ފުލުހުންގެ ފަރާތުން ވަރަށް ގިނައިން އާއްމުންގެ އެހީތެރިކަމަށް އެދެމުން ގެންދެއެވެ. 

Dhivehi zuvaaneh gehligen hoadhaathaa 5 dhuvas adhives nufenay

ދިވެހި ޒުވާނަކު ގެއްލިގެން ހޯދާތާ ފަސް ދުވަސް، އަދިވެސް ނުފެނޭ

ގެއްލިގެން ހޯދަމުންދިޔަ ދޯންޏާ ގުޅިއްޖެ ކަމަށް އެމްއެންޑީއެފް އިން ބުނެފިއެވެ. ނަމަވެސް އެދޯނީގައި ތިބި މީހުންގެ ހާލަތެއް އެމްއެންޑިއެފްއިން އަދި ނުބުނެއެވެ.

ހަތަރު މީހުންނާއެކު ދަތުރުކުރަނިކޮށް ހުކުުރު ދުވަހު ގެއްލުނީ "އޭއޭއޭ 37" މުދާ އުފުލާ ދޯންޏެވެ. އެދޯނި ގެއްލުނީ ކ.ތިލަފުށިން ފުރައިގެން މ.މެދުފުށި އައިލެންޑް ރިސޯރޓަށް ދަތުރު ކުރަނިކޮށެވެ. އެމްއެންޑީއެފް އިން ބުނީ އެދޯންޏަށް މިހާރު ގުޅިފައިވާ ކަމަށާއި, ކޯސްޓްގާޑް ޝަހީދު ޢަލީ ދޯނި އޮތް ސަރަހައްދަށް ދިޔުމަށް ދަތުރުކުރަމުންދާ ކަމަށެވެ.

އެދޯނިން ދަތުރުކުރީ ދިވެއްސަކާއި ބަނގްލަދޭޝްގެ ތިން މީހުންނެވެ. ދޯނި ހޯދުމަށް އެމްއެންޑީއެފް ކޯސްޓްގާޑުން ކުރިއަށްގެންދިޔަ އޮޕަރޭޝަންގައި ކަނޑާއި ވައިގެމަގުން، މީމު އަތޮޅު ރަތްމަންދޫގެ އިރުމަތީ ބިތުން ބޮޑު ސަރަހައްދެއް ވަނީ ބަލާފައެވެ. ގޮތުން ކަނޑާއި ވައިގެމަގުން 4519 ސްކެއަރ ނޯޓިކަލް މޭލު ސަރަހައްދެއް ބަލާފައިވާކަމަށް އެމްއެންޑީއެފް އިން ބުންޏެވެ.

މި ދުވަސްވަރަކީ މުޅި ރާއްޖެއަށް ވިއްސާރަވެ، ވައިގަދަވެ، ކަނޑުތައް ގަދަ ދުވަސްވަރަކަށް ވާތީ، ކަނޑު ދަތުރުކުރާ ފަރާތްތަކުން މޫސުމަށް ސަމާލުކަން ދިނުމަށް އެމްއެންޑީއެފްއިން ވަނީ އިލްތިމާސް ކޮށްފައެވެ.

Gehlligen hoadhamundhaa dhoanyaa gulhijje

ގެއްލިގެން ހޯދަމުންދިޔަ ދޯންޏާ ގުޅިއްޖެ

އިނގިރޭސި ޕްރިމިއަރ ލީގުގެ ރަންބޫޓް ހާލަންޑް ދިފާއުކޮށްފި އެވެ. އިނގިރޭސި ޕްރިމިއަރ ލީގުގައި ހޭދަކުރި ދެވަނަ ސީޒަންގައި ވެސް ރަންބޫޓް ހޯދީ ބޮރޫޝިޔާ ޑޯޓްމުންޑުން ސިޓީއަށް ބަދަލުވި ނޯވޭގެ ފޯވާޑް ހާލަންޑެވެ.

ހާލަންޑް ރަންބޫޓް ދިފާއުކުރީ 27 ލަނޑު ޖަހައިގެންނެވެ. ހާލަންޑާ އެންމެ ގާތުން ވާދަކުރީ ސިޓީގެ ކުރީގެ ކުޅުންތެރިޔާ ޗެލްސީގެ ކޯލް ޕާމާ އެވެ. ލީގުގެ އެންމެ މޮޅު ޒުވާން ކުޅުންތެރިޔާ ލީގުގައި 22 ލަނޑު ޖެހިއެވެ. ނިއުކާސަލް ޔުނައިޓެޑްގެ އިސާކް 21 ލަނޑު ޖެހިއެވެ.

ލީގުގެ މޮޅު ކުޅުންތެރިޔާ ސިޓީގެ ފޮޑެން ވަނީ ލީގުގައި 19 ލަނޑު ޖަހާފައެވެ. އޭގެތެރޭގައި ފަހު މެޗުގައި ސިޓީއަށް ލީގު ޔަގީންކޮށްދޭން ޖެހި ދެ ލަނޑު ވެސް ހިމެނެއެވެ. ފަހު މެޗަށް ނިކުއިން އިރުވެސް ފޮޑެން އަށް ވަނީ ލީގުގެ މޮޅު ކުޅުންތެރިޔާގެ ޓްރޮފީ ދީފައެވެ. މިދިޔަ ސީޒަންގައި ލީގުގެ މޮޅު ކުޅުންތެރިއަކީ ވެސް ހާލަންޑެވެ. މިދިޔަ ސީޒަންގެ ލީގުގައި ހާލަންޑް 36 ގޯލް ޖެހިއެވެ.

ލީގު ޗެމްޕިއަންކަން މެންޗެސްޓަރ ސިޓީ ހޯދީ, އާސެނަލް އަށްވުރެ ދެ ޕޮއިންޓް އިތުރަށް ހޯދައިގެންނެވެ. އެއީ 91 ޕޮއިންޓާ އެކުއެވެ. އާސެނަލް ވަނީ 89 ޕޮއިންޓް ހޯދާފައެވެ. ސިޓީ ވެފައި ވަނީ ވިދިވިދިގެން 4 ފަހަރު ޕްރިމިއަރ ލީގު ހޯދި ފުރަތަމަ ޓީމަށެވެ. އެފަޚުރު ހޯދައިދިން ކޯޗަކީ ޕެޕް ގާޑިއޯލާ އެވެ.

Ranboot Haaland ah, Molhu kulhuntheri akah Foden 

ރަންބޫޓް ހާލަންޑަށް, މޮޅު ކުޅުންތެރިއަކަށް ފޮޑެން

ވިދިވިދިގެން 4 ވަނަ ފަހަރަށް ޕްރިމިއަރ ލީގު ހޯދި ފުރަތަމަ ޓީމަކަށް މެންޗެސްޓަރ ސިޓީ, ކޯޗަކަށް ގާޑިއޯލާ ވެއްޖެ އެވެ.

މެންޗެސްޓަރ ސިޓީ ހަތަރު ވަނަ ފަހަރަށް ލީގު ޗެމްޕިއަންކަން ކަށަވަރުކުރީ މިސީޒަންގެ ލީގުގެ ފަހު މެޗުގައި 3-1 ން ވެސްޓް ހޭމް ޔުނައިޓެޑް ބަލިކޮށް ފުރިހަމަ ބާރުގައެވެ. މެޗަށް ނިކުއިންއިރު ސިޓީއަށް ލީގު ގެއްލެން އޮތީ ބަލިވުމުގެ އިތުރުން އާސެނަލް އެވަޓަން އަތުން މޮޅުވެގެންނެވެ. އާސެނަލް ވަނީ 2-1 ން އެވަޓަން ބަލިކޮށްފައެވެ. އެކަމަކު ސިޓީން މެޗު ކާމިޔާބުކުރުމުން އާސެނަލްއަށް ލީގު ހޯދުމުގެ ފުރުޞަތެއް ނުލިބުނެވެ. 

ސިޓީން ލީގު ޗެމްޕިއަންކަން ދިފާއުކުރީ 38 މެޗުން 91 ޕޮއިންޓް ހޯދައިގެންނެވެ. ފަހު މެޗުގައިވެސް ސިޓީގެ ތަރިއަކަށްވީ ލީގުގެ މޮޅު ކުޅުންތެރިޔާ ފިލް ފޮޑެން އެވެ. ބާނާޑޯ ސިލްވާ ތަނަވަސްކޮށްދިން ފުރުޞަތަކުން އޭނާ ވަނީ ދެވަނަ މިނިޓްގައި ސިޓީއަށް ލީޑް ނަގައިދީ ޕްރެޝަރު ނިމުމަކަށް ގެނެސްފައެވެ. 18 ވަނަ މިނިޓްގައި ދެވަނަ ލަނޑެއްވެސް ޖެހީ ފޮޑެން އެވެ. ހާފް ނިމެން ދަނިކޮށް ކުޑޫސް ލަނޑެއް ޖަހާ ވެސްޓް ހޭމްއަށް ފަރަގު ކުޑަކޮށްދީފައި ވަނިކޮށް, ދެވަނަ ހާފްގައި ސިޓީގެ ތިންވަނަ ލަނޑު ޖެހީ ރޮޑްރީ އެވެ. ރޮޑްރީއަށް ވެސް ފުރުޞަތު ތަނަވަސްކޮށްދިނީ ބާނާޑޯ ސިލްވާ އެވެ.

އިނގިރޭސި ޕްރިމިއަރ ލީގުގެ ތާރީޚުގައިވެސް މީގެކުރިން ވިދިވިދިގެން ހަތަރު ފަހަރު އެއް ޓީމަކަށް ލީގު ނުހޯދެއެވެ. އަދި އެއް ކޯޗަކަށްވެސް އެކަން ނުކުރެވެއެވެ.

Vidhi vidhigen4 vana faharah Premier league hoadhi furathama team akah Manchester City, Coach akah Gurdiola

ވިދިވިދިގެން 4 ވަނަ ފަހަރަށް ޕްރިމިއަރ ލީގު ހޯދި ފުރަތަމަ ޓީމަކަށް މެންޗެސްޓަރ ސިޓީ, ކޯޗަކަށް ގާޑިއޯލާ

ކުރެންދޫ ދާއިރާއަށް އިންތިޚާބުވި އަމިއްލަ މެމްބަރު ޝާމިން ޙަބީބު ވެސް ޕީއެންސީ އަށް ސޮއިކުރައްވައިފި އެވެ.

މެމްބަރު ކަމުގެ ހުވާ ކުރެއްވުމުގެ ކުރިން މިއަދު ޕީއެންސީއަށް ސޮއިކުރައްވާ ފޯމް ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ.މުހައްމަދު މުއިއްޒުއާ ވަނީ ހަވާލުކުރައްވާފައެވެ. ޝާމިން ހަބީބު މަޖިލިހަށް އިންތިޚާބުވީ ސަރުކާރުގެ ތާއީދާ ނުލައެވެ. ކުރެންދޫ ދާއިރާއިން ސަރުކާރާއި ރައީސުލްޖުމްހޫރިއްޔާ ތާއީދު ކުރެއްވީ 19 ވަނަ މަޖިލިހުގެ މެމްބަރު އަބްދުލްޣަނީ އަށެވެ.

ސުޕަރ މެޖޯރިޓީ ހޯދި ސަރުކާރު ހިންގާ ޕީއެންސީއަށް މިހާތަނަށް ވަނީ އަމިއްލަ ގޮތުން އިންތިޚާބުވި އަށް މެމްބަރަކު ސޮއިކުރައްވާފައެވެ. ޕީއެންސީގެ ޓިކެޓްގައި އިންތިޚާބުވެވަޑައިގެންނެވި މެމްބަރުންނާއި, އަމިއްލަގޮތުން އިންތިޚާބުވެވަޑައިގެން ފަހުން ޕިއެންސީއަށް ސޮއިކުރެއްވި މެމްބަރުންނާއެކުވެސް ސަރުކާރަށް ސުޕަރ މެޖޯރިޓީ ލިބެއެވެ. އެއީ 74 މެމްބަރުންނާ އެކުއެވެ.

މީގެއިތުރުން އެމްޑިއޭގެ ލީޑަރާއި, ޖުމްހޫރީ ޕާޓީގެ ލީޑަރާއި, ނެޝަނަލް ޕާޓީގެ ލީޑަރުވެސް އިންތިޚާބުވެވަޑައިގެންނެވީ ސަރުކާރުގެ ތާއީދާއެކުއެވެ. އަދި އެބޭފުޅުން ސަރުކާރަށް ތާއީދުކުރައްވައެވެ. ސަރުކާރުގެ ތާއީދާ ނުލައި އިންތިޚާބުވެވަޑައިގެންނެވި ވެލިދޫ ދާއިރާގެ މެމްބަރު މުހައްމަދު އައްބާދްވެސް ސަރުކާރަށް ތާއީދު ކުރައްވައެވެ. އޭނާ އިންތިޚާބުވެ ވަޑައިގަތީ އެމްޑިއޭގެ ޓިކެޓްގައެވެ. އެމެމްބަރުން ހިމެނިވަޑައިގަންނަވާ ގޮތަށް ސަރުކާރު ކޯލިޝަންގައި 78 މެމްބަރުން ތިއްބަވާނެ އެވެ. އިދިކޮޅު އެމްޑީޕީގައި ތިއްބަވާނީ އެންމެ 12 މެމްބަރުންނެވެ.